CODOOSENSE 1:14 - Wanaadi A'deddu

¹⁴ Ñäädä Iiñedö cäwaanacaatäne töwäämadö que; töwö cöcoone’nadiiyöcoomo cönencwanno’joi.

CODOOSENSE 1:14 Iomraidhean Croise

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

DUUCA 5:20

Chäwwäiñe täcamjödö eneea’jäcä, Jesuuquidiito cönä’döaacä cädäijato wwä: —Ocoone’nadiiyö täncwanno’jo na; quee cönä’döaacä.

DOSECHO 10:43

Mädääje dea jenaadä Jesuuquidiito jäcä töneecammajä’e cönä’ja’to tameedä Wanaadi wa’deuwödö ecammannamo’jödö. Tönwanno töneecammajä’e cönä’ja’to tameedä Jesuuquidiito ecaanö’nei cone’nadiiyö choccatoojo, Jesuuquidiito jäcäinchädä dea; quee cönä’döaacä Peedhodo Conneediyo wwäiñe.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

CAADATA 3:13

Yää jenaado’jä waanontänä tödööjai’cha cöweijäcäiñe töwännanö’aamoje cä’ja’quene. Yääje cöweichöcoomo jonno Quidiito cäwaanacaatäne. Töwö dea töwännanö’emö nönge cönä’döjoi cöjääcäinchädäiñe. Edääje Wanaadi a’deddu imennaajä nä’döa: “Ñäädä cuduusa jäcä ajoijaajä, töwännanö’emö ecammaajä ñäädä;” quee.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

CODOOSENSE 2:13

Jenaadä töwääma mä’ja’quene ocoone’nadiiyöcoomo awä, ajuunucoomo nijummadö jäcä siicunsidaadoje’da awei’jocoomo weijäcä mmaja. Eduuwaane Wanaadi aweichöcoomo cuntui Quidiito jadä, tameedä ocoone’nadiiyöcoomo encwanno’jodö’jo.

CODOOSENSE 3:13

Äwwäädäiñe ä’shinchätääcä; conemjönö tödö’jödö encwanno’jocoije eichäcä, ajimmotoncomo jäcä cone’da aweiya’comjäcä. Quidiito cöcoone’nadiiyöcoomo cönencwanno’joichöje mmaja encwanno’jojai maato ajimmotoncomo nödöödö.

1 TIIMOTEO 2:6

Töwö Jesuuquidiito cönä’tui töwäämadö wetä, tameedä soto wääwanaacato’como ejeemadö wetä. Yää cönäätäcammai ecammatoojo cu’nädö awä.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 9:12

Chiiwo aquiiyö dha’me’daane yää taca Jesuuquidiito cönoomomöi, jaaca nnedö’cä aquiiyö dha’me’da mmaja, töwö taquiiyö dha’meene. Töwö Jesuuquidiito cönoomomöi yää Aashichaato Jaiñoone taca tooniye mma, yeichöödäje yeichö wetä. Mädääje töwö cöneejodöi cöwääwanaacato’como yeichöödoto.

EEWEDEO 9:22

Jenaado’jä waanontänä imennaajä wä’dödö woije munu que amoichadö töweiye cönä’jaacä. Munu we’comoodö ’je’da yeiya’jäcä conemjönö choccatoojo ’je’da na yaawä.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 1:9

Yaawääne’ Wanaadi wwä conemjönö cönnö’jocoomo ecamma’jäcä cöwwäiñe, täcaanö’emje töwö na chäänönge tödööjai yeichö. Töwö conemjönö cönnö’jocoomo nencwannä’ja yaawä; tameedä cöcoone’nadiiyöcoomo nichocca dea.

1 JUAN 2:12

Äwwadäädäiñe wimenna änwanno önnacoomo’cä, Wanaadi wwä ocoone’nadiiyöcoomo encwanno’jo’jödö weijäcä, Jesuuquidiito jäcäinchädä.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 14:4

Ñanno naato masuuduijemjöncomo’jödö, wodi jadä eijöncomo’jödö. Tönwanno nötaato Oweeja nnedö’cä jadä, iichotoojo waadäi. Yääwanaaca’como tönwanno soto antawonnoiñe, awa’deena’como Wanaadi sotoije eiya’como, Oweeja nnedö’cä sotoije eiya’como mmaja.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.