CAADATA 6:1 - Wanaadi A'deddu

¹ Jimmä, conemjönö wwä ajimmotoncomo woto’jodheinchaja’jäcä änwanno chäänönga’como yeeconeecadö jäcä i’wa’täjai maato yaawä, cho’jodhe ätö’tajä’ancädäiñe’da. Awaadäiñe äädai’chätääcä, änwanno mmaja mä’yunaacajooto’node.

CAADATA 6:1 Iomraidhean Croise

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

MATEO 26:69

Peedhodo shuucu cönä’jaacä jödöödö awä. Yaawä tooni wodi dhanoonöcoomo yöiña cöneejä; cönä’döaacä chäwwä: —Amäädä mmaja Jesuuquidiito Caadideea ñano jadä mä’jaaquennea; quee cönä’döaacä.

MATEO 26:75

Yaawä Peedhodo cöntö’tai töwwä Jesuuquidiito wa’deuwö’jödö jäcä: “Wameedi wetöömödö owaajo amäädä aaduwaawäde cöjoome’da’de;” quee yä’dö’jödö jäcä. Jödo’na cöneeja’cai yaawä; wentumje cönaamoaacä.

MATEO 9:13

Edä Wanaadi a’deddu imennaajä chö’tamme’täcä: “Wentumje äneetä weiñä tujunne na öwwä, saaquidiijiisiyo tödöödö tujunne’da mma;” quee naadö. Chäänönga’como a’dejja’da we’ne, conemjöncomoone, tötö’tajäätödööcomo sha’duminchaiyeto; quee cönä’döaacä Jesuuquidiito.

DOMAANO 14:1

Aashicha ajaadäiñe tödöötäcä ñäädä ecamjödö jäcä jäduujemjönö; ñeecamjödö jäcä chääjadä mätäccujä’täi’che.

DOMAANO 15:1

Cönwanno ecamjödö jäcä jäduuja’como i’wa’täjai caato ñanno jäduujemjöncomo iiñödööcomo jäcä; cönwanno cöweichöcoomo mma encano’täjai’cha caato.

DOMAANO 8:6

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

1 CODINTIYO 10:12

Yääje yeijäcä ñäädä jäduujato tö’tadö towaadäädä nei’ñojo, e’ducca’no.

1 CODINTIYO 14:37

Anejja adhantawäiñe Wanaadi nutuudu woije ecammajä’neije töwääcanö’a’jäcä, Epíiditu Santo woije töwääcanö’a’jäcä mmaja, ñäädä chö’tamme’jai ña yaawä edä äwwadäädäiñe wimennaadö Cajiichaana Jesuuquidiito nanontä’jödööje yeichö.

1 CODINTIYO 2:15

Ñäädä Epíiditu Santo ’jano mmaane tameedä töntö’tamme’que weneene, anejjacoomo äntö’tammecö’da yeichaame töwö yeichö.

1 CODINTIYO 3:1

Jimmä, Epíiditu Santo woija’como wwä wa’deunä töweiye naichöje a’deujai’cha wä’jaaquene äwwäiñe, tujuunu woija’como wwä wa’deunä töweiye naichöje mmaane, quedeiyente ä’döeenö wwä wa’deunä töweiye naichöje mmaja.

1 CODINTIYO 4:21

¿Aaquene adöiñaiñe öötä’se maato, jäduuje ’ja, ta’cwaiñe weichö queene, wä’jummanä ’je mmaja?

1 CODINTIYO 7:5

Oowontä’da eichäcä änwannoje dea. A’nädä yääje aweicho’como jäcä awa’deuwa’comjäcä mmaane yääje eijai maato, a’dhe mma, Wanaadi wwä wa’deunä jäcä mma awei’she aweiya’comjäcä. Yää ’jeje oojodööjai maato dea yaawä, Caajuushawa mma adhencu’toto’no yaawä änshinchä’da aweichöcoomo ai.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 2:7

Yääje yeijäcä anejjejaane eijai maato eduuwa, encwanno’jojai maato iiñö’jödö, töwö ijäädu’täjai maato dea, to’jodheene mma wentumje ei’ño yaawä.

2 CODINTIYO 2:8

Yääje yeijäcä edääje wä’döa äwwäiñe: Tumjumma dea aweichöcoomo eneejotääcä’de eduuwa chäwwä.

CAADATA 5:23

soto jäcä jäduuje’da weiñä mmaja, towaadäädä weiñä mmaja. Mädoocomo ännöjoojönö waanontänä ’je’da na.

CAADATA 6:18

Jimmä, Cädhaajotoncomo Jesuuquidiito nutuudu aashichaato äwwäiñe yei’she wa. Amén.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

2 TEESADOONISENSE 3:15

Tutu’de’tä deja mma mäntu’de’tätäi’che; töwäätuuja mmaane yäätuujatääcä’de, töweichacoono yäätuujadö töweiye naichöje deaane.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

EEWEDEO 12:13

sha’duminchatääcä adheemadööcomo. Yaawä ye’tomongajä e’tomoncajai ña, yäätonno e’tomoomö’da yeichö wetä.

EEWEDEO 13:3

I’wa’tätääcä ñanno jedeesoja’como, amäädä chääjadäiñe jedeesoje eijai maadö wa’cä deaane. I’wa’tätääcäde ñanno töwäätä’maminchajo weneenetoodö, änwanno ätä’maminchajoojai mmaja aweichöcoomo chö’tamme’cancädä.

SANTIYAACO 3:13

¿Änääcö adhantawäiñe towaanojo’ne nai, töseedujä’ne mmaja? Yääje yeiya’jäcä ñäädä tösejjedö neneejo’ñojo aashicha töweichö que, o’jodhe chö’tajäätö’da töweiyancädä, töseedujä’nato neene töweiye naichöje.

SANTIYAACO 3:2

Tameedä cönwanno conemjönö tönnöe caato aneedawä. Ñäädä cone’da a’deujönö chäänöngato ñäädä. Ñäädä yääjato dhowaanäcä mmaja na dea tameedä töweichö e’se’tädö.

1 PEEDHODO 3:15

Ätö’tajäätödööcomo jäcä cajiichaanaje Jesuuquidiito tödöötäcä. Adheecamma’jonnamo wwä ecammacoije eichäcä onwomoocödööcomo jäcä, tucuuna’se adha’dedducoomo tödööancädä, wo’nontänä que mmaja.

1 JUAN 5:16

Conemjönö tödöödöje töweichacoono eneea’jäcä anejja wwä, wäämato’jönö mma iiñödö yeiya’jäcä, töwö Wanaadi wwä a’deujai ña yaawä töweichacoono jäcä. Ñäädä weichö Wanaadi nu’a’de yaawä, wäämato’jönö mma iiñödö yeiya’jäcä. Töweiye na conemjönö tödöödö wäämatoojo. Yää nöngato jäcä’daane wecamma chääjäcä Wanaadi wwä wa’deunä.