CAADATA 6:8 - Wanaadi A'deddu

⁸ Tujuunu nijummadö woije ñaatö’ta’jäcä yää noowonö’jaca’de wäämatoojoje, tujuunu nijummadö woijato dea mma. Epíiditu Santo nijummadö woije ñaatö’ta’jäcä mmaane ñäädä dea Epíiditu Santo yeichöödäjaato weiñä daja nija’canö’ja’de.

CAADATA 6:8 Iomraidhean Croise

MATEO 19:29

Ñäädä öwö jääcäinchädä tömmai ñännei, tacontomo, tuduichomo jeiñe mma, töjaadui’chomo jeiñe mma, ñäädä tumö, senö ñännei jeiñe mma, töjiiñamo, tönnacoomo jeiñe mma, tönaudädö jeiñe mma, öwö jääcäinchädä yää ñänga’jäcä, ñäädä wwä yää nöngato mmaja nä’tua’de jooje’cä jeene; yeichö töwaatamemjönö mmaja Wanaadi nu’a’de chäwwä.

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

DUUCA 18:30

ñäädä wwä yää nöngato nä’tua’de jooje’cä jeene eduuwa weiñawä; äcuude weiñawä yeichö töwaatamemjönö daja nä’tua’de chäwwä; quee cönä’döaacä Jesuuquidiito.

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

JUAN 4:36

Ñäädä natö amu’nei’jödö täjeema töweiye nai. Töwö ñi’jumma’jödö yeichöödoto yeichojooje na. Yaawä a’nädä ta’cwaiñe eijai ñaato, ñaatö’tänei’jödö acä amu’nei’jödö.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

DOMAANO 8:6

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

1 CODINTIYO 15:42

Mädääje mmaja töwäämaajo jonno waadoncanä. Töcäätaamö ewaaca’jödö weichaame yaadoncaajä mmaane töwäämamjönööje.

CAADATA 6:7

Mätäncu’tojootäi änwanno, Wanaadi otonno’jojäätö’da na. Soto niñaatö’tädö yää dea neja’ca.

1 TIIMOTEO 1:16

Yaawääne’ edä jäcäinchädä töwö Wanaadi wentumje yeeneaaquene, jääcä awa’deene Jesuuquidiito wwä eneejodö wetä aashicha töweichö. Mädääje täneemöje wä’döne, ñanno Jesuuquidiito töweicho’comooje ecaanö’nenaamo neneedöcoomoje.

TIITO 3:7

Aashicha töweichö woije Wanaadi töjaadonooje cödöötäne, töwaatamemjönö cöweicho’como cöwwäiñe yeichö wetä, yää quiiyomo’catoodö.

SANTIYAACO 3:18

Ñäädä töwäätäuwö’semjönö ätäuwö’da weiñä nejannä’ca, ñaatö’tädö töweiye naichöje. Yaawä chäänönge weiñä nääcatu’naca chäwwä.

2 PEEDHODO 2:12

Ñanno conemjöncomo weneeneto chö’tajäätö’da, aneene’jutu’da mmaja, odoocoja’como weneenetoodöje mmaja, ñanno tajäiyaamo, töja’aamo mmaja. Tönwanno cone’da töwa’deuwe weneeneto towaanojöncomo jäcä. Tönwanno nä’ja’aato’de, odoocoja’como nönge mmaja.

2 PEEDHODO 2:19

Aashicha yeicho’como töneecamma weneeneto, conemjönö anoonöje mmaja töweichaameiñe tönwanno, yää to’jodheinchanei’jödö anoonöjeene weiñä yeiyajä.

JUUDHA 1:21

Wanaadi nijummadööje eichäcä. Töwäämaamöje’da cöweicho’como utuutojo anootoi’chädö yoomo’täcä, yää wentumje äneetä töweichö woije Jesuuquidiito cöwwäiñe nu’a’dedö.

APOOCADIISI 22:11

Ñäädä conemjönö tödöönei, conemjönö tödöödöje dea nei’ñojo’de. Ñäädä nossajaato tö’tajäätödö, nossaje dea nichö’tajäätö’ñojo’dede. Ñäädä chäänöngato, chäänöngeedä nei’ñojo’de. Ñäädä aashichaato, aashichaadä nei’ñojo’dede; quee cönä’döaacä ñäädä amoode.