CODOOSENSE 1:29 - Wanaadi A'deddu

²⁹ Mädä jäcäinchädä jooje töweetadaawa’cajo wäänene; töwä’jädu’tä wäänene tameedä jäädudu Quidiito nutuudu que.

CODOOSENSE 1:29 Iomraidhean Croise

DUUCA 13:24

—Mönaatata she’coto’cä ai owoomomöödöcoomo encano’tätääcä. Yääje wä’döa äwwäiñe, jooje naato’de töwoomomö’sa’como; omomjai’chaane.

DOMAANO 15:20

Öwö tönencano’tä wä’jaaquene aashichaato wätunnä ecammajäätödö Quidiito dhowaanojöncomo wwäiñeene, anejja najäntä’jödö de’wä mma taadawaajui wännö’no, quee öucwadööje.

DOMAANO 15:30

We’wa’tojo’se wa äwwäiñe, jimmä, Cädhaajotoncomo Jesuuquidiito jäcäinchädä, wä’jummanä Epíiditu Santo nutuudu jäcäinchädä mmaja; mädä wewäänä’tänä wödööaadö jäcä cö’wa’tätääcä Wanaadi wwä öwö jääcä awa’deuwödööcomo que.

1 CODINTIYO 12:11

Tameedä mädoocomo nödööa ñäädä tooniyaano Epíiditu Santo. Töwö tumjummadö woije cöwaadäiñe cöweicho’como nu’a.

1 CODINTIYO 12:6

Aneejejaiñene’jödöödä mmaja tödööemö tödöötojo; yaawääne’, ñäädä dea Wanaadi cöwwäiñe tödööjoneije na.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 13:3

Yaawä Quidiito woije töwa’deuwe weichö odhoowanääcäiñe na’de, eduuwa aneecamjö’da aweichaameiñe. Ñäädä Quidiito jäduuje’da’da weneene adhantawäiñe, jäduujeene.

2 CODINTIYO 5:9

Yääje yeijäcä Cajiichaana Jesuuquidiito a’cwaimadö encano’täjai caato, nudä cöweiya’comjäcä, töwääma cöweiya’comjäcä jeiñe mma.

2 CODINTIYO 6:5

töwaataiju’jojootödaawä mmaja, jedeesoje töwä’döjoodawä mmaja, töjääcä wewoodoichanaawä mmaja, tötaadawaajui tödöödawä mmaja, wetu dhetuncadaawä, ämi dhetuncadaawä mmaja.

EUJEESIYO 1:19

Odhoowanääcäiñe mmaja yei’she wa dea töwö ijäädudu chääwa’coto ’jemjönö, yää cönwanno ecaanö’nnamo jäcäiñe weneenedö. Töwö Wanaadi töjäädudu cöneenejoi, jäduuje töweichö mmaja,

EUJEESIYO 3:20

Töwö Wanaadi töjäädudu cötaacaiñe naadö que tödööjai ña tameedä cöne’catäädöcoomo e’jodhe, cöntö’tammecöödöcoomo e’jodhe mmaja.

EUJEESIYO 3:7

Yääje eijaichojöönö wa’cä weichaame töwö Wanaadi yöödöne aashichaato wätunnä ecammajä’neije, töwö töjäädudu woije.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 1:30

Änwanno eduuwa moneejato wewäänä’tänä, ajaadäiñe weichö öwö jääcä töneene mä’ja’quennö, eduuwa jääcä dea yeichö töneeta määnetäänedö dea.

JIDIIPENSE 2:13

Wanaadi chea äwwäiñe nu’a aashichaato tödö’se aweicho’como. Töwö dea ä’wa’taato aashichaato tödöötojo jäcä, tumjummadö chäänöngato woije.

JIDIIPENSE 2:16

weichojo a’deu ecammajä’ancädä. Mädääje aweiya’comjäcä äjääcäinchädäiñe ta’cwaiñe eijai wa yaawä Quidiito we’a’jäcä, töwäädämma’da töwäämannä’e wei’jödö weijäcä, töwäädämma’da taadawaajui’jödö weijäcä mmaja.

CODOOSENSE 2:1

Odhoowanääcäiñe yei’she wa äjääcäinchädäiñe jooje töweetadaawa’cajo weichö, tameedä Daodiseea ñancomo jäcäinchädä mmaja, tameedä yeenejöncomo jäcäinchädä mmaja.

CODOOSENSE 2:12

Änwanno wautisaaje wä’dönä que Quidiito jadä määwaacajootäne; chääjadä mmaja maadoncatääne dea, Wanaadi jäduudu töneecanö’e aweichomjäcä, ñäädä töwäämaajo jonno Quidiito adoncanei’jödö.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

2 TEESADOONISENSE 3:8

täjeema’da’da töwääwashinchä ñaa cönä’ja’dea. Ñaa dea töweetadaawa’cajo ñaa cönä’jaacä ano, coijai’jödöödä, töwäntunamjödö que, töwänshiñö ejoodötoojo cana’cadö wetä, adheemu’däneichomooje’da ñaa weichö wetä.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

EEWEDEO 12:4

Munu töseichajoone ä’jädu’tä’da dea maato conemjönö shinchädö jäcä.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

APOOCADIISI 2:3

Amäädä töwäntunaanö’e määnene; aashicha tönshinchä määnene dea. Jooje na junnei aweetadaawa’cajo’jödö, aweejäduuqueancädä’da.