CODOOSENSE 2:13 - Wanaadi A'deddu

¹³ Jenaadä töwääma mä’ja’quene ocoone’nadiiyöcoomo awä, ajuunucoomo nijummadö jäcä siicunsidaadoje’da awei’jocoomo weijäcä mmaja. Eduuwaane Wanaadi aweichöcoomo cuntui Quidiito jadä, tameedä ocoone’nadiiyöcoomo encwanno’jodö’jo.

CODOOSENSE 2:13 Iomraidhean Croise

DUUCA 15:24

Määdhä önnedö yäämaajä wa’cä cönä’jaacä; eduuwa cöjaadäiñe na. Tösaadijange cönä’ja’dea, eduuwa näädantojoi;” quee cönä’döaacä yuumö. Tönwanno töwääwashinchädööcomo cönaajäntoicho yaawä; jooje ta’cwaiñe cönä’ja’to.

DUUCA 15:32

Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.

DUUCA 9:60

Jesuuquidiito cönä’döaacä chäwwä: —Yä’ja’a’como dea mmaane newaaca’ña’to töwä’ja’a’como. Amäädä mmaane Wanaadi töcaajichaaneije tödöödö jäcä ecammajä’ta; quee cönä’döaacä.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

DOMAANO 4:17

Wanaadi owaadäädä, ñäädä Aawadán cöneecamjöichö dea. Edääje Wanaadi a’deddu imennaajä nä’döa: “Wannacoomo soto adaichöje männöne;” quee. Ñäädä Wanaadi yäämaajo jonno adoncatä, a’cato töncatu’nacaajo mmaja.

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

1 CODINTIYO 15:36

¿Odhoowanääcäiñe’da ca’ nai? Dhadöödö ñaatö’taajä töweiye naichö naane’, e’mo’da yeiya’jäcä, a’tajai’cha yaawä.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 5:19

Edääje wä’dö’se weichö mädä: Töwö Wanaadi töjaadä ääweichacoonoje edä nono de’woncomo cönnöicho Quidiito ai; ñeejeque’näjöödöcoomoje choone’nadiiyöcoomo ännö’da cöneiyacä. Ñaa tadaawaajuije cuntui töjaadä ääweichacoonoje wä’dönä jäcä ecammajäätödö.

EUJEESIYO 2:1

Wanaadi aweichöcoomo cuntui Quidiito jadä, ocoone’nadiiyöcoomo awä töwääma awei’jocoomo weichaame, yää conemjönö

EUJEESIYO 2:11

Yääje yeijäcä änwanno judhíojöncomo, ätö’tatääcä jenaadä awei’jocoomo jäcä. Judhíoje’da aweichomjäcä ñanno judhío siicunsidaadojemjöncomooje adhe’tätäiñe cönä’ja’to. Tönwanno mmaane siicunsidaadoja’comooje yäätä’tädööcomo weneene, yää täjööcomo jäcä tönnöe weneenetoodö jäcäinchädä.

EUJEESIYO 5:14

Yääje yeijäcä edääje wä’dönä nai: Ä’jäcä amäädä wetuujato; aanöncä awäämaajo jonno, Quidiito aweijoiye yaawä; quee.

CODOOSENSE 2:12

Änwanno wautisaaje wä’dönä que Quidiito jadä määwaacajootäne; chääjadä mmaja maadoncatääne dea, Wanaadi jäduudu töneecanö’e aweichomjäcä, ñäädä töwäämaajo jonno Quidiito adoncanei’jödö.

1 TIIMOTEO 5:6

Ñäädä iiño wääma’jödö edä nono de’wono jäcoono cadootadö mmaane nudä töweichaame yäämaajä nönge na.

1 TIIMOTEO 6:13

Edääje wä’döa äwwä Wanaadi owaadäädä, ñäädä tämeedä yeichö wa’cä weichojo u’nei, Jesuuquidiito owaadäädä mmaja, ñäädä Ponsiyo Pidaato netaadöje töwääcammadaawä aashicha cönääcammajäätöichö.

EEWEDEO 6:1

Yääje yeijäcä tooniye quiija’dä’täiye yää awa’deene Quidiito jäcä woowanoomanä; sö’jato jona tödööene cöötätäiye. Awa’deene woowanooma’jä jona mmaja ennaca’da queichäiye, yää weicho’jönö weiñä jonno tötö’tajäätödö sha’duminchadö jäcä ecammajäätödö, Wanaadi ecamjödö jäcä ecammajäätödö mmaja,

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

SANTIYAACO 2:17

Mädääje ecamjödö töweiye nai; tödöödö que äänejo’da yeiya’jäcä tödööto’jönö yää yääjato ecamjödö.

SANTIYAACO 2:20

Chö’tamme’cä’ma amäädä chö’tajä’jönö; tödöödö jadä’da aneecamjödö yeiya’jäcä, ¿tödööto’jönö jönca yää yääjato ecamjödö?

SANTIYAACO 2:26

Täcaatoquemjönö töwääma töweiye naichö naane’; yääje mmaja ecamjödö, tödöödö jadä’da yeiya’jäcä tödööto’jönööje na.

1 JUAN 2:12

Äwwadäädäiñe wimenna änwanno önnacoomo’cä, Wanaadi wwä ocoone’nadiiyöcoomo encwanno’jo’jödö weijäcä, Jesuuquidiito jäcäinchädä.