CAADATA 4:4 - Wanaadi A'deddu

⁴ Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

CAADATA 4:4 Iomraidhean Croise

MATEO 1:23

Dhanwa acä eijönö niwensu’ta’de; iiñedo nennua’de; Emanweedaje nätä’täja’de; quee cöneecammaichö. Wanaadi cöjaadäiñe na; quee töwä’dö’se yeichö mädä Emanweeda, quee naadö.

MATEO 3:15

Jesuuquidiito cönä’döaacä chäwwä: —Öwö umjummadö woije tödööcä; tameedä Wanaadi waanontädö tödööemje na cöwwäiñe; quee cönä’döaacä Jesuuquidiito. Yaawä Juan wautisaaje cönnöi.

MATEO 5:17

“Waanontänä e’nomjajo we’aatäi maneecanö’täi’che, Wanaadi wa’deuwödö ecammannamo a’deddu e’nomjajo jeiñe mma. E’nomjajo’daane we’ne, chäänönge tödöödö wetääne.

MAADOCO 1:15

Töwö töwä’döe cönä’jaacä: —Chu’nädö aca nä’döi eduuwa. Amoinche’da nä’döi eduuwa Wanaadi acaajichaanaichomooje yä’dötoojo. Ätö’tajäätödööcomo sha’duminchatääcä; ecaanö’täcä aashichaato wätunnä; quee töwä’döe cönä’jaacä.

DUUCA 1:31

Awensu’ta’de; ännedö nennua’de dhanwa’cä. Jesuuquidiitoje e’täcä’de.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

DUUCA 2:7

Cönnennui yaawä iiñedö awa’deenato, dhanwa’cä. Madía cönaiñantäi yaawä camiisha que. Cunummichai yaawä jaaca uduucomo ewöötö aca, yeicho’como ’je’da yeijäcä soto wä’döto’como taca.

DUUCA 20:44

¿Aaquene mmaja Dawí nnedööje Äwaanacaanei eijai ñai chea, töwö Dawí tädhaajäje töne’tä yei’jödö weichaame mmaja? quee cönä’döaacä Jesuuquidiito.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 10:36

Jaaja ye’täne edä nono de’cäi töwe’emööje. Yääje yeijäcä ¿ane’que’nei cone’da Wanaadi jäcä wa’deuwödö me’taato iiñedööje wäätä’tädö weijäcä?

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.

DOSECHO 1:7

Jesuuquidiito cönä’döaacä chäwwäiñe: —Änwanno odhoowanääcäiñe eijai’cha na yää cu’nädö, dhanootoi’chädö mmaja. Jaaja yää cuncu’nä’täi tumjummadö woije.

DOMAANO 1:3

Yää wätunnä na Cädhaajotoncomo Jesuuquidiito jäcä, ñäädä Wanaadi nnedö. Töwö Jesuuquidiito cönä’jaacä Dawí atöödöje.

DOMAANO 15:8

Edääje wä’döa äwwäiñe: Quidiito cöneejä judhío wwäiñe tödööneije, chäänönge tödöödö wetä yää ñaa adaichö wwäiñe Wanaadi necamma’jödö, eneejodö wetä mmaja chäänönge Wanaadi töneecamma’jödö tönnöe yeichö.

DOMAANO 5:6

Cönwanno cöwwäädäiñe dea ääwanaacajai’cha cöweichöcoomo Quidiito tucu’nädö awä cönäämai cöjääcäinchädäiñe, cönwanno conemjöncomo jäcäinchädä.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

DOMAANO 9:5

Ñanno iisadaaediitacoomo naato ñaa adaichö atöödöje. Ñanno atöödöje mmaja Äwaanacaanei cönennui, ñäädä Wanaadi, tameedä Ädhaajä, yeichöje aashicha wa’deutojooje naadö. Amén.

EUJEESIYO 1:10

Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.

CODOOSENSE 2:14

Töwö Wanaadi cönaacoichajoi cöneejeque’näjöödöcoomo, yää töwaanontädö que cämu’däneichomooje cönä’ja’dö. Töwö yää cönaacoichajoi cuduusa jäcä ajoijodö que.

1 TIIMOTEO 2:6

Töwö Jesuuquidiito cönä’tui töwäämadö wetä, tameedä soto wääwanaacato’como ejeemadö wetä. Yää cönäätäcammai ecammatoojo cu’nädö awä.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

EEWEDEO 9:10

Yääje weiñä töweiye na äwanshi choonecaadö jäcä mma, wocö choonecaadö jäcä mmaja, wataamoichanä jäcä mmaja. Tameedä yää na ye’wono que mma tödööemö. Yää tödööemje cönä’jaacä Wanaadi wwä inwacaamatoojo cu’nädö aca tödööene mma.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 4:2

Edääje ene’ju’jai maato Epíiditu Santo woijato ecammajäätödö: Ñäädä Jesuuquidiito Äwaanacaaneije yeichö ecammanei, sotooje yeejö’jödö ecammanei mmaja, Wanaadi dö’sennoto Epíiditu Santo ’jano ñäädä.