CAADATA 2:20 - Wanaadi A'deddu

²⁰ Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

CAADATA 2:20 Iomraidhean Croise

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MATEO 4:3

Yaawä chäwwadäädä cöneejä odo’sha, yuunaca; cönä’döaacä chäwwä: —Wanaadi nnedö neeneje aweiya’jäcä, uuje amoode’näcä edä täju; que cönä’döaacä odo’sha.

JUAN 1:49

Yaawä Nataanaeede cönä’döaacä: —Owaanomaanei, Wanaadi nnedö amäädä. Ñäädä amäädä iisadaaediitacoomo Cajiichaanaichomo; quee cönä’döaacä.

JUAN 10:11

Öwö ñäädä oweeja edai’chäneichomo aashichaato. Edai’chänei aashichaato töweichö nu’a oweeja jäcäinchädäiñe.

JUAN 15:13

Töweichacoono junnei wäämanä yää yää wä’jummanä chäänöngato; anejja ’je’da na yää nöngato wä’jummanä e’jodhaato.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 3:35

Yuumö wwä Tönnedö tujunne na; töwö cönnöi tameedä cajiichaanaje.

JUAN 6:57

Ñäädä yaanontänei’jödö wwä töweiye na do’ta; öwö töweiye wäänene töwö inchudu que. Yääje mmaja ñäädä öwö jääcuinchato, öwö untudu que yeichojo na’de.

JUAN 6:69

Ñaa maneecanö’a; ñaa owaanäcä na Äwaanacaaneije aweichö, Wanaadi nudooto nnedööje aweichö; quee cönä’döaacä Simón Peedhodo Jesuuquidiito wwä.

DOSECHO 8:36

Yaawä töwwäiñe tuna ija’dätäädawä ñäädä Eetiyoopía ñano cönä’döaacä Jediipe wwä: —Edä na tuna; ¿aaquene eduuwa wautisaaje wä’döja’jäcä? quee cönä’döaacä.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

DOMAANO 1:17

Yää aashichaato wätunnä necamma ecamjödö jäcäinchädä mma Wanaadi töjaadonooje cödöötäiñe yeichö, anejja jäcäinchädä’da. Edääje Wanaadi a’deddu imennaajä jäcä nä’döa: “Ñäädä Wanaadi jadoono töneecamjödö jäcäinchädä töweichö neneea’de;” quee.

DOMAANO 14:7

Cönwanno cöqueiñe mma’da cöweichöcoomo na, cöqueiñe mma’da mmaja cöwäämadööcomo na dea.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 5:2

Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

DOMAANO 5:6

Cönwanno cöwwäädäiñe dea ääwanaacajai’cha cöweichöcoomo Quidiito tucu’nädö awä cönäämai cöjääcäinchädäiñe, cönwanno conemjöncomo jäcäinchädä.

DOMAANO 5:8

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 6:8

Quidiito jadä cöwääma’jocoomo weijäcä cowaanäcäiñe na chääjadä nudä cöweicho’como.

DOMAANO 8:10

Quidiito ataacaiñe yeiya’jäcä aweichöcoomo töweiye na, Wanaadi jadoonoje aweijäcäiñe, adheejöcoomo töwäämaamöje yeichaame conemjönö jäcäinchädä.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

1 CODINTIYO 6:17

Ñäädä Cajiichaana Jesuuquidiito jadoono woojodöödö mmaane tooni chö’tajäätödööcomo na yaawä Jesuuquidiito acä.

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

2 CODINTIYO 10:3

Edä nono de’wä ñaa weichaame edä nono de’woncomo nönge’da ñaa newäänä’ta.

2 CODINTIYO 11:10

Quidiito a’deddu chäänöngato öwwä naadö wa’cä mmaja chäänönge yääje wä’döa, mädä chääjäcä wä’wa’deme’caadö ijo’quejö’da na’de tameedä Acaaya weichö wa’cäädä.

2 CODINTIYO 13:3

Yaawä Quidiito woije töwa’deuwe weichö odhoowanääcäiñe na’de, eduuwa aneecamjö’da aweichaameiñe. Ñäädä Quidiito jäduuje’da’da weneene adhantawäiñe, jäduujeene.

2 CODINTIYO 13:5

Änwanno deaane ä’mencatääcä chäänönge aneecamjödööcomo weichö jäcä. Äwwäädäiñe äänetääcä. ¿Odhoowanääcäiñe’da ca’ nai Jesuuquidiito ataacaiñe yeichö, quedeiyente neeneje aweiya’comjäcä?

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

2 CODINTIYO 5:15

Quidiito cönäämai tameedä soto jäcäinchädäiñe ñanno nudä naatoodö töwwoncomooje mma’da nudä yeichöcoomo wetä yaawä, ñäädä töjääcäinchädäiñe cönäämaichö wwonoojeene, töjääcäinchädäiñe cönaadoncaichö mmaja.

2 CODINTIYO 5:7

Cönwanno ecamjödö que caato, eneedö que’daane.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

CAADATA 3:11

Owaanäcä na jenaado’jä waanontänä tödöödö jäcäinchädä Wanaadi jadoonoje soto ä’döjai’cha yeichö. Edääje Wanaadi a’deddu imennaajä nä’döa: “Ñäädä Wanaadi jadoono töneecamjödö jäcäinchädä töweichö neneea’de;” quee.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

CAADATA 6:14

Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 5:25

Ñäädä tö’dhato töjiiñamo ijummajai ña, Quidiito quedeiyentecoomo cumjummaichodööje mmaja, chääjäcäinchädäiñe töwä’tudu jonaane.

JIDIIPENSE 1:21

Öwö öwwä Quidiito weichojooje na, wäämadö mmaane öwwä chaana’cadööje eijai ña.

JIDIIPENSE 4:13

Tameedä tödööjai wa ñäädä jäädu’tänei Quidiito ni’wa’tädö que.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

1 TEESADOONISENSE 1:10

Tönwanno dea töneecammajä’e weneeneto caju ñanno Jesuuquidiito weejödö womoocödööje aweichöcoomo, ñäädä Wanaadi nnedö, yäämaajo jonno Wanaadi cönaadoncaichö. Ñäädä Jesuuquidiito Cäwaanacaaneichomooje na conemjönö ne’a’dedö jonno.

1 TEESADOONISENSE 5:10

Ñäädä Jesuuquidiito cönäämai cöjääcäinchädäiñe, chääjadä cöweichöcoomo wetä. Nudä cöweiya’comjäcä chääjadä caato; cöwääma’comjäcä chääjadä dea.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 8:3

Ñäädä Wanaadi wwono wa’deuwödö ewaacadö nai Wanaadi wwä u’ajä ecammaneije, saaquidiijiisiyo tödööneije mmaja. Yääje yeijäcä Jesuuquidiito wwä töweiye mmaja eijai ña dea tu’emö.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 3:20

Eneecä’ma, eetä wa öwö mönaatajo, adha’dejjadööje. Ya’deddu eta’jäcä anejja wwä, öwwä a’duca’jäcä, yoomonga’de; chääjadä wääwashincha’de; töwö mmaja jaadä nääwashincha’dede.