CAADATA 5:15 - Wanaadi A'deddu

¹⁵ Yaawääne’, äwwäädäiñe äwäätäuwa’comjäcä, awaataiju’jä’a’comjäcä mmaja, töwaatame mma ataamejai maato yaawä.

CAADATA 5:15 Iomraidhean Croise

MAADOCO 3:25

Yää maa tawoncomo dea töwwäädäiñe yä’tu’de’ta’comjäcä, ataamejai mmaja.

1 CODINTIYO 3:3

ajuunucoomo woije dea aweijäcäiñe. We’neimmanä töweiye naadö naane’ adhantawäiñe, wä’tu’de’tänä mmaja, aata’deucwe’da weiñä mmaja. ¿Ajuunucoomo woije jönca ätö’tadööcomo yaawä, quedeiyentejöncomo nönge?

2 CODINTIYO 11:20

¿Aashicha mmaja jönca tönshinchä määnetääne dea anejja wwä tanoonöje ayöödöa’comjäcä, ännödööcomo acoicha’jäcä mmaja, adhencu’ta’comjäcä mmaja, adhe’jodheiñe töwei’she yeiya’comjäcä mmaja, ojoojeta’mojä’a’comjäcä mmaja?

2 CODINTIYO 12:20

Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

CAADATA 5:20

chu’taajä jummadö mmaja, jöwaije weiñä mmaja, wä’tu’de’tänä mmaja, wata’deutänä mmaja, wätö’neimmanä mmaja, äätömaacoije weiñä mmaja, töwö mma töwei’she weiñä mmaja, ootowoije’da weiñä mmaja, aata’deucone’da weiñä mmaja,

CAADATA 5:26

O’jodhe chö’tajäätö’da queicho’ñojo, cöjimmotoncomo aneetömaajotäiñe’da mmaja, e’neimma’da mmaja.

JIDIIPENSE 3:2

Odhoowoinchadäiñe’da eichäcä sö’na nönga’como jäcäiñe, ñanno conemjönö tödönnamo, täjööcomo cone’mannamo.

CODOOSENSE 2:8

Odhoowoinchadäiñe’da eichäcä; anejja wenta’mecöödö que mma ätö’tajäätödööcomo mänsadiijannä’cajootäi’che, ñanno soto wätunnäichomo que mma adhencu’tä’seiñe weneenetoodö. Quidiito woija’comoojönö ñanno, soto wätunnäichomo woija’como mma, edä nono de’wono tö’tajä’nä woija’como mmaja.

SANTIYAACO 3:14

Caado’da aweiya’comjäcä mmaane, tö’neiñe aweiya’comjäcä mmaja, amäädä mma awei’she aweiya’jäcä mmaja, tösejjeca’comooje ätä’täjai’cha maato yaawä, äncu’tännamoojeene, chäänönge ännöjöncomooje mmaja.