CAADATA 4:26 - Wanaadi A'deddu

²⁶ Ñäädä Aawadán jiñamo neene mmaane caju ñano Jeduusadén ñanoi’chädö cu’tädööje daja na dea. Ñäädä nnacoomo cönwanno.

CAADATA 4:26 Iomraidhean Croise

JUAN 8:36

Wanaadi nnedö wwä ocoone’nadiiyöcoomo jonno ayu’ca’comjäcä conemjönö anoonöje’da eijai maato yaawä.

DOMAANO 6:14

Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

DOMAANO 6:18

Conemjönö anoonöje aweichöcoomo jonno töwä’sancwajo maato eduuwa aashichaato tödöödö anoonöje daja aweichöcoomo wetä.

CAADATA 4:22

Yää imennaajä necamma aacä Aawadán nnacoomo wei’jocoomo. Tooni cönä’jaacä Acaada nnedö, ñäädä Aawadán sotoi nnedö, yeichacoono cönä’jaacä ijiiñamo Saada nnedö, shootoijönö nnedö.

CAADATA 4:25

Ñäädä Acaada Sinaí ’jödö cu’tädööje na, yää Adaawiya ñano jöö. Yää jöö Jeduusadén ñano jata cu’tädööje na. Tameedä yää jataawoncomo jedeesoja’como nönge naato.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

JIDIIPENSE 3:20

Cönwanno cöjaatadööcomo mmaane na caju ña. Iiñanno Äwaanacaanei weejödö quiiyomo’cato, ñäädä Cajiichaana Jesuuquidiito.

EEWEDEO 12:22

Siyon ’jödö wwadäädääne me’täne, Wanaadi jataacäi mmaja, yää caju ñano Jeduusadén ñanoi’chädö. Jooja’como amoode we’jumma’como wwadäädäiñe mmaja me’täne dea, ñanno Wanaadi jäcä aashicha töwa’deuwaamo,

1 PEEDHODO 2:16

Änwanno jedeeso nönge aweichöcoomo jonno töwäätu’ca maato eduuwa. Yääje yeichaame mädä töwäätu’ca aweichöcoomo conemjönö ännöto’comooje tödööjai’cha maato; Wanaadi anoonöjeene eijai maato.

APOOCADIISI 12:1

Yaawä ene’ju’tojo adai’joto cönääneaacä caju ña; wodi cönä’jaacä, shii töwoomöje, nuunä i’judu o’nä. Iju’jä de’wä cönä’jaacä canaanadi, amoojadooto de’wä aacä shidiichä chääjäcä.

APOOCADIISI 17:5

Ijaawä chäätö imennaajä cönä’jaacä, owaanojöönö. Edääje cönä’jaacä: “Waawidooniya ñano tacaadato, masuuduija’como dhenö, tameedä nono de’wono conemjönö edhaajä;” quee chäätö cönä’jaacä.

APOOCADIISI 21:2

Öwö, Juan, weneeaqueene yää jata aashichaato wä’tädö caju ñanno, Wanaadi döiñanno, yää Jeduusadén ñano eduuwaato. Töweesomaajä’e cönä’jaacä, töiño eneeje wodi töwäätöiñonoomö töweesoma töweiye naichöje.

APOOCADIISI 3:12

Ñäädä e’jodheinchanei’jödö yeichöje wijaata’täja’de Waanadiiyö jadä, Wanaadi weichojo mu’dudui ääseca’da töweiye naichöje. Waanadiiyö eetö wimenna’de chääjäcä, Waanadiiyö jataadö eetö mmaja, yää Jeduusadén ñano eduuwaato, Waanadiiyö jonnoto caju ñanno töwä’täämö. Öwö yeetö eduuwaato mmaja chääjäcä wimenna’dede.