CAADATA 3:17 - Wanaadi A'deddu

¹⁷ Edääje wä’dö’se weichö mädä: Wanaadi cöneecammai aashichaato Aawadán wwä. Yää ’jeje, 430 wedu ’jeje, jenaado’jä waanontänä cönä’tui, yää Moisé nimennä’jödö naadö. Yääje yeijäcä yää jenaado’jä waanontänä töwäädämmatooje tödööjai’cha na Aawadán wwä Wanaadi wääcamma’jödö; Wanaadi necamma’jödö täje’da tödööjai’cha mmaja.

CAADATA 3:17 Iomraidhean Croise

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

DOSECHO 7:6

Edääje mmaja Wanaadi cönä’döa’dea Aawadán wwä: “Adhaatödö naato’de anejjacoomo nonoodö de’cäi, shootoichoomooje. Ñanno soto wwäiñe tönwanno nätä’maminchajaato’de tooni soto soto wedu.

DOMAANO 3:25

Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo.

DOMAANO 3:3

Yääje yeichaame dhantai aneecamjö’da cöneiya’to. ¿Chäänönge Wanaadi weichö ca ninwacaamanto, yääje yeiya’jäcä, aneecamjö’da töweichöcoomo que?

1 CODINTIYO 1:12

Edääje wä’dö’se weichö mädä: Edääje awaadäiñe töwä’döe määnetääne: “Paudo sotoi öwö;” quee; anejja ’quene: “Apoodo sotoi öwö;” quee; dhantai ’chene: “Peedhodo sotoi öwö;” quee; “Quidiito sotoi öwö;” quee daja anejjacoomo.

1 CODINTIYO 1:17

Wautisaaje tödööneije’daane Quidiito yaanontäne, aashichaato wätunnä ecammajä’neijeene; ya’deddu shö’jano’tancädä’da, cuduusa jäcä Quidiito wääma’jödö ecammajäätödö jäduucadö queiñe owwä.

1 CODINTIYO 10:19

“Chäänöngato yää chu’taajä,” quee öucwadööje’da yääje wä’döa, äwanshi chu’taajä wwä u’ajä anejja äwanshi e’jodhe e’tancädä’da mmaja.

1 CODINTIYO 7:29

Edääje wä’dö’se weichö mädä jimmä: Amoinche’da nä’döi chu’nä’taajä. Eduuwa naadö jonno ñanno tö’dha’como eijai ñaato tö’dhemjöncomo nönge;

2 CODINTIYO 1:20

töwö tameedä Wanaadi necamma’jödö tönnöe weneene. Yääje yeijäcä aashicha Wanaadi jäcä cöwa’deuwödaawäiñe “Amén” quee töwä’döe cäänetääne, töwö Jesuuquidiito jäcäinchädä dea.

2 CODINTIYO 9:6

Edääje wä’döa äwwäiñe jimmä, ñäädä äächädämma ñaatö’tänei äächädä mmaja namu’ca’dede; jooje ñaatö’tänei mmaane jooje namu’ca’dede.

CAADATA 3:15

Jimmä, yö’seeno joi wecammajäätö’ñojo eduuwa äwwäiñe, weiñä joi. Soto wääcamma’jödö imennaajä naichö naane’, anejja töwäädämmatooje tödööjai’cha, ye’wä mmaja ecammajai’cha.

CAADATA 3:21

¿Yääje yeiya’jäcä ca jenaado’jä waanontänä Wanaadi necamma’jödö acä ääjuntaca nai? Ng’jn, ääjuntaca’da yeichaame. Weichojo ecammaneije waanontänä ä’tu’jo mmaane yaawääne Wanaadi jadoonoje wä’döjoonä eichö waanontänä tödöödö que.

CAADATA 5:16

Edääje wä’dö’se wa äwwäiñe: Epíiditu Santo woije eichäcä, yaawä ajuunucoomo nijummadö woije ännö’da eijai maato.

CAADATA 5:4

Änwanno jenaado’jä waanontänä tödöödö que Wanaadi jadoncomooje töwei’sha’como, Quidiito jonno töwä’sancwajo maato. Wanaadi nutuudu aashichaato jonno to’nomja maato.

EUJEESIYO 2:12

Yaawä Quidiito jadä’da mä’ja’quene. Töudäje mä’ja’quene, Iisadaaediita jadäiñe’da. Odhoowanääcäiñe’da cönä’ja’dea weichojo, yää Wanaadi necamma’jödö. Edä nono de’wä mä’ja’quene onwomoocödööcomo ’je’da, Wanaadi jadä’da mmaja.

EUJEESIYO 4:17

Yääje yeijäcä edä wecammaadö Cajiichaana woije mänwätuujaato: Änwanno Wanaadi dhowaanojöncomo nönge eijai’cha maato eduuwa, ñanno tötö’tajäätödööcomo chäänöngemjönö woije weneenetoodö.

CODOOSENSE 2:4

Mädääje wä’döa äwwäiñe anejja mma adhencu’toto’no aashichaato wa’cä ta’deddu que.

EEWEDEO 11:13

Tameedä ñanno we’toichodö cönä’jajoicho ecamjödööje dea, Wanaadi necamma’jödö aneene’da töwei’jocoomo weichaame. Ecamjödö ’je töweichomjäcä amoinchenno mma yää Wanaadi necamma’jödö cöneene’ma’to, aashicha cöneeta’to dea. Ta’cwaiñe mmaja cönä’ja’to dea yää jäcäinchädä. Töjaataquemjöncomooje töwääcamma cönä’ja’to, a’dhe edä nono de’wä töweiyaamoje mma.

EEWEDEO 7:18

Mädääje na; jenaado’jä waanontänä täseeca na eduuwa, jäduuje’da yeijäcä, tödööjai’cha yeijäcä mmaja.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.