CAADATA 4:30 - Wanaadi A'deddu

³⁰ ¿Aaquene Wanaadi a’deddu imennaajä nä’döaanä Aawadán wwä Acaada tödöötojo jäcä, quee ’ja? Edääje nä’döa: “Enno’jacä ñäädä osootoi, iiñedö mmaja. Ñäädä shootoi nnedö tumö nsomaadö’jödö edhaajä’täjai’cha na ijiiñamo neene nnedö acä;” quee nä’döa Aawadán wwä Wanaadi necamma’jödö imennaajä.

CAADATA 4:30 Iomraidhean Croise

JUAN 8:35

Ñäädä dhanoonö yeichöje ei’cha tädhaajä mmai chawä; iiñedö neene mmaane yeichöje eijai.

DOMAANO 11:2

Ng’jn, Wanaadi tösootoi aneetöma’da naato, ñanno jenaadä töwwoncomooje cöne’toichodö. ¿Odhoowanääcäiñe jönca nai Edía wei’jödö jäcä Wanaadi a’deddu imennaajä ecammajäätödö, ñäädä Wanaadi wa’deuwödö ecammanei’jödö? Wanaadi wwä töwa’deuwödaawä töwö Edía cöna’deuwöi iisadaaediitacoomo jäcä.

DOMAANO 4:3

Edääje Wanaadi a’deddu imennaajä nä’döa: “Aawadán Wanaadi cöneecamjöi; yää ñeecamjödö jäcäinchädä Wanaadi töjaadonooje cönnöi;” quee imennaajä nä’döa.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.

CAADATA 3:8

Jenaadä Wanaadi a’deddu imennaajä jäcä cönäätäcammai töjaadonooje judhíojöncomo tödööto’como Wanaadi wwä, ñeecamjödööcomo jäcäinchädä. Edääje aashichaato wätunnä cönäätäcammai Aawadán wwä: “Äjääcäinchädä aashichaato wödööa’de tameedä soto jäcäiñe;” quee.

CAADATA 4:22

Yää imennaajä necamma aacä Aawadán nnacoomo wei’jocoomo. Tooni cönä’jaacä Acaada nnedö, ñäädä Aawadán sotoi nnedö, yeichacoono cönä’jaacä ijiiñamo Saada nnedö, shootoijönö nnedö.

CAADATA 4:31

Yääje yeijäcä jimmä, cönwanno caato shootoi nnedö nönge’da, ijiiñamo neene nnedö nöngeene.

SANTIYAACO 4:5

¿Töwäädämma ca äwwäiñe nichö’taanä Wanaadi a’deddu imennaajä? Edääje nä’döa yää: “Ñäädä Epíiditu Santo, cödo’tacaiñe Wanaadi nijaata’täjo’jödö, jooje cujummaato, tö’neimmaane;” quee nä’döa Wanaadi a’deddu imennaajä.