CODOOSENSE 1:11 - Wanaadi A'deddu

¹¹ Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.

CODOOSENSE 1:11 Iomraidhean Croise

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

1 CODINTIYO 16:13

Äädai’chätääcä; yäätäädä aneecamjödööcomo tödöötäcä. Dhanwaaje eichäcä, jäduujeiñe.

2 CODINTIYO 4:7

Mädä aashichaato ñaa wwä u’ajä na ädiiñä nono döaajä aca ewöötö’taajä töweiye naichöje, owaanäcä yeichö wetä Wanaadi jäduudu aashichaatoje yeichö, ñaa jäduuduje’daane.

EUJEESIYO 3:16

Wanaadi wwä we’ca’a töwwä aashichaato naadö que odo’tadööcomo wejäädu’totoojo Epíiditu Santo ai, ñäädä Wanaadi jonnoto we’ajä.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 6:10

Jäduujeiñe eichäcä Cajiichaana ni’wa’tädö que, töwö ijäädudu que mmaja.

JIDIIPENSE 4:13

Tameedä tödööjai wa ñäädä jäädu’tänei Quidiito ni’wa’tädö que.

2 PEEDHODO 1:6

towaanojo’ne weiñä jadä ’quene, wäädai’chänä; wäädai’chänä jadä ’quene, yäätäädä tö’tajä’nä; yääje weiñä jadä ’quene Wanaadi woije weiñä;

JUUDHA 1:25

Ñäädä mma ñäädä Wanaadi, töseedujä’nato, Cäwaanacaaneichomo. Töwö Wanaadi Cädhaajotoncomo Jesuuquidiito ai aashicha wa’deutojooje na, o’jodhaatoje tä’täämöje mmaja; töwö cajiichaanaje mmaja na dea. Jenaado’jä ’jödöödä eduuwa naadö jona tödööene mädääje na, yeichöödäje yääje töweiyemööje dea. Amén.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.