CODOOSENSE 2:8 - Wanaadi A'deddu

⁸ Odhoowoinchadäiñe’da eichäcä; anejja wenta’mecöödö que mma ätö’tajäätödööcomo mänsadiijannä’cajootäi’che, ñanno soto wätunnäichomo que mma adhencu’tä’seiñe weneenetoodö. Quidiito woija’comoojönö ñanno, soto wätunnäichomo woija’como mma, edä nono de’wono tö’tajä’nä woija’como mmaja.

CODOOSENSE 2:8 Iomraidhean Croise

MATEO 10:17

Äädai’chätääcä’de soto jäcäiñe. Tönwanno ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de.

MATEO 16:6

Yaawä Jesuuquidiito cönä’döaacä chäwwäiñe: —Odhoowadäädaiñe eichäcä; äädäi’chätääcä jaadiseeo nummannä’cato’como jäcä, saadhuseeo nummannä’cato’como jäcä mmaja; quee cönä’döaacä.

MATEO 7:15

“Äädai’chätääcä ecammajä’nnamo chäänöngemjöncomo jäcäiñe, ñanno Wanaadi woija’como wätä’tädö. Tönwanno ne’aato’de adhencu’täiñe, oweeja nönge’jödö mma, tääde’cwademjöncomo wa’cä, madooje töweichaameiñe.

DOSECHO 17:18

Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 17:32

Yaawä ñanno soto wwäiñe yäämaajo jonno waadoncanä jäcä ecammajäätödö eta’jäcä, dhantai tönwanno cönenno’jä’a’to. Anejjacoomo ’quene edääje cönä’döa’to Paudo wwä: —Aneedawä anooto awä mädä jäcä dea aneecammajäätödö ñaa neta’dede; quee.

DOMAANO 16:17

Edääje wä’dö’se wa äwwäiñe jimmä: Odhoowadäädäiñe tödöötäcä ñanno tönwannoje dea quedeiyente chu’de’tojonnamo, ñanno odhoowanooma’jocoomo juntaca asaadijannä’ca’sa’como. Ä’sancwatääcä ñanno jonnoiñe.

1 CODINTIYO 10:12

Yääje yeijäcä ñäädä jäduujato tö’tadö towaadäädä nei’ñojo, e’ducca’no.

1 CODINTIYO 8:9

Yääje yeichaame odhoowadäädäiñe eichäcä, änwanno mädä tödööjai aweichaameiñe ajimmotoncomo jäduujemjönö conemjönö aca mma maneema’joto’no.

2 CODINTIYO 10:5

Tameedä soto wätunnäichomo töne’jodheincha ñaa weneene, tameedä Wanaadi owaanäcä tödöödö emu’dänei mmaja. Tameedä tö’tajä’nä mmaja töncana’ca ñaa weneene dea, Quidiito woije yeichö wetä.

CAADATA 1:14

Anejjacoomo jimmä öwö wa’co’como dea e’jodheiñe tönnöe wä’jaaquene judhío weichö, yaadai’chomo jano wätunnäichomo jooje töneecanö’e wei’jödö weijäcä.

CAADATA 4:3

Mädääje mmaja cä’ja’quene cönwanno; chäänönge cä’dötä’dadä töwaatashiichuudä töweiye cä’ja’quene edä nono de’wono äänejöönö jäduudu que.

CAADATA 4:9

Eduuwa mmaane Wanaadi odhoowanääcäiñe na, Wanaadi owaanäcä mmaja änwanno maato dea. Yääje yeichaame, ¿ane’que’nei yää weicho’jönö weiñä aca awennaca’seiñe maato dea, tödööto’jönö weiñä aca mmaja, yoije tödöödö que awaatashiichuudädööcomo wetä mmaja?

CAADATA 5:15

Yaawääne’, äwwäädäiñe äwäätäuwa’comjäcä, awaataiju’jä’a’comjäcä mmaja, töwaatame mma ataamejai maato yaawä.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

EUJEESIYO 4:20

Änwanno mmaane mädääje’da Quidiito jäcä moowanoomatääne.

EUJEESIYO 5:6

Anejja mma adhencu’tätäi’che töwäätunnäi iiña mmädooto que; tameedä mädä wime’cu’täichö jo’tädööje Wanaadi woijemjöncomo nätä’maminchajaato’de chäwwä.

JIDIIPENSE 3:2

Odhoowoinchadäiñe’da eichäcä sö’na nönga’como jäcäiñe, ñanno conemjönö tödönnamo, täjööcomo cone’mannamo.

CODOOSENSE 2:18

Wanaadi wwä adheejemaato’como que mätänwajiiñajootäi adhencu’tä’sa’como wwä. Ñanno adhencu’tä’sa’como o’jodhe chö’tajä’jönö wa’cä yäänejoodöcoomo; amoode ya’deme’nnamo mmaja tönwanno. Tönwanno na’deuwaato towaanojöncomo jäcä. Iiña mmädä adai’joto wa’cä nääcanö’aato, tötö’tajäätödööcomo woije mma.

CODOOSENSE 2:20

Quidiito wäämadö jadä äwääma’jocoomo weijäcä tösancwa maato edä nono de’wono tö’tajä’nä jonno. Yääje yeichaame ¿ane’que’nei edä nono de’woncomo nönge dea maato? ¿Ane’que’nei edä nono de’wono wätunnä waanontädö woije dea määnetääne,

CODOOSENSE 2:22

Tameedä mädä waanontänä tödöödö que töwaatameemö jäcä mma. Soto tö’tajäätödööcomo woijato mma yää, soto wätunnäichomo woijato mmaja.

CODOOSENSE 2:23

Tameedä yää nöngato tödöödö tösejjeque weiñä wa’cä chö’tadö, yää töneejodööjodö que mma Wanaadi wwä tödöödö, o’jodhe chö’tajä’jönö wa’cä weiñä mmaja, töwwäädä täjö imaaminchadö mmaja; yaawääne’ yääcomo tujuunu nijummadö choonecaajai’chaane na.

1 TIIMOTEO 6:20

Tiimoteo, tösoomaane shoomacä yää äwwä cönä’tuichö. Edä nono de’wono wewäätunnäichanä wwadäädä ijaanata’da eichä, iiña mmädooto wätunnä wwadäädä mmaja. Chäänönge’da yää weichaame towaanojo’ne weiñäje soto töne’tä weneeneto.

2 TIIMOTEO 3:13

Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

EEWEDEO 3:12

Jimmä, odhoowadäädäiñe eichäcä, anejja mma adhantawäiñe cone’da chö’tajäätö’no, Wanaadi nudooto jonno ä’sancwajo’no yaawä aneecamjö’da töweichö woije.

1 PEEDHODO 1:18

Änwanno odhoowanääcäiñe Wanaadi wwä täwaanaca aweichöcoomo töwäädämmato weiñä aca aweichöcoomo jonno, yää oomotoncomo’jödö odhoowanoomatäänedö. Yää adheewanaacato’como cönääjemai töwaatameemö que’da, oodo, jödaata nöngato que’da.

2 PEEDHODO 3:17

Dhowaajodä äwwäiñe täcamma na, jimmä umjummadö. Yääje yeijäcä äädai’chätääcä, conemjöncomo nencu’tädö que mma mä’sadiijannä’cajooto’no, jäduuje aweichöcoomo jonno äjääduque’to’node.

2 JUAN 1:8

Äädai’chätääcä, äncana’cadööcomo mma manennanö’cato’no, yä’jödöödääne adheeje’jocoomo eiye.