CAADATA 3:27 - Wanaadi A'deddu

²⁷ Tameedä änwanno Quidiito jadoncomooje äwä’dödööcomo wetä wautisaaje mä’döjootäneedö Quidiito weichö nönge dea aweichöcoomo na.

CAADATA 3:27 Iomraidhean Croise

DUUCA 15:22

Yaawä yuumö cönä’döaacä tanoonö wwä: Ma’da’cä, yoomö eichantäcä, aashichaato, miyontätäiye. Shuuditiijai änu’täcä, shaajatui mmaja.

DOSECHO 16:15

Yää ’jeje töwö wautisaaje cönä’döjoi, yä’jimmä’tädö mmaja. Yaawä töwö cönä’döaacä ñaa wwä: —Cajiichaana ecaanö’nei chäänöngatooje äwwäiñe tö’ta’jäcä, ömmai chaca odhoomontäcä, iiña määwa’tätäiye; quee cönä’döaacä. Töwö ñaa amonno’jone yaawä tä’saca.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 8:16

Epíiditu Santo ’je’da dea yeichomjäcä, chääjäcäiñe ä’tä’da dea yeijäcä; wautisaaje mma cönä’ja’to Jesuuquidiito eetö joi.

DOSECHO 9:18

Yaawä dea mma na’cwacaano cädääji’jä nönge cöne’duccai Saudo enuudu jäconno; töneene cönä’döi yaawä. Wautisaaje cönä’döjoi yaawä.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

1 CODINTIYO 10:2

Cönwanno wautisaaje töwä’döe caatoodöje mmaja tönwanno Moisé sotoije cönääwaacaicho yää ca’dutu o’nä töwäämannäjöödöcoomo que, dama ’cwai töwe’dätäädöcoomo que mmaja.

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

EUJEESIYO 4:24

Eduuwaato weiñä äwwäiñe tödööjai maato, yää Wanaadi nijummadö woije tödööajä naadö. Yääje weiñä nääneja chäänöngato tödöödö que, aashichaato tödöödö que mmaja.

CODOOSENSE 3:10

Yää me’nomjatääne eduuwaato weiñä äwwäiñe tödöödö wetä. Yää eduuwaato weiñä, äwwäiñe naadö, wecoonecaanäje weneene, ñäädä Wanaadi tamoode’nänei’jödö nönge töwä’dödö wa’cä, ñäädä towaanäcä yä’dödö jonaane mmaja.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.