CODOOSENSE 3:22 - Wanaadi A'deddu

²² Änwanno tädhaajäca’como, edä nono de’woncomo adheedhajootoncomo woije eichäcä, töwö ñeenedööje mma’da, soto mma a’cwaimadaawoto töweiye naichöje’daane, chäänönge ätö’tajäätödööcomo yeiyancädääne, Wanaadi ñontancädä.

CODOOSENSE 3:22 Iomraidhean Croise

MATEO 6:22

“Soto enuudu na yeichö dhawaadöje. Aashicha adheenudu yeichawä aweijotä yaawä.

MATEO 8:9

Tädhaajäcaato mmaja öwö dea. Yaanonö mmaja töweiye naicho dea, suddau. “Äjääne;” ca’jäcä öwwä anejja wwä, töötä yaawä ñäädä. “Ä’cäde;” ca’jäcä, töwe’e yaawä, “Mädä tödööcä;” ca’jäcä öwwä yaanonö wwä, tönnöe yaawä töwö; quee cönä’döaacä ñäädä suddau edhaajotoncomo Jesuuquidiito wwä.

DUUCA 6:46

“Ane’que’nei Cajiichaanaje cä’taato, ya’deddu woije’da aweichaameiñe?

DUUCA 7:8

Tädhaajäcaato mmaja öwö dea. Yaanonö mmaja töweiye naicho dea, suddau. “Äjääne,” ca’jäcä öwwä anejja wwä, töötä yaawä ñäädä. “Ä’cäde,” ca’jäcä, töwe’e yaawä. “Mädä tödööcä,” ca’jäcä öwwä yaanonö wwä, tönnöe yaawä töwö; quee mmaja suddau edhaajotoncomo cöneecammaja’dea tanoonö wwäiñe.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

CAADATA 1:10

¿Änääcö ca wiya’daanä mädääje wä’dödö que, soto ’ja, Wanaadiiñe? ¿Soto a’cwaima’seiñe ca wäänene? Soto a’cwaimaneichomooje wei’jo mmaane Jesuuquidiito anoonöje’da weichö.

CODOOSENSE 3:20

Änwanno mudeeshi’chä, oomotoncomo woije eichäcä, aanötoncomo woije mmaja, ya’deuwödööcomo waadäi; yääje weiñä Cajiichaana wacö’je na.

1 TEESADOONISENSE 2:4

Wanaadi chea chäänönge ñaa edantäne, ñaa anontäne yaawä aashichaato wätunnä ecammajä’e. Yääje yeijäcä mädääje töneecammajä’e ñaa weneene. Sotoojönööne a’cwaima’se ñaa na, Wanaadiiñe, näädä cötö’tajäätödööcomo emmencanei.

JIIDEMÓN 1:16

Adhaanonööje mma’da töwö na eduuwa, aweichacoonoje mmajaane. Öwwä tujunne na jooje, töwaacö’je äwwä eijai ña, adhaanonööje yeichö jäcäinchädä mma’da, Jesuuquidiito jäcäinchädä aweichacoonoje yeijäcä mmajaane.