CODOOSENSE 3:11 - Wanaadi A'deddu

¹¹ Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

CODOOSENSE 3:11 Iomraidhean Croise

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 15:5

“Öwö chääjö nönge wa, änwanno yaajädö nönge maato. Ñäädä öwö jaadäädono, öwö chääjadä weiya’jäcä mmaja, ñäädä nödöödö nejanga’de, täjösse weiñä töweiye naichöje; öwö jaadä’da mmaane tödööjai’cha maato.

JUAN 17:23

Öwö wa chaacaiñe, amäädä ma taaca, tooniñooje yeichöcoomo wetä, edä nono de’woncomo dhowaanäcäiñe eiye yaawä yaanontänei’jödööje aweichö, dhowaanäcäiñe eiyede ijummadööcomo äwwä, öwö cujummaadö ’cäwa’cä mmaja.

DOSECHO 15:17

tameedä soto weichöcoomo wa’cä Cajiichaana Wanaadi ujiiyeto, tameedä judhíojöncomo mmaja, ñanno öwwä ecamma’como;

DOSECHO 28:2

Ñanno yää de’woncomo aashicha ñaa döneeto. Tönwanno jooje wa’to cönqueme’toicho cämme yeijäcä, conoojoje yei’jödö weijäcä mmaja. Tönwanno ääsunuue ñaa a’dejjaneeto yaawä.

DOSECHO 28:4

Äcääyu wwä eecadö eneea’jäcä ñanno yää antadö de’woncomo tönwannoje dea cönä’döa’to: —¿Soto emaanei’chaane mä’dä? Töwö nääwanaacai na’cwacanno; yääje yeichaame eduuwa Wanaadi woije nääma äcääyu canaadöje; quee cönä’döa’to.

DOMAANO 1:14

Öwwä tödööemö töweiye na sotooja’como jäcäiñe, sotoojemjöncomo jäcäiñe mmaja, towaanojo’na’como jäcäiñe, towoinchado’como jäcäiñe mmaja.

DOMAANO 10:12

Äänöngeiñe naato judhío jadäiñe judhíojöncomo; ñäädä dea Cajiichaana Chäädhajootoncomooje na. Ewontancädä’da töwö nu’a tameedä töwwono wa’deuwödö wwä.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

DOMAANO 3:29

Judhíocoomo Wanaadiyö mmajöönö ñäädä Wanaadi, judhíojöncomo Wanaadiyö mmajaane,

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

1 CODINTIYO 14:11

Yaawääne’ anejja a’deddu aneeta’da weiya’jäcä anejja nönge wa yaawä ñäädä töwa’deuwemö wwä, töwö anejja nönge mmaja eijai ñaa dea öwwä.

1 CODINTIYO 7:19

Dötä’da na yää siicunsidaadoje weiñä, yääje’da weiñä dötä’da mmaja. Wanaadi waanontä’jödö tödöödö mmaane dötä na.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

EUJEESIYO 1:23

Ñanno quedeiyentecoomo Quidiito ejööje naato; tönwanno naato Quidiito weichö ’je, ñäädä tameedä yeichö wa’cä naadö.

EUJEESIYO 2:14

Töwö Quidiito ääweichacoonoje cödööneichomo’jödööje na. Aacä iju’jä cöweichöcoomo jonno töwö cojoodöjootäne, judhío, judhíojöncomo mmaja, tooni iju’jä mma cöweichöcoomo wetä. Töwö cöneemai cöneejontäneichomo’jödö, yää äätu’dedööje cöwei’jocoomo.

EUJEESIYO 2:15

Töwäämadö que Quidiito cönaacoichajoi waanontänä imennaajä, yää töwaanontäämöje cönä’ja’dö. Töwö töjaadonooje cönnöicho ñanno aacä iju’jä cönä’ja’todö, judhío, judhíojöncomo mmaja; tooni iju’jä mma cönnöicho. Mädääje töwö ääweichacoonoje cönnöicho.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

EUJEESIYO 6:8

Änwanno odhoowanääcäiñe na soto waadäi Cajiichaana Jesuuquidiito wwä ejeemato’como aashichaato iiñö’jödö woije, tädhaajäcaato, tädhaajäquemjönö mmaja.

CODOOSENSE 2:10

Änwanno äwwäiñe chäänönge aweicho’como töweiye na Quidiito jadä aweichomjäcä. Töwö na tameedä jäduuja’como e’jodhe, cajiichaanacoomo e’jodhe mmaja, ñanno amoode.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.