CODOOSENSE 2:3 - Wanaadi A'deddu

³ Quidiito ñäädä tameedä sejje edhaajä, towaanojo’ne weiñä edhaajä mmaja.

CODOOSENSE 2:3 Iomraidhean Croise

MATEO 10:26

“Yääje yeijäcä soto mma monnontätäi’che. Tameedä tacaademjönö töweecataamöje na. Tameedä etoone’taajä töwääcatu’nacaamöje na dea.

DUUCA 11:49

“Yääje yeijäcä Wanaadi tösejjeque töweichö woije yääje cönä’döaacä: “Wa’deuwödö ecammannamo, anejjacoomo yaanonö mmaja, wanaanontaato’de yöiñaiñe. Dhantai nöja’aato’de; dhantai ’chene nimaaminchaato’de;” quee Wanaadi cönä’döaacä.

DOMAANO 11:33

Mädä wa’cä sö’je Wanaadi a’deddu nai, shejjedö mmaja, towaanojo’ne yeichö mmaja. Mädä wa’cä chö’tajäätödö nai, owaanäcä’da; iiñödö mmaja chö’tamme’que’jönö.

1 CODINTIYO 1:24

Ñanno Wanaadi na’dejjadö wwäiñe mmaane Quidiito na Wanaadi jäduudu edhaajäje, shejjedö edhaajäje mmaja, judhío wwäiñe, quidiiyeeco wwäiñe mmaja.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

EUJEESIYO 1:8

Töwö Wanaadi cöwwäiñe cöneenejoi aashicha töweichö; ewontancädä’da cösejjedööcomo cuntui, towaanojo’ne cöweicho’como mmaja.

CODOOSENSE 1:19

Wanaadi woije dea tameedä Wanaadi weichö Quidiito wwä na.

CODOOSENSE 1:28

Näädä Quidiito töneecammajä’e ñaa weneene. Tameedä soto töwätuujaiñe ñaa weneene dea, tönoowanoomaiñe mmaja, chäänönge chäwwäiñe etaadö wetä, tameedä chäänönge yeichöcoomo wetä mmaja Quidiito jadä.

CODOOSENSE 1:9

Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

CODOOSENSE 3:3

Änwanno töwääma maato, aweichöcoomo tösooma na Wanaadi wwä Quidiito jadä.

2 PEEDHODO 1:5

Yääje yeijäcä ä’jädu’tätääcä, aneecamjödööcomo jadä aashicha weiñä mejoodöjootäiye; yää aashicha weiñä jadä towaanojo’ne weiñä mmaja mejoodöjootäiyede;

APOOCADIISI 2:17

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö wwä wänu’a’de ädeeja owaanojöönö. Chäwwä wu’a’dede täju’cä tajääde’dato, äätö eduuwaato imennaajä chääjäcä. Anejja dhowaanäcä’da na yää äätö, tääquemö mmaane dhowaanäcä;” quee cönä’döaacä öwwä ñäädä soto nnedö nöngato.