CAADATA 5:1 - Wanaadi A'deddu

¹ Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CAADATA 5:1 Iomraidhean Croise

MATEO 23:4

Tönwanno soto wwäiñe ä’döque’jönööto tönnöjo weneeneto, tamiiñato adoojodö töweiye naichöje, i’wa’tädööcomo jäcä chö’tajäätö’da töweiyancädäiñe.

DUUCA 5:38

Eduuwaato iji’jä acaane chääjedöödö eccudu eduuwaato döaajä shoomadö. Mädääje a’nädä emaacudä’da eijai ña, chääjedöödö eccudu, iji’jä mmaja.

DOSECHO 15:10

Yääje yeijäcä ¿ane’que’nei Wanaadi nödöödö aneecamjö’da maato? ¿Ane’que’nei ñanno quedeiyente wwäiñe ä’döjaichojöönö tödööjo’se maato, cönwanno tödööjaichojöönö, cadai’choncomo tödööjai’cha cönä’ja’todö mmaja?

DOMAANO 6:14

Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

DOMAANO 6:18

Conemjönö anoonöje aweichöcoomo jonno töwä’sancwajo maato eduuwa aashichaato tödöödö anoonöje daja aweichöcoomo wetä.

DOMAANO 7:3

Yääje yeijäcä töiño nudä dea yeichö anejja dhanwa jadä yä’döa’jäcä imaasuduichadö yää. Dha’da ’quene töiño wääma’jäcä yää waanontänä nanontädö woije’da na yaawä; imaasuduichadööjönö eijai ña yaawä anejja dhanwa jadä yä’döa’jäcä.

DOMAANO 7:6

Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

DOMAANO 8:15

Ñäädä Epíiditu Santo, äwwäiñe cönä’tuichö, conemjönö anoonöje ayöödöneichomoojönö, tösaade aweichöcoomo wetä; Wanaadi nnedööje cödööneichomoone töwö. Ñäädä Epíiditu Santo woije Jaajaje Wanaadi que’taato.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

1 CODINTIYO 16:13

Äädai’chätääcä; yäätäädä aneecamjödööcomo tödöötäcä. Dhanwaaje eichäcä, jäduujeiñe.

1 CODINTIYO 7:22

Ñäädä Cajiichaana Jesuuquidiito wwä ta’dejjadaawä tädhaajäque cönä’ja’dö, eduuwa tädhaajäque yeichö jonno u’caajä töweiye naichöje na, Cajiichaana Jesuuquidiito anoonöje yeichö wetä. Yääje mmaja ñäädä ta’dejjadaawä tädhaajäque’da cönä’ja’dö; Quidiito anoonöje na eduuwa ñäädä.

2 CODINTIYO 11:20

¿Aashicha mmaja jönca tönshinchä määnetääne dea anejja wwä tanoonöje ayöödöa’comjäcä, ännödööcomo acoicha’jäcä mmaja, adhencu’ta’comjäcä mmaja, adhe’jodheiñe töwei’she yeiya’comjäcä mmaja, ojoojeta’mojä’a’comjäcä mmaja?

2 CODINTIYO 3:17

Cajiichaana ñäädä Epíiditu Santo. Yäätä Epíiditu Santo weichö dö’tä aashicha weiñä ’je.

CAADATA 2:4

Anejjacoomo quedeiyenteja’como wätä’tädö Tiito siicunsidaadoje tödööjo’se cönä’ja’todö’je. Ñanno ñaa we’jummaajä antaca cönääwaacaicho tacaade’da. Tönwanno eta’se cönä’ja’to Jesuuquidiito jadä aashicha cöweichöcoomo jäcä, cashiichuudädööcomo wetä mmaja yaawä jenaado’jä tödööjodö que.

CAADATA 3:25

Quidiito ecamjödö que weiñä cu’nädö wä’dö’jödö weijäcä tujunne’da na eduuwa yää cä’se’täneichomooje cönä’ja’dö.

CAADATA 4:26

Ñäädä Aawadán jiñamo neene mmaane caju ñano Jeduusadén ñanoi’chädö cu’tädööje daja na dea. Ñäädä nnacoomo cönwanno.

CAADATA 4:31

Yääje yeijäcä jimmä, cönwanno caato shootoi nnedö nönge’da, ijiiñamo neene nnedö nöngeene.

CAADATA 4:9

Eduuwa mmaane Wanaadi odhoowanääcäiñe na, Wanaadi owaanäcä mmaja änwanno maato dea. Yääje yeichaame, ¿ane’que’nei yää weicho’jönö weiñä aca awennaca’seiñe maato dea, tödööto’jönö weiñä aca mmaja, yoije tödöödö que awaatashiichuudädööcomo wetä mmaja?

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

EUJEESIYO 6:14

Yäätäädä eichäcä; chäänöngato wätunnä ä’dha’mötööcomooje tödöötäcä; chäänönge weiñä que oowontätääcä, suddau tö’dojöödö womö tönnöe töweiye naichöje.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

1 TEESADOONISENSE 3:8

Ñaa adoncajoodö wa’cä cönä’jaacä yää Cajiichaana jadä chäänöngeedä aweichöcoomo eta’jäcä.

2 TEESADOONISENSE 2:15

Yääje yeijäcä jimmä, jäduujeedä eichäcä. Mane’nomjatäi’che odhoowanooma’jocoomo ñaa wwä, yää ñaa necammajäätö’jödö, ñaa nimennä’jödö mmaja.

EEWEDEO 10:23

Yäätäädä cötö’tajäätödööcomo cöödöto’ñojo cöwo’womoocödööcomo jäcä, cöweejäduuqueancädäiñe’da, cowaanäcäiñe yeijäcä chäänönge Wanaadi wwä tödöötojo yää cöwwäiñe töneecamma’jödö.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

EEWEDEO 4:14

Ñäädä Jesuuquidiito, Wanaadi nnedö o’jodhaato, Tumö wwä cöjääcäinchädäiñe töwa’deuwemööje na. Töwö Wanaadi döiña cöntäma. Yääje yeijäcä chäänöngeedä queichäiye cöneecamjödööcomo jäcä.

1 PEEDHODO 2:16

Änwanno jedeeso nönge aweichöcoomo jonno töwäätu’ca maato eduuwa. Yääje yeichaame mädä töwäätu’ca aweichöcoomo conemjönö ännöto’comooje tödööjai’cha maato; Wanaadi anoonöjeene eijai maato.

2 PEEDHODO 2:19

Aashicha yeicho’como töneecamma weneeneto, conemjönö anoonöje mmaja töweichaameiñe tönwanno, yää to’jodheinchanei’jödö anoonöjeene weiñä yeiyajä.

JUUDHA 1:3

Jimmä umjummadö, cöwääwanaacadööcomo jäcä äwwadäädäiñe imennä’se wä’jaaquennö’je, yaawääne’ tujunne’cä jeene öwwä cöntö’taacä äwäätuujadööcomooje imennädö. Edääje äwäätuuja’seiñe wa: Töweewänä’tääne adheewänä’tätääcä aashichaato wätunnä jäcäinchädä, yää Wanaadi sotoi wwäiñe tooniye yeichöödäje cönä’tuichö.

APOOCADIISI 2:25

Yää äwwäiñe naadö mmaane täijeene ajäichäcä, adöiña öötädö wa’cä.

APOOCADIISI 3:3

Yääje yeijäcä ätö’tacä owoowanooma’jödö jäcä; yää tödööcä eduuwa; ätö’tajäätödö sha’duminchacä. Äädai’chä’da aweiya’jäcä adöiña wöta’de tämeenato wötäädö töweiye naichöje, ätö’tajäätödö ’nawä.