CAADATA 5:21 - Wanaadi A'deddu

²¹ töweichacoono nödöödö i’ñeimmadö mmaja, soto emaadö mmaja, wä’dau’nä mmaja, ämiije’jödö mma weiñä mmaja, tameedä mädoocomo nöngato mmaja. Eduuwa mänwätuujato dea, jenaadä mänwätuujatäänedööje mmaja: Tameedä mädä nöngato tödöönei Wanaadi jataacäi täjai’cha na.

CAADATA 5:21 Iomraidhean Croise

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

DOMAANO 13:13

Chäänönge queichäiye, tawaanato acancomo eijai ñaatoodöje dea. Wä’dau’nä jäcä’da queichäiye, wänwanä jäcä’da mmaja, imaasuduicha’da mmaja, anejja conemjönö jäcä’da mmaja, ätäccujäätö’da mmaja, e’neimma’da mmaja.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

1 CODINTIYO 15:50

Edääje wä’döa äwwäiñe jimma: Mädä cäjööcomo naadö caju ña täjai’cha na, yää töwaatameemö tönnödööje tödööjai’cha yeijäcä yeichöödoto.

1 CODINTIYO 5:11

Edääjeene wa’dö’se wä’jaaquene yää wimennäneedö: Ñäädä quedeiyentejaato wätä’tädö jadä meichäi’che masuuduije yeiya’jäcä, anejja nödöödö töni’ñeimma yeiya’jäcä mmaja, chu’taajä tumjumma yeiya’jäcä mmaja, wätunnä dha’me yeiya’jäcä jeiñe mma, töwä’dau’cwato yeiya’jäcä jeiñe mma, tämeene jeiñe mma. Yääjato jadä wääwashinchänä’jödö jadäädä tödööemje’da na.

EUJEESIYO 5:18

Ä’dacu’da eichäcä; yääje weiñä wecoone’manä nejoodöja. Epíiditu Santo jäduudu ’jeene eichäcä.

CODOOSENSE 3:6

Tameedä mädoocomo jo’tädööje Wanaadi woijemjöncomo nätä’maminchajaato’de chäwwä.

1 TEESADOONISENSE 5:7

Ñanno tönnö’ca’como coijai nönö’caato. Töwä’dau’cwa’como coijai nä’dau’cwaato.

2 TEESADOONISENSE 2:5

¿Tötö’ta dea jönca maato yääje dea töneecammajä’e wei’jödö ajaadäiñe weichö?

EEWEDEO 13:4

Tönoiñe jötaanä tödöötäcä. Masuuduije’da tö’dha’como nei’ña’to, töiñoca’como mmaja. Ñanno masuuduija’como nätä’maminchajaato’de Wanaadi wwä.

1 PEEDHODO 4:3

Chääwa’cä na yää jenaadä awei’jocoomo, Wanaadi dhowaanojöncomo wacöötö tönnöe mä’ja’quennö, yää masuuduichanä, tujummamjönö ijummadö mmaja, wä’dau’nä mmaja, wänwanä mmaja, wewoodoichanä mmaja, waanontänä wä’dödö nönge’da chu’taajä ijummadö mmaja.

APOOCADIISI 21:27

Conemjönö ataamonno’jo’da na’de yää jataaca yeichöje. Omoomö’da naato’de nossaja’como tö’tajäätödö, äncu’tännamo mmaja. Ñanno mmaane nomongaato’de, chäätöcoomo töweiya’como Oweeja nnedö’cä jajeedai jäcä, yää weichojo jajeedai’chädö jäcä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.