CODOOSENSE 3:4 - Wanaadi A'deddu

⁴ Ñäädä Quidiito cöweicho’comooje naadö we’a’jäcä, änwanno mmaja aashicha määnejaato’dede chääjadä.

CODOOSENSE 3:4 Iomraidhean Croise

MATEO 13:43

Yaawä ñanno aashicha’como naato’de tawaane, shii wa’cä, Tumöötoncomo jataacäi. Eta’sato neta’ñojo.

DUUCA 17:30

Mädääje mmaja na’dede yaawä Soto nnedö wäänejoodawä.

JUAN 11:25

Jesuuquidiito cönä’döaacä chäwwä: —Öwö ñäädä töwäämaajo jonno weja’canä edhaajä, do’ta edhaajä mmaja. Ñäädä yeecanö’nei, töwääma’jödö weichaame naadonca’de.

JUAN 14:3

Aweicho’como choonecaadö wä’ca’jäcä we’a’dede; yaawä manaadäaato’de, öwö weichojo dö’tä mmaja meichäiye.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOMAANO 8:18

Joojemjönööje öwwä nichö’ta eetä töwäntunaanö’e cäänetäänedö, äcuude aashicha cöweicho’como naadö o’näde.

DOMAANO 8:19

Tameedä amoode’naajä naadö jooje niyoomo’ca Wanaadi nnacoomo wä’nejoncadööcomo.

1 CODINTIYO 1:7

Yääje yeijäcä Cajiichaana Jesuuquidiito wäänejoodö miyoomo’catoodö wadaadäädä a’que’da na Wanaadi nutuudu äwwäiñe.

1 CODINTIYO 15:43

Conemjönö ewaaca’jödö weichaame yaadoncaajä mmaane aashichaatoje. Jäduujemjönö ewaaca’jödö weichaame yaadoncaajä mmaane jäduuje.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

JIDIIPENSE 3:21

Töwö ninwacaama’de cäjööcomo conemjönö töwö täjö aashichaato nönge. Yää nödööa’de töjäädudu que, yää tameedä to’nä tönnöe weneenedö que dea.

1 TEESADOONISENSE 4:17

yaawä jeene cönwanno nudo’como. Chääjadäiñe coojodööaato’de yaawä; tujuumä cataadäjaato’de yaawä ca’dutu de’wä, caju ña Jesuuquidiito ejoodödö wetä cöwwäiñe. Yaawä cöweichöcoomoje caato’de Cädhaajotoncomo jadä.

1 TIIMOTEO 6:14

Edä waanontänä wödööja äwwä, äncu’naca’da mödöiye, täcammajä’emööje’da aweichö wetä, Cajiichaana Jesuuquidiito weejödö jonaane.

2 TIIMOTEO 1:1

Öwö Paudo, Wanaadi woije Jesuuquidiito nanontädö, yeichöödoto weiñä ecammaajä ecaademeecödö wetä öwwä, yää Jesuuquidiito jadä wä’dönä que naadö.

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

1 JUAN 5:12

Ñäädä Wanaadi nnedö ’jano töweichö neneea’de. Ñäädä Wanaadi nnedö ’jemjönö mmaane töweichö aneene’da na’de.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.

APOOCADIISI 2:7

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö nameedöje wänu’a’de weichojo ejeedödö, yää Wanaadi jataawä Aashichaato ña naadö;” quee cönä’döaacä öwwä ñäädä soto nnedö nöngato.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.

APOOCADIISI 22:14

Ta’cwaiñe eijai ñaato ñanno töwoomöcoomo choccannamo’jödö, weichojo ejeedödö ameedö wetä töwwäiñe, jata nata’tadö ai töwoomomöödöcoomo wetä mmaja.