CAADATA 6:12 - Wanaadi A'deddu

¹² Ñanno siicunsidaadoje ayöödöjo’sa’como yää nödööjaato soto jadäiñe aashicha töweichöcoomo wetä mma, cuduusa jäcä Quidiito wääma’jödö jäcä ecammajäätödö jäcäinchädä töwäntunamjö’seiñe’da töweichomjäcä.

CAADATA 6:12 Iomraidhean Croise

MATEO 23:27

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno maato äwa tajääde’dato que emangajä nönge. Ye’wä mma aashichaato wa’cä yäänedö; dhaca mmaane cone’da, töcääta jooje, soto de’jomjocoomo ’je mmaja.

MATEO 23:28

Mädääje maato änwanno, soto wwäiñe äwäänedööcomo aashichaato wa’cä; odo’tadööcomo mmaane chäänönge’da na, ätö’tajäätödööcomo mmaja nossaje.

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

MATEO 5:10

“Ta’cwaiñe eijai ñaato ñanno chäänönge töweichöcoomo jo’tadööja’como wäntunamjödö, Wanaadi töcaajichaanaichomooje yeijäcä.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:2

Yääje yeijäcä wentumja’como wwäiñe utuudawä äwwä, maneecadeeme’joi’che. Ñanno yääjönö wa’co’como wäänejoodö naatoodöje’daane eichäcä. Tönwanno we’jummatoojo taca, jata antai mmaja, töwääcadeeme’jo weneeneto wentumja’como i’wa’tädaawäiñe töwwäiñe. Mädä tönnöe weneeneto aashicha soto we’deuwödööcomo wetä yaawä töjääcäiñe. Chäänönge yääje wä’döa äwwäiñe, mädä que mma täjeema naato.

MATEO 6:5

“Wanaadi wwä awa’deuwödaawäiñe ñanno yääjönö wa’co’como wäänejoodö naatoodöje’daane eichäcä. Tönwanno yaacö’comje Wanaadi wwä töwa’deuwödööcomo jiidi, we’jummatoojo taca, jödo’na mmaja, täneedöcoomo wetä soto wwäiñe. Chäänönge yääje wä’döa äwwäiñe, mädä que mma täjeema naato tönwanno.

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

DUUCA 20:47

Tönwanno iiño wääma’jödö nödöödö töneijä’e weneeneto. Yää encwanno’jodööje nuwe Wanaadi wwä töwa’deuwe yaawä. Tönwanno jooje’cä nätä’maminchajaato’de; quee cönä’doaacä Jesuuquidiito.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

DOSECHO 15:1

Yaawä Judheea ñanno anejjacoomo soto cöntonto Antiyooquía ña; yäätoncomo quedeiyentecoomo cönoowanooma’to. Tönwanno töwä’döe cönä’ja’to: —Äwääwanaacato’comooje siicunsidaadoje ä’dojai maato, Moisé waanontä’jödö nönge dea; quee töwä’döe cönä’ja’to.

DOSECHO 15:5

Anejjacoomo jaadiseeo quedeiyentecoomo cönammöicho yaawä; cönä’döa’to: —Ñanno judhíojöncomo quedeiyente siicunsidaadoje tödööjojai caato, Moisé waanontä’jödö chäwwäiñe tödööjojai caato dea; quee cönä’döa’to.

2 CODINTIYO 10:12

Anejjacoomo töjääconcomo wääcammadö wei’yejeiñe ääcamma’da ñaa na. Tönwanno towaanojöncomo nödööaato; tönwannoje dea töwäätäne’mancädäiñe töwäätämmenca weneeneto.

2 CODINTIYO 11:13

Anontaajäja’como wätä’tädö mma tönwanno; äncu’tännamo mmaja. Quidiito nanontädö wa’cä yäänejoodöcoomo.

CAADATA 2:14

Öwö öwwä eneea’jäcä aashichaato wätunnä wä’dödö nönge’da chäwwäiñe tödöödö, öwö ya’deune yaawä Peedhodo wwä tameedä quedeiyentecoomo we’jumma’como netaadöcoomoje. Edääje wä’döaaquene chäwwä: “Amäädä judhíoje aweichaame judhío weichö ännö’da määnene; judhíojöönö nönge mma määnene. Yääje yeichaame, ¿ane’que’nei canno judhíojöncomo wwä tödööjo’se manä judhío weichö?” quee wä’döaaquene Peedhodo wwä.

CAADATA 2:3

Ñäädä Tiito, jaadä cönä’ja’nei, siicunsidaadoje ännöjo’da cöneiya’to, judhíoje’da yeichaame töwö.

CAADATA 5:11

Jimmä, siicunsidaadoje soto tödööjodööcomooje dea weiya’jäcä yaawä tu’de’tä’da judhíocoomo eichöto. Yääje weiñä jäcä ecammajäätödööje dea weiya’jäcä, chäwwäiñe se’ne’daane eichö Quidiito wääma’jödö jäcä ecammajäätödö.

CAADATA 6:13

Ñanno siicunsidaadoje töwä’döja’como jadä’jödöödä ei’cha weneeneto tameedä jenaado’jä waanontänä woije. Yääje yeichaame siicunsidaadoje ayöödöjo’seiñe naato tönwanno, o’jodhe tötö’tajäätödööcomo wetä yaawä töwwäiñe mädääje äwä’döjo’jocoomo weijäcä.

JIDIIPENSE 1:15

Anejjacoomo Quidiito töneecammajä’e weneeneto tö’neniiyöcoomo que, ye’jodhe töwei’she töweichöcoomo que mmaja; anejjacoomo ’quene aashicha töweichöcoomo que daja.

JIDIIPENSE 2:4

Amäädä aweichö mmajöönö encano’täcä, ajimmä weichö mmajaane.

JIDIIPENSE 3:18

Jooje naato Quidiito wääma’jödö jäcä ecammajäätödö tu’de’tännamo, ñanno weiñäje äwwäiñe töneecamma wä’jaaquentodö; eduuwa waamoancädä wecammaato dea.

CODOOSENSE 2:23

Tameedä yää nöngato tödöödö tösejjeque weiñä wa’cä chö’tadö, yää töneejodööjodö que mma Wanaadi wwä tödöödö, o’jodhe chö’tajä’jönö wa’cä weiñä mmaja, töwwäädä täjö imaaminchadö mmaja; yaawääne’ yääcomo tujuunu nijummadö choonecaajai’chaane na.