CAADATA 5:18 - Wanaadi A'deddu

¹⁸ Yaawääne’, Epíiditu Santo woije äwäätä’se’ta’comjäcä jenaado’jä waanontänä adhaanontäjaiñe’da na.

CAADATA 5:18 Iomraidhean Croise

JUAN 16:13

Yaawääne’, Epíiditu Santo we’a’jäcä, ñäädä chäänöngato a’deu edhaajä, töwö odhoowanoomaato’de chäänöngato a’deu jäcä. Töwö töjääcä mma a’deuwö’da na’de; töneeta’jödö queene na’deuwa’de. Töwö odhoowanoomaato’de tameedä töweeja’dä’emö jäcä.

DOMAANO 7:4

Mädääje mmaja änwanno jimmä, Quidiito jadoncomo. Änwanno yäämaajä nönge maato jenaado’jä waanontänä wwä, anejja jadoonoje aweichöcoomo wetä. Quidiito jadoonoje maato eduuwa, ñäädä töwäämaajo jonno cönaadoncaichö. Quidiito jadä cöweijäcäiñe Wanaadi wwonooje aashichaato tödönnamooje eijai caato.

DOMAANO 8:12

Yääje yeijäcä jimmä, cöwwäiñe tödööemö töweiye na, cujuunucoomo nijummadööjönööne.

DOMAANO 8:14

Tameedä ñanno Epíiditu Santo nanontädö woija’como Wanaadi nnacoomoje naato.

CAADATA 5:16

Edääje wä’dö’se wa äwwäiñe: Epíiditu Santo woije eichäcä, yaawä ajuunucoomo nijummadö woije ännö’da eijai maato.

CAADATA 5:23

soto jäcä jäduuje’da weiñä mmaja, towaadäädä weiñä mmaja. Mädoocomo ännöjoojönö waanontänä ’je’da na.

CAADATA 5:25

Epíiditu Santo woije cöweichöcoomo töweiye na; yääje yeijäcä Epíiditu Santo ne’se’tädö woije deaane queicho’ñojo.

1 TIIMOTEO 1:9

Cönwanno cowaanäcäiñe eijai ña aashicha’como wwonooje’da yää waanontänä imennaajä weichö. Yää waanontänä töweiye nai tanontä’jödö ännöjöönö wwonoojeene, töweewodoichaato wwonooje mmaja, conemjönö dönei mmaja, chäänöngemjönö mmaja, Wanaadi onnontäjöönö mmaja, dha’deddu onnontäjöönö mmaja, tumö emaanei, senö emaanei wwonooje mmaja. Soto emaanei wwonooje mmaja na dea yää waanontänä,

2 TIIMOTEO 1:7

Wanaadi cöwwäiñe cuntui tösaade cöweicho’comoojönö, jäduuje cöweicho’comoone, cöwä’jummato’como mmaja, tösejjeque cöweicho’como mmaja.