CAADATA 2:21 - Wanaadi A'deddu

²¹ Aashicha Wanaadi weichö töwäädämmatooje tödö’se’da wa. Jenaado’jä waanontänä tödöödö que wääwanaacanä yeiya’jäcä töwäädämma Quidiito wääma’jödö eichö.

CAADATA 2:21 Iomraidhean Croise

MAADOCO 7:9

Edääje Jesuuquidiito cönä’döa’dea chäwwäiñe: —Chäänönge jaiño mädääje maatoode, äwäätunnäichomo tödöödö wetä Wanaadi waanontädö me’nomjaatoodö.

DOMAANO 10:3

Tönwanno dhowaanäcäiñe’da na Wanaadi wwä töjaadonooje soto tödöötojo. Tönwanno Wanaadi necammadö woije chääjadoonoje töwä’dö’seiñe’da naato; tumjummadööcomo woije mma Wanaadi jadoonoje töwä’dö’seiñe naato.

DOMAANO 11:6

Aashicha Wanaadi weichö jäcäinchädä mädääje na, tödöödö jäcäinchädä’da. Tödöödö jäcäinchädä ei’jo mmaane aashicha Wanaadi weichö woijatooje ätä’täjai’cha eichö.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 8:31

¿Aaquene yaawä, quee ’ja? Wanaadi cöjaadäiñe yeiya’jäcä ¿änääcö cutu’de’tätäädö deeade’ ?

1 CODINTIYO 15:14

Quidiito aadonca’da yeiya’jäcä töwäädämma Wanaadi a’deddu töneecammajä’e ñaa weneene, töwäädämma mmaja aneecamjödööcomo na.

1 CODINTIYO 15:17

Quidiito aadonca’da yeiya’jäcä töwäädämma mecaanö’ato; ocoone’nadiiyöcoomo ’je dea maato.

1 CODINTIYO 15:2

Yää que mmaja töwääwanaaca maato, yäätäädä äwwäiñe tödööa’jäcä, iiña mmädä’da aneecamjödööcomo weiya’jäcä mmaja.

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

CAADATA 2:18

Yää jenaado’jä e’nomjadö’jo, yää ’jeje dhai mmaja tödööa’jäcä öwwä, öwööne chäänönge’da wa.

CAADATA 3:21

¿Yääje yeiya’jäcä ca jenaado’jä waanontänä Wanaadi necamma’jödö acä ääjuntaca nai? Ng’jn, ääjuntaca’da yeichaame. Weichojo ecammaneije waanontänä ä’tu’jo mmaane yaawääne Wanaadi jadoonoje wä’döjoonä eichö waanontänä tödöödö que.

EEWEDEO 7:11

Waanontänä imennaajä cönä’tui iisadaaediita wwäiñe ñanno dewiitacoomo Wanaadi wwä töwa’deuwaamoje yeichawäiñe, ñanno Aadón atöödö. Yääje yeichaame ñanno dewiitacoomo chäänönge tödööjaiñe’da cönä’ja’to ñanno soto, yää waanontänä tödönnamo. Yääje yeijäcä anejjejaato Wanaadi wwono wa’deuwödö tujunne cönä’jaacä, Aadón cönä’ja’döje’daane, Mequiisedeeque cönä’ja’döjeene.