CODOOSENSE 1:9 - Wanaadi A'deddu

⁹ Yääje yeijäcä yääje aweichöcoomo ñaa wwä eta’jödö jonnoto’jödöödä Wanaadi wwä äjääcäiñe töwa’deuwödö ane’nomja’da ñaa na. Töne’ca’e ñaa weneene Wanaadi woijato odhoowanääcäiñe yeichojo, Wanaadi nödöödö jäcä tösejjeque aweicho’como mmaja, towaanojo’ne aweicho’como mmaja.

CODOOSENSE 1:9 Iomraidhean Croise

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

DOSECHO 12:5

Mädääje jedeeso ewöötö’tädö taca Peedhodo cöneedai’cha’to. Quedeiyentecoomo mmaane jooje Wanaadi wwä cöna’deuwa’to chääjäcä.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

EUJEESIYO 1:8

Töwö Wanaadi cöwwäiñe cöneenejoi aashicha töweichö; ewontancädä’da cösejjedööcomo cuntui, towaanojo’ne cöweicho’como mmaja.

EUJEESIYO 5:10

Äwwäiñe Cajiichaana a’cwaimatoojo jäcä oowanoomatääcä.

EUJEESIYO 5:17

Tämje’daiñe eichäcä; Cajiichaana woijato odhoowanääcäiñe yeichojo encano’tätääcä.

EUJEESIYO 6:6

Adheedhajootoncomo neneedöje mma meichäi’che, soto a’cwaimadaawä weiñä töweiye naichöje’daane. Quidiito anoonö nönge deaane eichäcä; tödö’se aweichöcoomo queene Wanaadi waanontädö tödöötäcä.

JIDIIPENSE 1:4

Chäwwä wa’deuwödö waadäi ya’cwaniiyö que äjääcäiñe töwa’deuwe wäänene,

CODOOSENSE 1:6

Yää aashichaato wätunnä, äwwäiñe cönäätäcammaichö, tameedä yeichö wa’cä wäämecantänääje na eduuwa, wäädhe’manääje mmaja, äjääcäiñe weneenedööje dea. Mädääje äjääcäiñe aashichaato wätunnä cönaatö’näjöi awa’deene aashicha Wanaadi weichö jäcä metaatäneedö jonnoto’jödöödä, chäänönge yeichö metaatäneedö jonnoto’jödöödä mmaja.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

CODOOSENSE 4:5

Odhoowadäädäiñe eichäcä quedeiyentejöncomo jadä aweichawäiñe. Anooto mma mämmacuudätäi’che.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TEESADOONISENSE 5:17

Wanaadi wwä yeichöje adha’deutäcä.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

JIIDEMÓN 1:4

Wanaadi wwä wa’deuwödö waadäi aashicha chäwwä töwa’deuwe wäänene äjääcäinchädä,

JIIDEMÓN 1:6

Ñanno aneecamjödö jäcäinchädä cöneecamjöicho jäcäiñe Wanaadi wwä töwa’deuwe wäänene, chäänönge dhowaanäcäiñe yö’dödö wetä yää Jesuuquidiito nutuudu aashichaato cöwwäiñe naadö.

EEWEDEO 10:36

Aaquiñu’tä’da aweicho’como tujunne na äwwäiñe, Wanaadi woijato tödöödö wetä yaawä äwwäiñe, ñeecamma’jödö mejoodötäiye yaawä.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 2:15

Mädääje Wanaadi awei’sheiñe na, aashichaato tödöödö que Wanaadi dhowaanojöncomo meta’jöichajootäiye, aneene’jutu’jöncomo mmaja.

1 PEEDHODO 4:2

Yääje yeijäcä edä nono de’wä maatoodawäädä töweesomaajä’e eichäcä Wanaadi waanontädö woije aweichöcoomo wetä, ajuunucoomo nijummadö woije’daane.

1 JUAN 2:17

Edä nonoodö wataamedö mädä, tameedä edä nono de’wono tujunnato mmaja. Ñäädä Wanaadi woije tödöönei mmaane yeichöödäje töweiyemööje na.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.