CAADATA 5:4 - Wanaadi A'deddu

⁴ Änwanno jenaado’jä waanontänä tödöödö que Wanaadi jadoncomooje töwei’sha’como, Quidiito jonno töwä’sancwajo maato. Wanaadi nutuudu aashichaato jonno to’nomja maato.

CAADATA 5:4 Iomraidhean Croise

DOMAANO 11:6

Aashicha Wanaadi weichö jäcäinchädä mädääje na, tödöödö jäcäinchädä’da. Tödöödö jäcäinchädä ei’jo mmaane aashicha Wanaadi weichö woijatooje ätä’täjai’cha eichö.

DOMAANO 3:20

Jenaado’jä waanontänä tödöödö que Wanaadi jadoonoje ä’döjai’cha caato. Yää waanontänä conemjöncomooje cöweichöcoomo ecammaneije mma na.

CAADATA 2:21

Aashicha Wanaadi weichö töwäädämmatooje tödö’se’da wa. Jenaado’jä waanontänä tödöödö que wääwanaacanä yeiya’jäcä töwäädämma Quidiito wääma’jödö eichö.

CAADATA 5:2

Aashicha cätaatäcä; öwö Paudo yääje wä’döa: Siicunsidaadoje äwä’döa’comjäcä Quidiito ayöödöjaiñe’da na’de yaawä.

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

EEWEDEO 4:1

Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

APOOCADIISI 2:5

Yääje yeijäcä ätö’tacä awa’deene awei’jödö jäcä, yää choojonno töwe’ducca maadö. Ätö’tajäätödö sha’duminchacä; tönnöe mä’jaaquennö mmaja tödööcäde. Ecooneca’da aweiya’jäcä öwö adöiña wöta’de; adhaawa äwwä naadö que manenwajiiña’de, ätö’tajäätödö änsa’dumincha’da aweiya’jäcä.