CAADATA 4:19 - Wanaadi A'deddu

¹⁹ Önnacoomo’cä, wodi töwensu’dato tönnedö’cä töiñe’ma töweiye naichö wa’cä wäntunaanö’a dea eduuwa äjääcäinchädäiñe, Quidiito nönge äwä’dödööcomo wa’cä.

CAADATA 4:19 Iomraidhean Croise

DUUCA 22:44

Jooje wentumje töweijäcä jooje’cä cöna’deuwöi yaawä. Yäädamu’jätöödö nono jo cöneeca’tai yaawä munuuje.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

2 CODINTIYO 12:14

Aaduwaawädeeto mädä eduuwa adöiñaiñe wöta’dedö. Äwwäiñe ätäädai’chojo’da dea wa’de eduuwa. Änsomaadöcoomojöönööne wencano’ta, aweichöcoomoone. Inchoncomo tönnacoomo nsomaadö chaana’cannamooje töweiye naicho; mude’cä’cä mmaane tumö inshoma’täneije etaadawa’cajoojai’cha na.

EUJEESIYO 4:13

Mädääje tameedä cönwanno äänönge ä’döjai caato cöneecamjödööcomo jäcä, Wanaadi nnedö cowaanäcäiñe cöweichöcoomo jäcä mmaja. Yaawä chäänönge yä’döaajä töweiye naichöje eijai caato, chäänönge Quidiito weichö nönge mmaja aatö’näjai caato dea.

EUJEESIYO 4:24

Eduuwaato weiñä äwwäiñe tödööjai maato, yää Wanaadi nijummadö woije tödööajä naadö. Yääje weiñä nääneja chäänöngato tödöödö que, aashichaato tödöödö que mmaja.

JIDIIPENSE 1:8

Wanaadi dhowaanäcä na jooje äjummatäiñe weichö, wä’jummanä Jesuuquidiito nutuudu que.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

JIDIIPENSE 2:5

Jesuuquidiito tö’tajäätödö wei’jödö nönge mmaja ätö’tajä’täcä.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

CODOOSENSE 2:1

Odhoowanääcäiñe yei’she wa äjääcäinchädäiñe jooje töweetadaawa’cajo weichö, tameedä Daodiseea ñancomo jäcäinchädä mmaja, tameedä yeenejöncomo jäcäinchädä mmaja.

CODOOSENSE 3:10

Yää me’nomjatääne eduuwaato weiñä äwwäiñe tödöödö wetä. Yää eduuwaato weiñä, äwwäiñe naadö, wecoonecaanäje weneene, ñäädä Wanaadi tamoode’nänei’jödö nönge töwä’dödö wa’cä, ñäädä towaanäcä yä’dödö jonaane mmaja.

CODOOSENSE 4:12

Epaujada mmaja ta’deujödö nadääja dea, ñäädä Quidiito anoonö, ajimmotoncomo dea. Töwö weiñäje Wanaadi wwä töwa’deuwe weneene äjääcäiñe, ejääduqueejö’da aweichöcoomo wetä, chäänönge aweichöcoomo wetä mmaja, tameedä Wanaadi waanontädö tödööcoije aweichöcoomo wetä mmaja.

1 TEESADOONISENSE 2:7

Äjääjännä ayöödötäiñe ñaa cönä’jaacä, wodi tönnedö’cä töniiñejenca töweiye naichöje.

1 TIIMOTEO 1:2

Äwwadäädä wimenna, amäädä Tiimoteo, önnedö neene, ecamjödö jäcäinchädä. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

TIITO 1:4

Äwwadäädä wimenna, amäädä Tiito. Önnedö chäänöngato amäädä, cöneecamjödööcomo jäcäinchädä. Aashichaato äwwä yei’she wa Cumöötoncomo Wanaadi nutuudu, Cajiichaana Jesuuquidiito nutuudu mmaja, ñäädä Cäwaanacaaneichomo; wentumje mmaja adheene’se wa chäwwäiñe; täncanoode’da aweichojo äwwä yei’she wa dea.

JIIDEMÓN 1:10

Edääje wä’dö’se wa äwwä mä’dä önnedö Onéesimo jäcä, jedeesoje weichö quedeiyenteje önnödö.

JIIDEMÓN 1:19

Öwö, Paudo dea, edä wimenna, öwö wejeema’de, amäädääne aweichö que jeene yeejeque’nä’taame.

EEWEDEO 5:7

Yaawä edä nono de’wä Quidiito weichö, jooje töwa’deuwe töwö cönä’jaacä Wanaadi wwä, töwaamoone; töwö töne’ca’e cönä’jaacä Wanaadi wwä, ñäädä töwäämaajo jonno täwaanacaajaicho wwä. Wanaadi cöneetai ya’deuwödö, töwwä yä’tu’jödö weijäcä.

SANTIYAACO 1:18

Töwö tötö’tajäätödö woije cöweichöcoomo cuntui, chäänöngato wätunnä ecammajäätödö etaadö que cöwwäiñe, tönnacoomoje cöweichöcoomo wetä, awa’deenato chääjedöödö acä’ajä töweiye naichöje.

1 JUAN 2:1

Önnacoomo’cä, edä wimenna äwwadäädäiñe conemjönö ännö’da aweichöcoomo wetä. Yaawääne’ conemjönö tödööa’jäcä anejja wwä, töweiye na Cumöötoncomo wwä cöjääcäinchädäiñe töwa’deuwemö, ñäädä Jesuuquidiito chäänöngato.

1 JUAN 2:12

Äwwadäädäiñe wimenna änwanno önnacoomo’cä, Wanaadi wwä ocoone’nadiiyöcoomo encwanno’jo’jödö weijäcä, Jesuuquidiito jäcäinchädä.

1 JUAN 5:21

Önnacoomo’cä, äädai’chätääcä wanaadija’como chäänöngemjöncomo jäcäiñe. Amén.

3 JUAN 1:4

Yää mma tameedä cho’jodhe ya’cwaimatä weneene, chäänöngato wätunnä woije önnacoomo weichöcoomo etaadö mma.