CODOOSENSE 1:23 - Wanaadi A'deddu

²³ Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 1:23 Iomraidhean Croise

MAADOCO 16:15

Töwö cönä’döaacä chäwwäiñe: —Ojoncomo’de tameedä nono weichö wa’cä. Aashichaato wätunnä ecammajä’täcä’de tameedä soto wwäiñe.

DUUCA 22:32

Yääje yeijäcä Wanaadi wwä we’ca’ne ecamjödööje dea aweichojo. Yaawä aweeconeeca’jäcä ajimmä ijäädu’täcooto’de; quee cönä’döaacä Jesuuquidiito.

DUUCA 6:48

Töwö na dhanwa tooja de’wä tömmai amäänei’jödö nönge. Ñäädä dhanwa nono cöncai sö’je, tooja tojoodöeene. Yää aca tömmai mu’dudui cöneewaacai. Tuna cuncumai yaawä jooje, maa yo’wannacaajai tödööene. Ommo’wannaca’da cöneiyacä, tooja de’wä yo’wadö weijäcä.

JUAN 15:6

Ñäädä öwö jaadäädonoojönö nätäämaja yaawä, dhajäädö yu’taajä tödöödö naichöje. Yää dhajäädö yu’taajä soto ni’jummaato yaawä wa’to nwaca yau’cwadö wetä.

DOSECHO 1:17

Ñäädä Juudha cöjimmotoncomooje cönä’jaacä; cöjaadäiñe töwäämannä’e cönä’ja’dea.

DOSECHO 1:25

Juudha nwacaanoje anontaajäje eiye yaawä. Ñäädä Juudha conemjönö tödö’jödö jo’tädööje anontaajäje töweichö jonno cönäätu’cajoi, töweichojo döiña töötädö wetä; quee Wanaadi wwä cöna’deuwa’to.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 2:5

Yaawä Jeduusadén ña cönä’ja’to jooje judhíocoomo, tameedä edä nono de’wono jata waadoinchomo we’a’como. Ñanno cönä’ja’to chäänönge judhío wätunnäichomo tödönnamo.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOSECHO 26:16

Aanöncä; öwö wäänejoi äwwä yaanonööje aweichö wetä, ecammajä’neije aweichö wetä mädä meneeannö jäcä, äcuude äwwä weneeja’dedö jäcä mmaja.

DOSECHO 4:12

Anejja wwä wääwanaacatoojo ejoodöjai’cha caato; anejja äätö ’je’da na edä nono de’wä soto wääwanaacato’como; quee cönä’döaacä Peedhodo.

DOMAANO 10:18

¿Aashichaato wätunnä ecammajäätödö aneeta’da ca iisadaaediitacoomo naicho, yääje yeiya’jäcä? Ng’jn, aneeta’da’da. Edääje Wanaadi a’deddu imennaajä nä’döa: Ñeecammajäätödööcomo töwäämecantä na tameedä nono weichö wa’cä; dha’dedducoomo mmaja töwääta na tameedä nono juntaichomo weichö wa’cä; quee imennaajä nä’döa.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 5:5

Yää cöwo’womoocödööcomo cöjöichojootäiñe’da na’de, Wanaadi jummadö cötö’tajäätödööcomo aca yeijäcä, Epíiditu Santo ni’wa’tädö que, ñäädä cöwwäiñe u’ajä naadö.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

1 CODINTIYO 3:5

¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 4:1

Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

CAADATA 4:11

Töwäädämmato nönge äjääcäiñe weetadaawa’cajo’jödö nichö’ta öwwä.

CAADATA 5:5

Cönwanno quedeiyentecoomo mmaane ecamjödö que quiiyomo’cato aashicha cödöödöcoomo Epíiditu Santo wwä.

CAADATA 5:7

Änwanno chäänönge maajäntätäänedö’je, ¿änääcö adheemu’dojootäne chäänöngato woije’da aweichöcoomo wetä?

CAADATA 6:9

Yääje yeijäcä chincha’da queicho’ñojo aashichaato tödöödö jäcä. Chu’nädö aca yä’döa’jäcä aashichaato nä’tua’de cöwwäiñe, ejääduqueejö’da cöweiya’comjäcä.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

EUJEESIYO 2:21

Quidiito woije tameedä maa tojoodöjo na; yää adai’jä nataamäa Cajiichaana weichojo aashichaatoje yä’dödö wetä.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

CODOOSENSE 1:25

Öwö wa quedeiyentecoomo anoonöje, äjääcäinchädäiñe taadawaajui Wanaadi nutuudu woije, tameedä Wanaadi a’deddu ecammajäätödö wetä öwwä,

CODOOSENSE 2:7

Choojonno ä’sancwa’da eichäcä, dee tömiichato yäätäädä töweiye naichöje, töwö ñi’wa’tädö que awaatö’nä’ancädäiñe. Jäduuje eichäcä aneecamjödööcomo jäcä, yeichöje Wanaadi wwä aashicha awa’deuwancädäiñe, moowanoomatäänedööje dea.

1 TEESADOONISENSE 3:3

aweejäduuquejöödöcoomo queiñe mmaja mädä äwäntunamjödööcomo e’nei. Änwanno odhoowanääcäiñe na mädääje töwäntunaanö’aamoje cöweichöcoomo.

1 TEESADOONISENSE 3:5

Yääje yeijäcä ä’shinchä’da yaanonö wanontäne adöiñaiñe, yoowanääcä yeichö wetä aneecamjödööcomo jäcä yeichö. Edääje tö’tajä’ne: Odo’sha wwä töwäätäncu’tojo mma eiñoto, töwäädämma ñaa tadaawaajui’jödö ei’ño yaawä; quee tö’tajä’ne äjääcäiñe.

1 TEESADOONISENSE 5:8

Cönwanno mmaane anooto awoncomo; cowaadäädäiñe eijai caato. Cöwwäiñe cöwoowontoto’comooje tödööjai caato ecamjödö, wä’jummanä mmaja, suddau tödo’tadö ewontotoojo tönnöe töweiye naichöje. Cuju’jocoomo ewontotoojo mmaja cöwwäiñe tödööjai caato dea, yää cöwääwanaacato’como tönwomo’que cäänetäänedö, suddau tuju’jä ewontotoojo tönnöe töweiye naichöje mmaja.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

1 TIIMOTEO 1:12

Aashicha ya’deuwa Cädhaajotoncomo Jesuuquidiito wwä, ñäädä ecammajä’neije weichö wetä jäädu’tänei. Chäänönge tö’ta’jäcä chäwwä tänoonöje yeewaacane yaawä.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

TIITO 3:7

Aashicha töweichö woije Wanaadi töjaadonooje cödöötäne, töwaatamemjönö cöweicho’como cöwwäiñe yeichö wetä, yää quiiyomo’catoodö.

EEWEDEO 10:38

Ñäädä öwö jaadono töneecamjödö jäcäinchädä töweichö neneea’de. Yaawääne’, iiña mmaja yennaca’jäcä ta’cwaiñe’da wa’de chääjäcä; quee nä’döa Wanaadi a’deddu.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

EEWEDEO 4:14

Ñäädä Jesuuquidiito, Wanaadi nnedö o’jodhaato, Tumö wwä cöjääcäinchädäiñe töwa’deuwemööje na. Töwö Wanaadi döiña cöntäma. Yääje yeijäcä chäänöngeedä queichäiye cöneecamjödööcomo jäcä.

EEWEDEO 6:19

Yää cöwo’womoocödööcomo yäätäädä cötö’tajäätödööcomo nödööa, cudiiyada ’wadöötö a’täi töweiye naichöje. Yää shö’maajä na täije, caju ñano nejoonö ncadheedä.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.