CAADATA 3:24 - Wanaadi A'deddu

²⁴ Yää jenaado’jä waanontänä cönä’jaacä cä’se’täneichomooje, mude’cä’cä edai’chänei töweiye naichöje. Yää cä’se’tätääne Quidiito weejödö wa’cä, Wanaadi jadoncomooje cöwä’dödööcomo wetä yaawä Quidiito ecaanö’a’jäcä cöwwäiñe.

CAADATA 3:24 Iomraidhean Croise

DOMAANO 10:4

Quidiito cönaacoichajoi yää jenaado’jä waanontänä; yääje yeijäcä tameedä Quidiito ecaanö’nei Wanaadi töjaadonooje nödööa.

DOMAANO 9:30

¿Aaquene yaawä, quee ’ja? Ñanno judhíojöncomo Wanaadi jadoonoje töwä’dödööcomo anuuji’cha töwei’jocoomo weichaame cöneejodöicho. Tönwanno cöneejodöicho ecamjödö que.

1 CODINTIYO 4:15

Quidiito jäcä amoojadä miide odhoowanoomannamo eijai yeichaame, tooni mma oomotoncomo na; öwö oomotoncomooje wa Jesuuquidiito jäcäinchädä, äwwäiñe aashichaato wätunnä ecammajäätö’jödö weijäcä öwwä.

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

CAADATA 2:19

Öwö yäämaajä nönge wa eduuwa jenaado’jä waanontänä necammadö tödöödö jäcä; yää tödööjai’cha wa eduuwa. Yää jenaado’jä waanontänä dea mädääje yöödöne, Wanaadi woije weichö wetä eduuwa.

CAADATA 3:25

Quidiito ecamjödö que weiñä cu’nädö wä’dö’jödö weijäcä tujunne’da na eduuwa yää cä’se’täneichomooje cönä’ja’dö.

CODOOSENSE 2:17

Tameedä mädoocomo cönä’jaacä töwe’emö ecaato mma; Quidiitoone na täcaatoqueemöje.