CODOOSENSE 3:17 - Wanaadi A'deddu

¹⁷ Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

CODOOSENSE 3:17 Iomraidhean Croise

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

DOSECHO 19:17

Tameedä Eujeeso ñancomo yää jäcä cöneeta’to, judhíocoomo mmaja, judhíojöncomo mmaja; jooje cönääcatoncaicho yaawä. Aashicha töwa’deuwe cönä’ja’to Cajiichaana Jesuuquidiito jäcä.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

DOMAANO 1:8

Edääje wä’dö’se wa awa’de: Jesuuquidiito joi aashicha töwa’deuwe wäänene Waanadiiyö wwä äjääcäinchädäiñe, tameedä yeichö wa’cä tacaade aweijäcäiñe Wanaadi töneecanö’e aweichöcoomo.

1 CODINTIYO 10:31

Wanaadi wwonoojeene tameedä tödööjai maato, äwääwashinchädööcomo mmaja, owoocödööcomo enöödö mmaja, tameedä anejja tödöödö mmaja.

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

EUJEESIYO 5:20

Cädhaajotoncomo Jesuuquidiito eetö joi aweichöcoomoje aashicha adha’deutäcä Cumöötoncomo Wanaadi wwä, tameedä äjääcäiñe töweeja’dä’e weneenedö jäcä.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 2:11

tameedä Jesuuquidiito Cajiichaanaje e’täiyetoode. Mädääje Cumöötoncomo Wanaadi aashicha wa’deutojooje eijai ña.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

CODOOSENSE 2:7

Choojonno ä’sancwa’da eichäcä, dee tömiichato yäätäädä töweiye naichöje, töwö ñi’wa’tädö que awaatö’nä’ancädäiñe. Jäduuje eichäcä aneecamjödööcomo jäcä, yeichöje Wanaadi wwä aashicha awa’deuwancädäiñe, moowanoomatäänedööje dea.

CODOOSENSE 3:15

Wanaadi nutuudu täncanoode’da weiñä ätö’tajäätödööcomo e’se’täneije nei’ñojo. Mädääje töweiyaamoje Wanaadi adha’dejjatääne, tooni chääjöje mma aweichöcoomo wetä. Yeichöje Wanaadi wwä aashicha adha’deutäcä.

CODOOSENSE 3:23

Tameedä ännödööcomo tödö’se aweichöcoomo que tödöötäcä, Cajiichaana wwonooje, soto wwonooje’daane,

1 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito mmaja. Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TEESADOONISENSE 5:18

Yeichöje aashicha adha’deutäcä Wanaadi jäcä, tameedä äjääcäiñe yeeja’dätäädö jona’da. Mädääje Wanaadi awei’sheiñe na, Jesuuquidiito ecaanö’nnamooje aweijäcaiñe.

EEWEDEO 1:5

Amoode wwä’da edääje Wanaadi cönä’döaacä: Önnedö amäädä; eduuwa aweichö wutui; quee. Amoode wwä’da mmaja edääje Wanaadi cönä’döa’dea: Öwö wa’de yuumöje, töwö önnedööje na’de; quee.

EEWEDEO 13:15

Yääje yeijäcä yeichöödäje Wanaadi quiiya’deme’täiye Jesuuquidiito eetö joi. Mädääjatoone saaquidiijiisiyo tödööjai caato cönwanno, yää aashicha Wanaadi jäcä cöwa’deuwödööcomo.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.

1 JUAN 2:23

Ñäädä Iiñedö ijo’manei Cumöötoncomo ’je’da mmaja na dea. Ñäädä Iiñedö ecammanei mmaane Cumöötoncomo ’je na dea.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.