CAADATA 5:25 - Wanaadi A'deddu

²⁵ Epíiditu Santo woije cöweichöcoomo töweiye na; yääje yeijäcä Epíiditu Santo ne’se’tädö woije deaane queicho’ñojo.

CAADATA 5:25 Iomraidhean Croise

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

DOMAANO 8:10

Quidiito ataacaiñe yeiya’jäcä aweichöcoomo töweiye na, Wanaadi jadoonoje aweijäcäiñe, adheejöcoomo töwäämaamöje yeichaame conemjönö jäcäinchädä.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

CAADATA 5:16

Edääje wä’dö’se wa äwwäiñe: Epíiditu Santo woije eichäcä, yaawä ajuunucoomo nijummadö woije ännö’da eijai maato.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

1 PEEDHODO 4:6

Ñanno yä’ja’a’como cönä’jajoicho soto töwääma weneenetoodöje dea. Yääje yeichaame chäwwäiñe mmaja aashichaato wätunnä cönäätäcammai chea, yo’tadööcomo nudä yeichö wetä yaawä, chäwwäiñe ecaanö’a’jäcä, Wanaadi nudä naadöje mmaja.

APOOCADIISI 11:11

Yää ’jeje aacäicheeato anoototo annai yä’döa’jäcä, Wanaadi täta’jiiñö cöna’jimmai ñanno ta’deddu ecammajä’nnamo do’taiñe; cönammöicho yaawä. Ñanno eneedöcoomo’jo tameedä soto cönääcatoncaicho yaawä jooje.