CAADATA 6:10 - Wanaadi A'deddu

¹⁰ Yääje yeijäcä, tödööjai caatoodawäädä, aashichaato cöödötäiye tameedä soto jäcäiñe; quedeiyentecoomo jäcä jooje’cä jeene aashichaato tödööjai caato.

CAADATA 6:10 Iomraidhean Croise

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 5:43

“Änwanno metaatäne dea yääje yä’dö’jocoomo jenaadä: “Aweichacoono ijummacä; ätu’de’tänei mmaane chiiñeme’ca;” quee yä’dö’jocoomo naadö.

MAADOCO 3:4

Töwö Jesuuquidiito ñanno soto cöneecamma’joicho: —¿Ane’cäämö wäädeetatoojo anooto awä tödööemööje necammaanä waanontänä imennaajä? ¿Aashichaato ’ja, conemjönööne’ ? ¿Ewaanacaadö, emaadööne’ ? quee cönä’döaacä. Äucwätä’da mma ñanno soto cönä’ja’to.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 9:4

Öwö tödööjai wa yaanontänei’jödö tadaawaajui ano naadawäädä; coijaicho ne’a wetaadawa’cajooto’jönö.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

2 CODINTIYO 2:8

Yääje yeijäcä edääje wä’döa äwwäiñe: Tumjumma dea aweichöcoomo eneejotääcä’de eduuwa chäwwä.

CAADATA 1:23

Edääje mma yeecadö töweecata töweiye cönä’jaacä chäwwäiñe: “Ñäädä awa’de cömaaminchatäiñe töweiye cönä’ja’dö eduuwa ecamjödö jäcä ecammajä’neije na, yää jenaadä acoichajo’se töweiye cönä’ja’dö;” quee mma yeecadö töneeta cönä’ja’to.

EUJEESIYO 2:19

Yääje yeijäcä anejjacoomoje’da maato eduuwa, töjaataquemjöncomooje’da mmaja. Yää jataawoncomooje dea maato, tameedä Wanaadi sotoi naatoodöje mmaja; Wanaadi sotoi jimmäje maato eduuwa.

EUJEESIYO 3:15

Töwö choojoi tä’tä naato tameedä edä nono de’wono wä’jimmä’tädö, caju ñancomo wä’jimmä’tädö mmaja.

EUJEESIYO 4:28

Ñäädä tämeenato’jödö tämeene’da nei’ñojo eduuwa; töweetadaawa’cajoone netaadawa’cajo’ñojo. Tamäädö que tadaawaaju aashichaato nödö’ñojo, chäwwä töweiye yeichö wetä yaawä a’ca’como wwä tu’emö.

EUJEESIYO 5:16

Anooto mma mämmacuudatäi’che, weiñä conemjönö acaane cöweiya’como.

JIDIIPENSE 4:10

Eduuwa jooje ta’cwaiñe wa jääcä deja mmaja ätö’tajäätödööcomo weijäcä. Jääcä tötö’ta dea awei’jocoomo weichaame, yaawäne’ yöödötoojo ’je’daane cönä’jaacä äwwäiñe.

CODOOSENSE 4:5

Odhoowadäädäiñe eichäcä quedeiyentejöncomo jadä aweichawäiñe. Anooto mma mämmacuudätäi’che.

1 TEESADOONISENSE 5:15

Odhoowoinchadäiñe’da eichäcä, anejja mma adhantawäiñe töjääcä conemjönö tödö’jödö conemjönö que mmaja oojo’to’no. Aashichaato dödö mmaane encano’täjai maato änwannoje dea, tameedä soto jäcäiñe mmaja.

1 TEESADOONISENSE 5:21

Tameedä chäänönge imencatääcä; aashichaato dea äwwäiñe tödöötäcä.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

TIITO 3:8

Chäänöngato mädä; yääje yeijäcä jäduuje töneecammajä’e awei’she wa mädä jäcä, ñanno Wanaadi ecaanö’nnamo aashichaato tödönnamooje yeichöcoomo wetä. Yääje weiñä aashicha na, tujunne mmaja, tameedä soto wwäiñe.

EEWEDEO 13:16

Aashichaato tödöödöje dea eichäcä; äwwäiñe naadö que anejjacoomo i’wa’tätääcä. Mädääjato saaquidiijiisiyo Wanaadi wacö’je na.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.

1 PEEDHODO 4:17

Eduuwa nä’döi wäntunaanö’nä waajontotoojo cu’nädö aca, Wanaadi sotoi jäcäiñe naajäntaadö naane’. ¿Aaquene mmaja aneemaichädööto deeade’ ñanno Wanaadi wätunnäi aashichaato ännöjöncomo, cöjääcäiñede naajäntaane’?

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

3 JUAN 1:10

Yääje yeijäcä adöiñaiñe ööta’jäcä tameedä iiñödö wecammajä’a’de, iiña mmädä ñaa jäcä yeewätunnäichadö. Mädä mmajöönö tönnöe weneene, quedeiyentecoomo nwaadoncomo wötäädö aashicha ännö’daiñe mmaja töwö; ñanno aashicha tödö’sa’como wwä ännöjo’da mmaja. Tu’ca mma tunu’ca weneeneto quedeiyentecoomo jadä yeichöcoomo jonno.

3 JUAN 1:11

Weichacoono umjummadö, conemjönö tödöödö mma mäncu’jätöi, aashichaato tödöödö mmaane. Ñäädä aashichaato tödöönei, Wanaadi nnedö ñäädä; ñäädä conemjönö tödöönei mmaane Wanaadi aneene’da na ñäädä.

3 JUAN 1:3

Jooje ta’cwaiñe wä’jaaquene chäänönge aweichö eta’jäcä öwwä. Anejjacoomo quedeiyente döiña cöneiya’todö mädääje aweichö cöneecammajä’a’to öwwä. Chäänöngato wätunnä woije dämma määnene.