CODOOSENSE 4:10 - Wanaadi A'deddu

¹⁰ Aaditaaducu, ñäädä yaacä jedeesoje naadö, ta’deujödö nadääja äwwadäädäiñe; Maadoco mmaja, ñäädä Waanawé weichacoono, ta’deujödö nadääja dea. Jenaadä manaanontätääne ñäädä Maadoco tödöötojo jäcä; adöiñaiñe iicha’jäcä aashicha tödöötäcä’de.

CODOOSENSE 4:10 Iomraidhean Croise

DOSECHO 12:12

Yääje tötö’tajä’ancädä töwö Peedhodo cöntämä Madía mmai yöiña, ñäädä Juan dhenö, Maadocooje mmaja chäätö cönä’ja’dö. Yäätä cönä’ja’to jooje soto Wanaadi wwä wa’deunäje.

DOSECHO 12:25

Yaawä töwwäiñe tödööemö jäcä töwä’ca’comjäcä ñanno Waanawé, Saudo mmaja, cöntonto dea Jeduusadén ñanno; töjaadäiñe Juan cönaadoicho, ñäädä Maadocooje mmaja chäätö cönä’ja’dö.

DOSECHO 13:13

Yaawä jidaawa awä Paujo ñanno Paudo cönääma’täi, chääjadoncomo mmaja. Peedeje ña cöntonto yaawä, yää Pamjiidiya ñano jata. Yäätä cönooto’nomjoicho Juan wwä; Jeduusadén ña cönennacai yaawä ñäädä.

DOSECHO 13:5

Yaawä Saadami ña töwä’döa’comjäcä Wanaadi a’deddu cöneecammajä’a’to judhío we’jummato’como taca. Juan mmaja chääjadäiñe cönä’ja’dea, i’wa’täneichomooje.

DOSECHO 19:29

Yaawä tameedä jataawoncomo cöneewodoicha’to jooje. Tönwanno cönaajoicho Caayo, Adiitaaducu mmaja, ñanno Maasedooniya ñancomo, Paudo jadoncomo. Cöni’jiichöicho yaawä töwe’jummato’como taca.

DOSECHO 20:4

Chääjadä cöntonto Soopateedo, ñäädä Wedeea ñano; Aaditaaducu mmaja cönä’ja’dea; Secuntu mmaja, Teesadoonica ñancomo; Caayo mmaja, Deedewe ñano; Tiimoteo mmaja; Tíiquico mmaja; Todóojimo mmaja, ñanno Aasiya ñancomo.

DOSECHO 27:2

Ñaa cönä’täi yaawä Aadamiitiyo ñano jidaawa aca, Aasiya ñano wötäädö. Aaditaaducu mmaja ñaa jadä cönä’ja’dea, ñäädä Teesadoonica ñano, Maasedooniya ñano jataawono.

DOSECHO 4:36

Ñanno quedeiyentecoomo antawäiñe cönä’jaacä dhanwa, José täätö; dewiitaje ñäädä cönä’jaacä, Chiipede antadö ña yennu’jödö. Waanaweeje cöne’ta’to ñanno anonta’como. Ya’dänei, quee töwä’dö’se yeichö.

DOMAANO 16:2

Cajiichaana Jesuuquidiito jäcäinchädä aashicha tödöötäcä’de, quedeiyente weichö nönge deaane. I’wa’tätääcä’de tameedä iiñödö jäcä. Quedeiyente i’wa’täneichomo töwö; öwö mmaja ö’wa’tätä weneene dea.

DOMAANO 16:7

Ya’deujödö ecammatääcä’de Antodoonico wwä, Juuniya wwä mmaja; jaatacoinchomo ñanno, jedeesoje weichö jaadoncomo’jödö. Täneejuca’como tönwanno anonta’como wwäiñe. Tönwanno yoowajoodä Quidiito cöneecamjöicho.

2 TIIMOTEO 4:11

Duuca mma töjääcäjeene jaadä na. Awe’a’jäcä Maadoco ene’cä’de; öwwä tujunne na, ö’wa’täneije.

JIIDEMÓN 1:23

Mä’dä Epaujada, Jesuuquidiito ecamjödö jo’tädööje jedeesoje weichö weichacoono, ta’deujödö nadääja äwwadäädäiñe.

JIIDEMÓN 1:24

Maadoco mmaja, Aaditaaducu mmaja, Deema mmaja, Duuca mmaja, ta’deujocoomo nadääjaato dea; tönwanno naato weetadaawa’cajoodö jimmäje.

1 PEEDHODO 5:13

Quedeiyente Waawidooniya ña naatoodö, maatoodöje eiya’como mmaja, ta’deujocoomo nadääjaato äwwadäädäiñe; önnedö Maadoco mmaja.