CODOOSENSE 3:23 - Wanaadi A'deddu

²³ Tameedä ännödööcomo tödö’se aweichöcoomo que tödöötäcä, Cajiichaana wwonooje, soto wwonooje’daane,

CODOOSENSE 3:23 Iomraidhean Croise

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

DOMAANO 14:6

Ñäädä anooto ooto’jodhe tödöönei, Wanaadi wwonooje yääje nödööa. Ñäädä ooto’jodhe anooto ännöjöönö, Wanaadi wwonooje mmaja yääje nödööa dea. Ñäädä tameedä tänäänei, Wanaadi wwonooje yääje nödööa, aashicha Wanaadi wwä töwa’deuwancädä. Ñäädä tameedä änämjönö, Wanaadi wwonooje mmaja yääje nödööa dea, Wanaadi wwä aashicha töwa’deuwancädä mmaja.

DOMAANO 14:8

Nudä cöweichöcoomo Cajiichaana wwonooje caato; cöwääma’comjäcä Cajiichaana wwonooje dea caato. Mädääje na; nudä cöweichöcoomo jeiñe mma, töwääma cöweichöcoomo jeiñe mma, Cajiichaana wwonooje dea caato.

EUJEESIYO 5:22

Ñäädä töiñocaato töiño woije eijai ña, Cajiichaana Jesuuquidiito woije weiñä wa’cä deaane.

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:13

Jesuuquidiito jäcäinchädä tameedä adheedhajootoncomo woije eichäcä, adai’joto acu’shänä yeiya’jäcä,

1 PEEDHODO 2:15

Mädääje Wanaadi awei’sheiñe na, aashichaato tödöödö que Wanaadi dhowaanojöncomo meta’jöichajootäiye, aneene’jutu’jöncomo mmaja.