CODOOSENSE 3:24 - Wanaadi A'deddu

²⁴ odhoowanääcäiñe yeijäcä Cajiichaana wwono adheeje’jocoomo eichojo, yää tameedä äwwäiñe tu’emööje naadö. Quidiito sotoijeene maato; töwö Adheedhajootoncomo neeneje na.

CODOOSENSE 3:24 Iomraidhean Croise

MATEO 10:41

Ñäädä Wanaadi wa’deuwödö ecammanei aashicha tödöönei, Wanaadi anoonöje yeichö jäcäinchädä, Wanaadi wa’deuwödö ecammanei ejeemadö nönge dea nääjemaaja’de. Ñäädä soto aashichaato aashicha tödöönei, aashichaatoje yeichö jäcäinchädä, soto aashichaato ejeemadö nönge dea nääjemaaja’de.

MATEO 5:12

Adha’cwainchatääcä’de yaawä; ä’wa’dätääcä’dede, adheejemaato’como jooje yeijäcä caju ña. Mädääje dea tömmaminchaiñe töweiye cönä’ja’to odhoowajoodo’como Wanaadi wa’deuwödö ecammannamo.

MATEO 5:46

Ajummannamo mma ijumma’jäcä äwwäiñe, ¿aaquene ääjemaajai ñai yää? Mädääje acu’shänä jödaatai i’jummanei nijumma tujummanei chea mma.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:5

“Wanaadi wwä awa’deuwödaawäiñe ñanno yääjönö wa’co’como wäänejoodö naatoodöje’daane eichäcä. Tönwanno yaacö’comje Wanaadi wwä töwa’deuwödööcomo jiidi, we’jummatoojo taca, jödo’na mmaja, täneedöcoomo wetä soto wwäiñe. Chäänönge yääje wä’döa äwwäiñe, mädä que mma täjeema naato tönwanno.

DUUCA 14:14

Yaawä ta’cwaiñe eijai ma, ñanno adheejemaajai’cha yeichomjäcä. Yaawä jeene määjemaaja’de, chäänönga’como waadoncato’como awä jeene; quee cönä’döaacä Jesuuquidiito.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

1 CODINTIYO 11:23

Cajiichaana Jesuuquidiito dea yoowanoomane yää äwwäiñe wecammajä’aaquennö. Tu’tojo coijaichawä dea Cädhaajotoncomo Jesuuquidiito uu cönannäjöi.

1 CODINTIYO 3:8

Äänönge naato ñaatö’tänei’jödö acä töjöönei’jödö; chääwaadäiñe chääje’jödö nä’tua’de chaadawaajuichomo’jödö ’cäwa’cä mma.

1 CODINTIYO 7:22

Ñäädä Cajiichaana Jesuuquidiito wwä ta’dejjadaawä tädhaajäque cönä’ja’dö, eduuwa tädhaajäque yeichö jonno u’caajä töweiye naichöje na, Cajiichaana Jesuuquidiito anoonöje yeichö wetä. Yääje mmaja ñäädä ta’dejjadaawä tädhaajäque’da cönä’ja’dö; Quidiito anoonöje na eduuwa ñäädä.

CAADATA 1:10

¿Änääcö ca wiya’daanä mädääje wä’dödö que, soto ’ja, Wanaadiiñe? ¿Soto a’cwaima’seiñe ca wäänene? Soto a’cwaimaneichomooje wei’jo mmaane Jesuuquidiito anoonöje’da weichö.

EUJEESIYO 6:6

Adheedhajootoncomo neneedöje mma meichäi’che, soto a’cwaimadaawä weiñä töweiye naichöje’daane. Quidiito anoonö nönge deaane eichäcä; tödö’se aweichöcoomo queene Wanaadi waanontädö tödöötäcä.

EUJEESIYO 6:8

Änwanno odhoowanääcäiñe na soto waadäi Cajiichaana Jesuuquidiito wwä ejeemato’como aashichaato iiñö’jödö woije, tädhaajäcaato, tädhaajäquemjönö mmaja.

CODOOSENSE 2:18

Wanaadi wwä adheejemaato’como que mätänwajiiñajootäi adhencu’tä’sa’como wwä. Ñanno adhencu’tä’sa’como o’jodhe chö’tajä’jönö wa’cä yäänejoodöcoomo; amoode ya’deme’nnamo mmaja tönwanno. Tönwanno na’deuwaato towaanojöncomo jäcä. Iiña mmädä adai’joto wa’cä nääcanö’aato, tötö’tajäätödööcomo woije mma.

EEWEDEO 10:35

Yääje yeijäcä aneecamjödööcomo mäncuna’matäi; yää aneecamjödööcomo eje’jödö adai’jä na’de.

EEWEDEO 11:6

Ecamjödö ’je’da cöweiya’comjäcä mmaane Wanaadi a’cwaimajai’cha caato yaawä. Ñäädä Wanaadi wwadäädä töötä’sato aneecamjö’da’da eijai ña Wanaadi töweiye yeichö, tujummannamo töni’wa’tä yeichö mmaja.

EEWEDEO 9:15

Yääje yeijäcä töwö Jesuuquidiito na eduuwaato weiñä ecammaajä tödööneije. Quidiito wääma’jödö weijäcä töweiye na eduuwa conemjönö choccatoojo, yää awa’deeto’jä weiñä cönä’ja’dawä soto cönnöichodö choccatoojoje. Yääje yeijäcä ñanno Wanaadi na’dejjadö wwäiñe ä’tujai ña yää töwaatamemjönö tu’emö, chäwwäiñe Wanaadi cöneecammaichö dea.

1 PEEDHODO 1:4

Eduuwaatoje töwennue cöweijäcäiñe cöwwäiñe töweiyemööje na Wanaadi nutuudu töwaatamemjönö, töweecone’mamjönö mmaja, jemi yu’tacoi töweiye naichö nönge’da. Yää cöwwoncomooje tösooma na caju ña.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.