CODOOSENSE 3:5 - Wanaadi A'deddu

⁵ Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

CODOOSENSE 3:5 Iomraidhean Croise

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

DOMAANO 1:26

Yääje yeijäcä Wanaadi cöneetömaicho ñanno soto, conemjönö tumjummadööcomo tödöödö wetä chäwwäiñe. Wodiiñamo jadä’jödöödä cönääsecaicho dhanwa jadä töweicho’como jonno, tödöödö töweiye naichöje’da tödöödö wetä.

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 6:6

Cönwanno cowaanäcäiñe na yää jenaadä cöwei’jocoomo Quidiito jadä cuduusa jäcä yääma’jödö. Yaawä yää conemjönö tödö’se weiñä cönäämai. Yääje yeijäcä conemjönö tödöödö anoonöje eijai’cha caato eduuwa.

DOMAANO 7:23

juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

DOMAANO 7:5

Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

1 CODINTIYO 5:1

Adheecadööcomo töweecata weneene conemjönö adhantawäiñe töweiye yeichö, Wanaadi dhowaanojöncomo jadä’jödöödä tödööjaichojöönö, yää senööjaaja dö’tä weiñä.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

1 CODINTIYO 6:13

Chäänönge mmaja yääje töwä’döe weneeneto dea: “Äwanshi tödööajä na wääwashinchotoojoje; wenö tödööajä na äwanshi ewöötöje;” quee. Yääje yeichaame a’nädäncädä Wanaadi nacoichaja’de yää. Cäjööcomo mmaane Cajiichaana wwonooje tödööajä na, tömaasuduichaamöje’daane, chäädhajääne töwö yeiyajä.

1 CODINTIYO 6:18

Äänejeetäcä masuuduije weiñä jonno. Tameedä anejja conemjönö soto tönnöe weneenetoodö täjööcomo jäcoonojöönö; masuuduichanä mmaane äjö jäcoono.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

EUJEESIYO 4:19

Tönwanno ijöichöcoomo ’je’da na. Tönwanno töwä’tue naato conemjönö wwä, töwäätätäädä töweichöcoomo que aneejejaiñene’jödöödä conemjönö tödöödö wetä töwwäiñe.

CODOOSENSE 2:11

Quidiito jadä aweichomjäcä mmaja siicunsidaadoje mä’dötääne dea, adheejöcoomo jäcä’daane, ajuunucoomo nijummadö jonno töwääwanaaca aweichöcoomo queene; yää yää Quidiito nödöödö siicunsidaadoje weiñä.

1 TEESADOONISENSE 4:3

Wanaadi conemjönö ’je’da aweichonse na. Töwö nijumma masuuduichanä e’nomjadö äwwäiñe.

1 TEESADOONISENSE 4:5

Änwanno ajiiñantoncomo tödööjai’cha maato ajuunucoomo nijummadö woije mma, äänawä awei’sheiñe aweichöcoomo jäcäinchädä mma’da mmaja. Quedeiyentejöncomo mmaane mädääje weneeneto, ñanno Wanaadi dhowaanojöncomo.

1 TIIMOTEO 6:10

Jödaata ijummadö tameedä conemjönö ju’jäje na. Yää jäcä töwäätätäädä töweichöcoomo woije anejjacoomo tösaadijange naato ecamjödö jonno; yää e’nei jooje conemjönö töneene weneeneto.

EEWEDEO 12:16

Anejja mma adhantawäiñe imaasuduichai’che, Wanaadi onnontä’da mma ei’che, Esaú cönä’ja’döje. Töwö Esaú täwanshiñö jäcäinchädä mmädä tacoono wwä cöneecammai yää aashichaato töwwä töweiyemööjato’jödö. Yää aashichaato cönä’jaacä awa’deeto dhanwa wennuaajä wwä töweiyemö.

EEWEDEO 13:4

Tönoiñe jötaanä tödöötäcä. Masuuduije’da tö’dha’como nei’ña’to, töiñoca’como mmaja. Ñanno masuuduija’como nätä’maminchajaato’de Wanaadi wwä.

EEWEDEO 13:5

Jödaata jäcä äätätäädä’da eichäcä; äwwäiñe naadö mmaane ojoonaiñe nei’ñojo. Edääje Wanaadi wä’dö’jödö na: “Asancwa’da wa’de weichöje; adhe’nomja’da mmaja wa’dede;” quee.

SANTIYAACO 4:1

¿Ane’cäämö ewoonö’jödööje töwä’tu’de’tä määnetääne, töwäätäuwe mmaja? Ajuunucoomo woije tötö’tajä’e aweijäcäiñe mädääje määnetääne, yää ätö’tajäätödööcomo jadä töwä’tu’de’tä weneenedö.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.