CODOOSENSE 3:15 - Wanaadi A'deddu

¹⁵ Wanaadi nutuudu täncanoode’da weiñä ätö’tajäätödööcomo e’se’täneije nei’ñojo. Mädääje töweiyaamoje Wanaadi adha’dejjatääne, tooni chääjöje mma aweichöcoomo wetä. Yeichöje Wanaadi wwä aashicha adha’deutäcä.

CODOOSENSE 3:15 Iomraidhean Croise

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOMAANO 1:21

Tönwanno Wanaadi towaanäcäiñe yeichaame aashicha ännö’da naato, Wanaadi tödöödö töweiye naichöje. Töjääcäiñe iiñödö änwa’demeecö’da mmaja naato dea. Tösaadijange mma cönsadiijamöicho töwäädämmato jäcä; chö’tajäätödööcomo chäänöngemjönö cöntööjamöi yaawä.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

1 CODINTIYO 10:17

Wanna cöweichaameiñe yää dea uu cäu’cato, tooniyaano; yääje yeijäcä tooni chääjöje caato.

1 CODINTIYO 7:15

Quedeiyentejöönö e’nomjaneije yeiya’jäcä mmaane tödöötojo ’je’da na; tancanoode’da ñäädä quedeiyente eijai ña yaawä. Aashicha töweiyaamoje Wanaadi ca’dejjatääne, töwäätäuwaamoje’daane.

2 CODINTIYO 4:15

Tameedä mädä äjääcäinchädäiñe na; yaawä Wanaadi nutuudu aashichaato jooje yeejanga’jäcä jooje mmaja naato’de Wanaadi wwä aashicha töwa’deuwaamo; aashicha wa’deutojooje Wanaadi na’de yaawä.

2 CODINTIYO 9:11

Yaawä tameedä aashichaato äwwäiñe na’de, ewontancädä’da äwwäiñe utuudu wetä anejjacoomo wwä. Yaawä ñaa wwä ani’jumma’jocoomo adääja’jäcä äwwäiñe, ñanno quedeiyentecoomo aashicha na’deuwaato’de Wanaadi wwä.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

EUJEESIYO 4:4

Tooni chääjö na, tooni mmaja Epíiditu Santo, tooni mmaja onwomoocödööcomo, yää äwwoncomooje yeichö wetä Wanaadi adha’dejjatäänedö.

EUJEESIYO 5:1

Wanaadi nönge aweichöcoomo encano’tätääcä, iiñacoomo imjummadööje aweijäcäiñe.

EUJEESIYO 5:20

Cädhaajotoncomo Jesuuquidiito eetö joi aweichöcoomoje aashicha adha’deutäcä Cumöötoncomo Wanaadi wwä, tameedä äjääcäiñe töweeja’dä’e weneenedö jäcä.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

CODOOSENSE 2:7

Choojonno ä’sancwa’da eichäcä, dee tömiichato yäätäädä töweiye naichöje, töwö ñi’wa’tädö que awaatö’nä’ancädäiñe. Jäduuje eichäcä aneecamjödööcomo jäcä, yeichöje Wanaadi wwä aashicha awa’deuwancädäiñe, moowanoomatäänedööje dea.

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

1 TEESADOONISENSE 5:18

Yeichöje aashicha adha’deutäcä Wanaadi jäcä, tameedä äjääcäiñe yeeja’dätäädö jona’da. Mädääje Wanaadi awei’sheiñe na, Jesuuquidiito ecaanö’nnamooje aweijäcaiñe.

1 TIIMOTEO 2:1

Edääje wä’dö’se wa awa’de: Quedeiyentecoomo Wanaadi wwä a’deujai ñaato tameedä soto jäcäiñe; tumjummadööcomo e’ca’jai ñaato dea, aashicha a’deujai ñaato dea Wanaadi wwä.

1 TIIMOTEO 6:12

Aashicha adheewänä’täcä cöneecamjödööcomo jäcäinchädä; chäänönge ajäichä yeichöödoto weiñä, yää chääjäcäinchädä mata’dejjajoonedö wannacoomo soto netaadöcoomoje määcammaaquennawä.

EEWEDEO 13:15

Yääje yeijäcä yeichöödäje Wanaadi quiiya’deme’täiye Jesuuquidiito eetö joi. Mädääjatoone saaquidiijiisiyo tödööjai caato cönwanno, yää aashicha Wanaadi jäcä cöwa’deuwödööcomo.

APOOCADIISI 7:12

Edääje cönä’döa’to: Amén. Aashicha wa’deutojooje ma, amäädä ñaa Wanaadiyö. O’jodhaato amäädä, töseedujä’nato mmaja. Töwa’demeequemööje ma amäädä, aashicha tödööto’me mmaja, yeichöödäje. Ñäädä mma amäädä jäduujato, tameedä tödööjaicho. Amén; quee cönä’döa’to.