CODOOSENSE 3:8 - Wanaadi A'deddu

⁸ Eduuwaane tameedä mädä e’nomjajai maato, yää tääde’cwade weiña, wäätömaanä mmaja, wä’tushiimanä mmaja, cone’da wa’deunä mmaja, nossaje wa’deunä mmaja.

CODOOSENSE 3:8 Iomraidhean Croise

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

MAADOCO 7:22

wemeenönnä mmaja, anejja nödöödö ijummadö mmaja, conemjönö mmaja, wätäncu’tänä mmaja, tujummamjönö ijummadö mmaja, we’neimmanä mmaja, wätunnä dha’me weiñä mmaja, o’jodhe töwei’she weiñä mmaja, töwäätuujacoone’da weiñä mmaja.

DOMAANO 13:13

Chäänönge queichäiye, tawaanato acancomo eijai ñaatoodöje dea. Wä’dau’nä jäcä’da queichäiye, wänwanä jäcä’da mmaja, imaasuduicha’da mmaja, anejja conemjönö jäcä’da mmaja, ätäccujäätö’da mmaja, e’neimma’da mmaja.

1 CODINTIYO 3:3

ajuunucoomo woije dea aweijäcäiñe. We’neimmanä töweiye naadö naane’ adhantawäiñe, wä’tu’de’tänä mmaja, aata’deucwe’da weiñä mmaja. ¿Ajuunucoomo woije jönca ätö’tadööcomo yaawä, quedeiyentejöncomo nönge?

2 CODINTIYO 12:20

Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

CAADATA 5:15

Yaawääne’, äwwäädäiñe äwäätäuwa’comjäcä, awaataiju’jä’a’comjäcä mmaja, töwaatame mma ataamejai maato yaawä.

CAADATA 5:20

chu’taajä jummadö mmaja, jöwaije weiñä mmaja, wä’tu’de’tänä mmaja, wata’deutänä mmaja, wätö’neimmanä mmaja, äätömaacoije weiñä mmaja, töwö mma töwei’she weiñä mmaja, ootowoije’da weiñä mmaja, aata’deucone’da weiñä mmaja,

CAADATA 5:26

O’jodhe chö’tajäätö’da queicho’ñojo, cöjimmotoncomo aneetömaajotäiñe’da mmaja, e’neimma’da mmaja.

EUJEESIYO 4:22

Jenaadä awei’jocoomo e’nomjatääcä, yää tujuunu nijummadö tödöödö. Yää jenaado’jä weiñä töweecone’ma na; töwäätäncu’tojo na dea conemjönö tumjummadö que.

EUJEESIYO 4:25

Yääje yeijäcä juutuje’da eichäcä eduuwa; tameedä na’deuwö’ña’to chäänöngato que töweichacoono wwä, yää dea ejööje cöweiya’como.

EUJEESIYO 4:26

Äwäätömaadawäiñe conemjönö männötäi yää e’nei. Töwäätömaadä mma ano ñadäädoto mämja’do’jotäi’che.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

EUJEESIYO 5:4

Nossajaato jäcä’da adha’deutäcä, töjaado’joone töshiiye wa’deunä jäcä’da mmaja, conemjönö ai wääjanä jäcä’da mmaja; dötä’da na mädä. Wanaadi wwä aashicha wa’deunä mmaane äntaiñe ija’canö’jojai maato.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

CODOOSENSE 3:9

Änwannoje dea mätäncu’täjä’täi eduuwa, jenaadä awei’jocoomo to’nomja yeijäcä äwwäiñe, jenaadä tönnöe mä’ja’quennö mmaja.

1 TIIMOTEO 1:13

Töwö Jesuuquidiito mädääje yöödöne jenaadä töjääcä cone’da töwa’deuwe wei’jödö weichaame, tömmamincha wei’jödö weichaame mmaja, töneetana’tä wei’jödö weichaame mmaja. Yääje yeichaame töwö wentumje yeeneaaquene yoowoinchadä yääje wei’jödö weijäcä quedeiyenteje’da weichö.

1 TIIMOTEO 1:20

Ñanno naatoodö yääja’como, Iimeneo, Aadejantudu mmaja. Ñanno wu’neto Caajuushawa wwä, yä’cuseijadööcomo wetä, Wanaadi jäcä cone’da a’deuwö’da yeichöcoomo wetä yaawä.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

SANTIYAACO 2:7

¿Ñanno dea jönca Quidiito jäcä cone’da töwa’deuwe weneeneto, ñäädä tönontäämö, chäätö joi tä’tä maatoodö?

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

2 PEEDHODO 2:18

Iiña mmädä töwa’deuwe weneeneto, yääjönö wa’cä. Conemjönö que, tujuunu nijummadö que mmaja, tönencu’täiñe weneeneto ñanno chäänöngemjöncomo jonnoto yäänejeea’como.

2 PEEDHODO 2:7

Doote mmaane Wanaadi cöneewanaacai, ñäädä dhanwa chäänöngato. Ñäädä Doote töquincha cönä’jaacä conemjönö tödöödö eneedö ñanno conemjöncomo wwäiñe.

JUUDHA 1:13

Tuna madaatacai joojato töweiye naichöje naato; dha’donö nönge yää conemjönö iiñödööcomo. Shidiichä sadiijanga’como töweiye naichöje mmaja naato dea. Yeichöödäje yeicho’comooje tödööajä na tööjato.

JUUDHA 1:8

Yääje yeichaame ñanno chäänöngemjöncomo, cantawäiñe tacaade’da yääwaaca’como wecammaatoodö, yääje mmaja naato dea. Töwäänetööa’como tönwanno. Täjööcomo töncone’ma weneeneto; Cajiichaana Jesuuquidiito tönquimmajä’e mmaja. Cone’da töwa’deuwe weneeneto dea tameedä tönoiña’como jäcä.

APOOCADIISI 16:9

Soto cöiñatuujätöicho yaawä ta’nato joojato que. Yääje yeichaame tötö’tajäätödööcomo änsa’dumincha’da cöneiya’to. Tönwanno Wanaadi o’jodhaatoje ane’tä’da cöneiya’to, ñäädä yää wätä’maminchanä edhaajä. Cone’da mma cöna’deuwöicho chääjäcä.