CAADATA 6:2 - Wanaadi A'deddu

² Äämetaacäi adhe’wa’tätääcä anaadädööcomo jäcä, mädääje Quidiito waanontädö tödööjai maato.

CAADATA 6:2 Iomraidhean Croise

MATEO 8:17

Mädääje cöneeja’dätäi chäänönge Isaía nimennä’jödö yä’dödö wetä, ñäädä Wanaadi wa’deuwödö ecammanei: “Töwö dea cöcäädäichöcoomo cöneejichö’täi, jäduuje’da cöweichöcoomo mmaja;” quee immennä’jödö naadö.

DUUCA 11:46

Jesuuquidiito cönä’döaacä: —Änwanno mmaja, owaanomannamo, wentumje maato’dede. Änwanno soto wwäiñe ä’döque’jönööto tönnöjo määnetääne, tamiiñato adoojodö töweiye naichöje, i’wa’tädööcomo jäcä chö’tajäätö’da aweiyancädäiñe.

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

JUAN 15:12

Edä yää öwö waanontädö: Ä’jummatääcä öwö mämjummaatoodöje mmaja.

DOMAANO 15:1

Cönwanno ecamjödö jäcä jäduuja’como i’wa’täjai caato ñanno jäduujemjöncomo iiñödööcomo jäcä; cönwanno cöweichöcoomo mma encano’täjai’cha caato.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

1 CODINTIYO 9:21

Ñanno Moisé nimennä’jödö waanontänä woijemjöncomo jadä weichö mmaane ñöngeiñe daja wäänene dea, tönwanno mmaja Quidiito sotoije chaana’cadööcomo wetä, Wanaadi waanontädö woije’da’da weichaame mmaja öwö, Quidiito waanontädö woije weichaame.

CAADATA 6:5

Cöwaadäiñe töweiye na cönaadädööcomo.

1 TEESADOONISENSE 5:14

Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

SANTIYAACO 1:25

Ñäädä töneeta’jödö jäcä chö’taque’jönö mmaane chäänönge tönnöe weneene Wanaadi waanontädö, yää jedeeso nönge cöweichöcoomo jonno cu’caneichomo’jödö; ñäädä yääjato ta’cwaiñe eijai ña, yää töneeta’jödö woije tönnöe töweijäcä.

SANTIYAACO 2:12

Änwanno mä’mencajaato’de waanontänä wä’dödö woije, yää jedeeso nönge cöweichöcoomo jonno cu’caneichomo’jödö. Yääje yeijäcä chäänönge a’deujai maato, chäänönge mmaja eijai maato dea.

SANTIYAACO 2:8

Edääje Wanaadi a’deddu imennaajä nä’döa yää waanontänä cho’jodha’como jäcä: “Aweichacoono ijummacä äwä’jummadö nönge dea;” quee. Yää tödööa’jäcä äwwäiñe, aashichaato mödööato.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

2 PEEDHODO 2:21

Chäänöngato weiñä jäcä aneeta’da yei’jocoomo mmaane äächädääjemma choone’nadiiyöcoomo eichö. Yää cone’da’cä jeene na, waanontänä aashichaato töwwäiñe u’ajä jonno yä’sancwajoodöcoomoone.

2 PEEDHODO 3:2

Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

1 JUAN 4:21

Edääje töwö Wanaadi canontätääne: Ñäädä Wanaadi ijummanei, töweichacoono mmaja ijummajai ña dea, quee.