CAADATA 3:15 - Wanaadi A'deddu

¹⁵ Jimmä, yö’seeno joi wecammajäätö’ñojo eduuwa äwwäiñe, weiñä joi. Soto wääcamma’jödö imennaajä naichö naane’, anejja töwäädämmatooje tödööjai’cha, ye’wä mmaja ecammajai’cha.

CAADATA 3:15 Iomraidhean Croise

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

DOMAANO 1:13

Jimmä, edääje wä’dö’se wa äwwäiñe: Weiñäje adöiñaiñe öötä’se töweiye wä’jaaquennö’je, yaawääne’ eduuwa naadö jona tödööene täjai’cha töweiye wä’jaaquene. Adöiñaiñe öötä’se wäänene adhantawäiñe quedeiyenteje neewaacadö töweiye yei’she weijäcä, aneiñaja quedeiyenteje önnödö töweiye naadöje mmaja.

DOMAANO 3:5

Edääje anejjacoomo soto töwä’döe weneeneto: “Cönwanno conemjönö cönnödööcomo que aashicha Wanaadi weichö queenejaato;” quee. Yääje yeijäcä ¿chäänönge’da ca Wanaadi ñai yää conemjönö jo’tädööje soto tömmamincha yeijäcä?

DOMAANO 6:19

Yö’seeno joi mädääje ya’deuwa, anejjejaato ai etaajai’cha aweijäcäiñe. Jenaadä chäänöngemjönö tödöödö wetä conemjönö wwä töwä’tue mä’ja’quene; mädääje mmaja eduuwa chäänönge weiñä wwä ä’tujai maato, aashichaato tödöödö wetä daja. Mädääje Wanaadi woije jeene eijai maato.

1 CODINTIYO 15:32

Eujeeso ña jooje wätä’maminchajoone, odoocoja’como tääde’cwada’como jadä wotoonejaanä töweiye naichö wa’cä. Yääje yeichaame ¿ane’cotoojo mädä wätä’maminchajoonä eichöde’ töwäämaajo jonno waadoncanä ’je’da yieya’jäcä? Yääje yeiya’jäcä edääje chö’tajä’jai caato: “Jooje cääwashinchajä’täiye, cöwoocödööcomo canemjä’täiye, jenamma mma cä’ja’to’no;” queene chö’tajä’jai caato yaawä, anejjacoomo töwä’döe weneenetoodöje.

CAADATA 6:18

Jimmä, Cädhaajotoncomo Jesuuquidiito nutuudu aashichaato äwwäiñe yei’she wa. Amén.

EEWEDEO 6:13

Aawadán wwä aashichaato ecammadaawä Wanaadi wwä, to’jodhaato ’je’da yeijäcä choojoi tacammaamö, töwö Wanaadi töjoi cheä cönääcammaacä.

EEWEDEO 6:16

Soto wääcammadö töweiye nai to’jodhaato joi. Töwa’deujätöödawäiñe to’jodha’como töne’tä weneeneto, ta’deddu ecamjödö wetä töweichacoono wwä.

EEWEDEO 9:17

Nudä dea yeichö mmaane yää immennä’jödö ä’döjai’cha na, yääma’jäcä jeene.