CAADATA 5:13 - Wanaadi A'deddu

¹³ Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

CAADATA 5:13 Iomraidhean Croise

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

1 CODINTIYO 8:9

Yääje yeichaame odhoowadäädäiñe eichäcä, änwanno mädä tödööjai aweichaameiñe ajimmotoncomo jäduujemjönö conemjönö aca mma maneema’joto’no.

1 CODINTIYO 9:19

Soto anoonöcoomoje’da weichaame öwö woije dea dhanoonöcoomoje töwä’döjo wäänene, jooje’cä jeene Quidiito sotoije töweiyaamo chaana’cadööcomo wetä öwwä.

2 CODINTIYO 12:15

Öwwä tujunne aweichaameiñe jääcä chö’tajäätö’da ätö’taato. Yääje yeichaame ajummatäiñe dea wäänene. Tameedä öwwä naadö acoichajoojai tö’ta äjääcäinchädäiñe, weichö jadä’jödöödä.

2 CODINTIYO 2:8

Yääje yeijäcä edääje wä’döa äwwäiñe: Tumjumma dea aweichöcoomo eneejotääcä’de eduuwa chäwwä.

2 CODINTIYO 3:17

Cajiichaana ñäädä Epíiditu Santo. Yäätä Epíiditu Santo weichö dö’tä aashicha weiñä ’je.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

CAADATA 2:4

Anejjacoomo quedeiyenteja’como wätä’tädö Tiito siicunsidaadoje tödööjo’se cönä’ja’todö’je. Ñanno ñaa we’jummaajä antaca cönääwaacaicho tacaade’da. Tönwanno eta’se cönä’ja’to Jesuuquidiito jadä aashicha cöweichöcoomo jäcä, cashiichuudädööcomo wetä mmaja yaawä jenaado’jä tödööjodö que.

CAADATA 4:22

Yää imennaajä necamma aacä Aawadán nnacoomo wei’jocoomo. Tooni cönä’jaacä Acaada nnedö, ñäädä Aawadán sotoi nnedö, yeichacoono cönä’jaacä ijiiñamo Saada nnedö, shootoijönö nnedö.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CAADATA 5:14

“Aweichacoono ijummacä amäädä äwä’jummadö nönge dea;” quee nä’döa imennaajä. Mädä waanontänä tödöödö que tameedä anejja waanontänä mödööato dea.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

CAADATA 6:2

Äämetaacäi adhe’wa’tätääcä anaadädööcomo jäcä, mädääje Quidiito waanontädö tödööjai maato.

EUJEESIYO 5:21

Äwwäädäiñe ä’tutääcä, Wanaadi tönnontä aweijäcäiñe.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 PEEDHODO 2:16

Änwanno jedeeso nönge aweichöcoomo jonno töwäätu’ca maato eduuwa. Yääje yeichaame mädä töwäätu’ca aweichöcoomo conemjönö ännöto’comooje tödööjai’cha maato; Wanaadi anoonöjeene eijai maato.

2 PEEDHODO 2:19

Aashicha yeicho’como töneecamma weneeneto, conemjönö anoonöje mmaja töweichaameiñe tönwanno, yää to’jodheinchanei’jödö anoonöjeene weiñä yeiyajä.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.