CAADATA 2:9 - Wanaadi A'deddu

⁹ Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

CAADATA 2:9 Iomraidhean Croise

MATEO 16:18

Äwwä yääje wä’döa, Peedhodo amäädä, “täju”, quee töwä’döse yeichö. Amäädä anöngato dea sootoije wödööaato’de, täju de’wä maa amäädö töweiye naichöje. Wäämanä wwä oto’jodheinchajo’da naato’de tönwanno.

DUUCA 22:8

Yaawä Jesuuquidiito cönaanontoicho Peedhodo, Juan mmaja; cönä’döaacä chäwwäiñe: —Ojoncomo; Weja’dätä’jä anootoi’chädö awä cöwääwashinchoto’como choonecaatantäcä; quee cönä’döaacä.

JUAN 1:42

Yää ’jeje töwö Antedé tudui cönaadäi yaawä Jesuuquidiito döiña. Jesuuquidiito wwä Peedhodo eneea’jäcä töwö cönä’döaacä chäwwä: —Simón amäädä, Joná nnedö. Peedhodoojeene adheetö na eduuwa; quee cönä’döaacä Jesuuquidiito. Täju, quee töwä’dö’se yeichö mädä Peedhodo.

DOSECHO 12:17

Töwö Peedhodo tamäädö eneejojäätödö que cöneeta’jöichajoicho; yaawä chäwwäiñe cöneecammajäätöi Cajiichaana wwä jedeeso ewöötö’tädö tacanno tu’ca’jödö. Töwö cönä’döaacä chäwwäiñe: —Ecammajä’täcä’de Jacoowo wwä, anejjacoomo quedeiyente wwäiñe mmaja; quee cönä’döaacä. Cöneeja’cai yaawä aneiñaja töötädö wetä.

DOSECHO 15:13

Yaawä yä’ca’comjäcä Jacoowo cönä’döaacä: —Ya’deddu etaatäcä jimmä.

DOSECHO 15:7

Yaawä jooje töwäätäccujäätödööcomo’jo Peedhodo cönammöi dhantawäiñe; cönä’döaacä: —Jimmä, änwanno odhoowanääcäiñe adhantawonnoiñe Wanaadi wwä ye’tä’jödö judhíojöncomo wwä aashichaato wätunnä ecammajä’neije, ecamjödö wetä chäwwäiñe.

DOSECHO 4:36

Ñanno quedeiyentecoomo antawäiñe cönä’jaacä dhanwa, José täätö; dewiitaje ñäädä cönä’jaacä, Chiipede antadö ña yennu’jödö. Waanaweeje cöne’ta’to ñanno anonta’como. Ya’dänei, quee töwä’dö’se yeichö.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

DOMAANO 15:15

Yääje yeichaame tösaade’da mädä jäcä wimennäi äwwadäädäiñe, chö’taqueejö’da aweichöcoomo wetä. Mädääje mänwätuujaato Wanaadi nanontädö woije, yää aashicha töweichö woije taadawaajuije inchudu naadö.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

2 CODINTIYO 11:5

Ñanno anonta’comooje tönwacööma määnetäänedö o’näiñe’da wa öwö.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 8:4

Tönwanno jooje cönäätä’catoicho ñaa wwä quedeiyentecoomo i’wa’tädööcomo jäcä.

CAADATA 1:16

Wanaadi Tönnedö cöneenejoi öwwä, judhíojöncomo wwä aashichaato wätunnä ecammajä’neije weichö wetä. Yää ’jeje yää jäcä soto aneecamma’jojäätö’da weiyaqueene.

CAADATA 1:18

Aaduwaawä weduuto ai jeene Jeduusadén ña wötääne, Peedhodo ene. Chääjadä wä’jaaquene juujatonnä anooto.

CAADATA 2:1

Amoojadooto de’wä aacäichea wedu yä’döa’jäcä Jeduusadén ña wötääne dea yaawä, Waanawé jadä; Tiito mmaja wadääne dea.

CAADATA 2:2

Wanaadi nanontädö woije wötääne. Yäätä Jeduusadén ña täneejuca’como jadäiñe ñaa cöne’jummai töudäje. Chäwwäiñe wecammajä’ne yaawä aashichaato wätunnä, yää judhíojöncomo wwä töneecammajä’e wääneneedö. Yää chäwwäiñe wecammajä’ne töwäädämmatooje taadawaajui ei’ño, taadawaajui’jödö mmaja, quee öucwadööje.

CAADATA 6:3

Ñäädä o’jodhaato tö’tajäätödö, o’jodhe’da töweichaame, töwö dea nätäncu’ta.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

CODOOSENSE 1:29

Mädä jäcäinchädä jooje töweetadaawa’cajo wäänene; töwä’jädu’tä wäänene tameedä jäädudu Quidiito nutuudu que.

1 TIIMOTEO 3:15

numa tä’da weiya’jäcä odhoowanääcä yeichö wetä Wanaadi sotoije weiñä, yää Wanaadi nudooto ecaanö’neije weiñä. Yää Wanaadi sotoije weiñä chäänöngato a’deu a’täije na, chä’sejöije mmaja.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

APOOCADIISI 3:12

Ñäädä e’jodheinchanei’jödö yeichöje wijaata’täja’de Waanadiiyö jadä, Wanaadi weichojo mu’dudui ääseca’da töweiye naichöje. Waanadiiyö eetö wimenna’de chääjäcä, Waanadiiyö jataadö eetö mmaja, yää Jeduusadén ñano eduuwaato, Waanadiiyö jonnoto caju ñanno töwä’täämö. Öwö yeetö eduuwaato mmaja chääjäcä wimenna’dede.