CODOOSENSE 2:15 - Wanaadi A'deddu

¹⁵ Cuduusa jäcä töwäämadö que Quidiito cömjäduucaicho tameedä jäduuja’como, cajiichaanacoomo mmaja, ñanno odo’shancomo. Tameedä täneemöje töwö cöne’jodheinchaicho.

CODOOSENSE 2:15 Iomraidhean Croise

MATEO 12:29

“ ¿Aaquene anejja omoomödööde’ jäduujato mmai chaca inshomaadö que enwajiña, imööjätöödö’jo’da mmädä? Imööjätöödö’jode inshomaadö adääjai ña.

DUUCA 10:18

Jesuuquidiito cönä’döaacä chäwwäiñe: —Weneeaqueene Caajuushawa wejuccadö caju ñanno, yäncucuudu nönge.

DUUCA 11:22

Yaawääne’ jäduujato’cä jaiñoone yöiña ye’a’a’jäcä, ñäädä wwä näto’jodheinchaja yaawä. Ñäädä tameedä yaichadö que nenwajiiñajä’a yaawä, yää chäädha’me töweichö jäduujato wa’cä chö’tajä’eetö’jödö. Iiñöjäätödö nadääa yaawä töjimmä wwäiñe u’jätöödö wetä.

JUAN 16:11

Odo’sha chaana’ca’jödö yää Wanaadi töne’jodheincha yeichö eneejotoojo.

JUAN 19:30

Yää casamjato shuuma’jäcä Jesuuquidiito cönä’döaacä: —Chäänönge nä’döi eduuwa; quee. Tuju’jä emmodö’jo cönaatacoichai yaawä.

1 CODINTIYO 15:24

Yaawääne yaatameedö na’de. Yaawä Quidiito nacoichaja’de tameedä cajiichaanaje weiñä, acu’shänääje weiñä mmaja, jäduuje weiñä mmaja. Töwö Tumö Wanaadi wwä nu’a’de yaawä cajiichaanaje weichojo.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

EUJEESIYO 3:10

Wanaadi mädä cönnöi quedeiyentecoomo jäcäiñe aneejejaiñene’jödöödoto tösejjedö ecaademeecödö wetä tameedä caju ñancomo cajiichaanacoomo wwä, jäduuja’como wwä mmaja.

EUJEESIYO 4:8

Yääje yeijäcä edääje Wanaadi a’deddu imennaajä nä’döa: Caju ña töwäncudaawä töjaadä cönaadoicho ñanno jedeesoja’como; täjemjönö cuntui soto wwäiñe; quee imennaajä nä’döa.

EUJEESIYO 6:12

Cönwanno quewäänä’taato soto jadäiñe’da, äänejöncomo jadäiñeene, ñanno caju ñancomo odo’shancomo, ñanno jäduuja’como, edä nono tööjato edhaamo.

CODOOSENSE 1:16

Jesuuquidiito ai Wanaadi cönnöi tameedä tödööajä naadö, caju ña naadö mmaja, nono de’wä naadö mmaja, äänejöönö, täneeto mmaja. Jesuuquidiito ai mmaja Wanaadi cönnöi chea acu’shänääcomo, o’jodha’como mmaja, jäduuja’como mmaja, cajiichaanacoomo mmaja, nanno amoode. Töwö iiñödö mädä tameedä, töwö chäwwono mmaja.

CODOOSENSE 2:10

Änwanno äwwäiñe chäänönge aweicho’como töweiye na Quidiito jadä aweichomjäcä. Töwö na tameedä jäduuja’como e’jodhe, cajiichaanacoomo e’jodhe mmaja, ñanno amoode.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

APOOCADIISI 12:9

Caju ñanno cönootonno’jajoi yaawä caimaana, ñäädä äcääyu, jenaadä cönä’ja’dö, odo’sha täätö, Caajuushawa täätö mmaja, nono de’woncomo encu’täneichomo. Töwö nono de’cäi cönootonno’jajoi tamoodedö jadäiñe.

APOOCADIISI 20:10

Yaawä ñäädä odo’sha, ñanno encu’täneichomo’jödö cönäätämaajoi jiyooto comootödö ña, odoocojaato naadö döiña, ecammajä’nei chäänöngemjönö naadö döiña mmaja. Iiña nätä’maminchajaato’de ano, coijai’jödöödä, yeichöödäje. Iiña wedeinchä nengaato’de, acuudajaada dhatu’jödö jodö joqque.