CODOOSENSE 1:7 - Wanaadi A'deddu

⁷ Änwanno yää jäcä moowanoomajootäne Epaujada wwä, ñäädä ñaa nijummadö, ñaa wetaadawa’cajoodö weichacoono. Töwö ñaa ’wa’täneije na, Quidiito anoonö chäänöngatooje mmaja.

CODOOSENSE 1:7 Iomraidhean Croise

MATEO 18:29

Yaawä yeichacoono tä’mudhe cönä’döi ije’taca, cönä’döaacä: “Äcuude, yoomo’cä’de. Wejeema’de mma’ne tameedäädä;” quee.

MATEO 24:45

“ ¿Änääcö adhantawäiñe töseedujä’ne nai, tädhaajä anoonöje chäänönge töweiyemö, chu’nädö awä tädhaajä sotoi ewanshinchäneichomooje töweichö wetä?

MATEO 25:21

Chäädhajä cönä’döaacä yaawä: “Chäänönge na, amäädä yaanonö aashichaato, chäänöngato mmaja. Aashicha mödööne ataadawaajui she’coto’cä. Eduuwa ataadawaajui wecamma adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

1 CODINTIYO 4:17

Yääje aweichöcoomo wetä Tiimoteo wanonta äwwadäädäiñe, ñäädä Jesuuquidiito jäcäinchädä önnedö umjummadö, quedeiyente chäänöngato mmaja. Töwö ätö’tamme’jaato’de Quidiito jadä quedeiyenteje weiñä jäcä, yää yoije wääneneedö, tameedä yeichö wa’cä tameedä quedeiyentecoomo tönoowanooma wääneneedö jäcä.

1 CODINTIYO 4:2

Ñäädä anontaajä chäänönge eijai ña.

1 CODINTIYO 7:25

Ñanno tö’dhemjöncomo jäcä, töiñoquemjöncomo jäcä mmaja Cajiichaana waanontädö ’je’da öwwä na. Yääje yeichaame öwö tö’tajäätödö wecamma, tätamje önwätuujadö yeijäcä, Cajiichaana ni’wa’tädööne weiyajä.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

EUJEESIYO 5:21

Äwwäädäiñe ä’tutääcä, Wanaadi tönnontä aweijäcäiñe.

JIDIIPENSE 2:25

Epaujodiito mmaane eduuwa mma wiiñacaanö’ja adöiñaiñe, ñäädä öwwadäädä ö’wa’täneije menno’jatäänedö. Weichacoono töwö, weetadaawa’cajoodö jäcä ö’wa’tänei’jödö, wewäänä’tänä jäcä mmaja.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

CODOOSENSE 4:7

Ñäädä Tíiquico tameedä öwö weichö necammajä’a’de äwwäiñe. Yaanonö chäänöngato töwö, Cajiichaana tadaawaajui jäcä ö’wa’tänei mmaja.

CODOOSENSE 4:9

Chääjadä nöta dea ajimmotoncomo Onéesimo. Quedeiyente chäänöngato töwö, tujunnato mmaja. Tönwanno necammajä’aato’de tameedä sadä weiñä jäcä.

1 TIIMOTEO 4:6

Mädääje quedeiyentecoomo yäätuuja’comjäcä äwwä Jesuuquidiito anoonö chäänöngatooje eijai ma yaawä, amäädä dea äwä’jädu’tancädä ecamjödö jäcä ecammajäätödö que, aashichaato woowanoomanä que mmaja, yää yoije määneneedö.

2 TIIMOTEO 2:2

Yää wannacoomo soto netaadöcoomoje neecammajäätödö metaaquennö que mmaja anejjacoomo chäänönga’como owaanomaacoto, tönwanno mmaja anejjacoomo owaanomaiyetoode yaawä.

JIIDEMÓN 1:23

Mä’dä Epaujada, Jesuuquidiito ecamjödö jo’tädööje jedeesoje weichö weichacoono, ta’deujödö nadääja äwwadäädäiñe.

EEWEDEO 2:17

Yääje yeijäcä Jesuuquidiito tameedä töweichö jäcä töjimmä nöngeiñe mmaja töwä’döeemöje cönä’jaacä, wentumje äneetä töweichö wetä yaawä soto jäcäinchädäiñe Wanaadi wwono wa’deuwödööje töwääwaaca’jäcä, chäänönge Wanaadi owaadäädä töweichö wetä mmaja, sotoocomo cone’nadiyöcoomo choccadö wetä yaawä saaquidiijiisiyooje töwä’tudu que.

EEWEDEO 3:2

Töwö Jesuuquidiito cönä’jaacä chäänönge, Wanaadi woije, ñäädä yää tödööneije täwaacanei’jödö woije. Moisé mmaja chäänönge cönä’ja’dea Wanaadi sotoi edai’chädööcomo jäcä.