CAADATA 2:2 - Wanaadi A'deddu

² Wanaadi nanontädö woije wötääne. Yäätä Jeduusadén ña täneejuca’como jadäiñe ñaa cöne’jummai töudäje. Chäwwäiñe wecammajä’ne yaawä aashichaato wätunnä, yää judhíojöncomo wwä töneecammajä’e wääneneedö. Yää chäwwäiñe wecammajä’ne töwäädämmatooje taadawaajui ei’ño, taadawaajui’jödö mmaja, quee öucwadööje.

CAADATA 2:2 Iomraidhean Croise

MATEO 10:16

“Öwö manaanontaato eduuwa. Änwanno maato’de oweeja mado antawäiñe eijai ñaatoodöje. Yääje yeijäcä odhoowadäädäiñe eichäcä’de, äcääyu töweiye naichöje, tääde’cwade’daane, jaduuma weichö nöngeene.

DOSECHO 15:12

Yaawä tameedä ñanno cöneeta’jöjäätöicho; cöneeta’to yaawä Waanawé wwä ecammajäätödö Wanaadi nödö’jödö aashichaato töjääcäiñe; Paudo wwä ecammajäätödö cöneeta’to dea. Ñanno Paudo, Waanawé cöneecammajäätöicho Wanaadi wwä ene’ju’tojo tödööjo’jödö töwwäiñe judhíojöncomo neneedöcoomoje.

DOSECHO 15:2

Yaawä Paudo, Waanawé mmaja, jooje cönäätäccujä’a’to ñanno jadäiñe. Yää ’jeje Paudo Jeduusadén ña cönootonno’jajoi Waanawé jadä, anejjacoomo quedeiyente jadäiñe mmaja. Anonta’como Jeduusadén ñancomo ecamma’joiñe cönta’to, ansiyaanocoomo mmaja, ñanno iiñancomo quedeiyentecoomo e’se’tännamo.

DOSECHO 15:4

Yaawä Jeduusadén ña Paudo wä’döa’comjäcä aashicha quedeiyentecoomo cöna’dejjaicho, anonta’como mmaja, ansiyaano mmaja. Yaawä Paudo cöneecammajä’a’to tameedä Wanaadi nödö’jödö töjääcäiñe.

DOSECHO 18:9

Yaawä Paudo wäneetödö ai Cajiichaana cönä’döaacä chäwwä: —Tösaade’da eichä; ecammajäätödööje dea eichä’de, mane’nomjai’che.

DOSECHO 23:11

Yää ’jejaato coijaichawä Cajiichaana Jesuuquidiito cönäänejoi Paudo wwä; cönä’döaacä chäwwä: —Cone’da’da eichä Paudo. Ya’deddu mecammajä’a’de Dooma ña, eetä Jeduusadén ña mecammajä’nedööje mmaja; quee cönä’döaacä.

DOSECHO 5:34

Yaawä äcamma’jonnamo antawäiñe cönä’jaacä jaadiseeo, Camaadiyeede täätö. Töwaanojo’ne töwö cönä’jaacä jenaado’jä waanontänä owaanomaadö jäcä. Tameedä soto tönoiñe töneene cönä’ja’to. Ñäädä Camaadiyeede cönammöi yaawä; anonta’como jödo’na cömja’canö’joicho a’dhe.

DOMAANO 9:16

Mädääje na. Töwoije mma’daane wääwanaacanä töweiye nai, wä’jädu’tänä que’da mmaja, Wanaadi wentumje äneetä yeichö woijeene.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 2:2

Ajaadäiñe weichö anejja jäcä tö’tajäätö’se’da wä’jaaquene, Jesuuquidiito jäcä mmaane, cuduusa jäcä yääma’jödö jäcä mmaja.

1 CODINTIYO 9:24

¿Yääje jönca töweiye nai wotoonejaanawä, tooni mma chaana’caneije, wanna yeichaameiñe töwootoneejaamo? Yääje yeijäcä chäänönge otoonejaatäcä, adheeje’jocoomo michaana’catäiye yaawä.

1 CODINTIYO 9:26

Mädääje töwootoneeja wäänene öwö, iiña mmädä’da; wataiju’jä’nawä iiña mmädä waajämaanä töweiye naichöje’da mmaja wäänene dea.

2 CODINTIYO 12:1

Dötä’da yeichaame mädääje wä’wa’deme’ca. Eduuwa äwwäiñe wecammajäätö’ñojo Cajiichaana Jesuuquidiito niyääne’cajo’jödö jäcä, öwwä ñeenejo’jödö jäcä mmaja.

CAADATA 1:12

Soto wwä’da wetaane, owaanomaajäje’da mmaja; Jesuuquidiitoone yoowanoomane.

CAADATA 1:16

Wanaadi Tönnedö cöneenejoi öwwä, judhíojöncomo wwä aashichaato wätunnä ecammajä’neije weichö wetä. Yää ’jeje yää jäcä soto aneecamma’jojäätö’da weiyaqueene.

CAADATA 1:6

Öwö jooje cone’da wa numa’da äwwäiñe Wanaadi e’nomjadö weijäcä, ñäädä Jesuuquidiito nutuudu aashichaato que adha’dejjaneichomo’jödö. Anejja wätunnä jäcä daja määsecaato eduuwa.

CAADATA 2:6

Ñanno täneejuca’comooje cönä’ja’todö tönnöe wääneneedö de’wä anejjeja ännöjo’da cöneiya’to öwwä. Täneejuca’comooje yeichöcoomo yöödö’da cönä’jaacä; yäänedö jäcä’da Wanaadi nemmencadö.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

CAADATA 5:7

Änwanno chäänönge maajäntätäänedö’je, ¿änääcö adheemu’dojootäne chäänöngato woije’da aweichöcoomo wetä?

JIDIIPENSE 2:16

weichojo a’deu ecammajä’ancädä. Mädääje aweiya’comjäcä äjääcäinchädäiñe ta’cwaiñe eijai wa yaawä Quidiito we’a’jäcä, töwäädämma’da töwäämannä’e wei’jödö weijäcä, töwäädämma’da taadawaajui’jödö weijäcä mmaja.

JIDIIPENSE 2:29

Yääje yeijäcä Jesuuquidiito jäcäinchädä aashicha tödöötäcä’de mä’dä Epaujodiito, adha’cwaniiyöcoomo que. Määdhä nöngato ijummatääcä.

1 TEESADOONISENSE 3:5

Yääje yeijäcä ä’shinchä’da yaanonö wanontäne adöiñaiñe, yoowanääcä yeichö wetä aneecamjödööcomo jäcä yeichö. Edääje tö’tajä’ne: Odo’sha wwä töwäätäncu’tojo mma eiñoto, töwäädämma ñaa tadaawaajui’jödö ei’ño yaawä; quee tö’tajä’ne äjääcäiñe.

2 TIIMOTEO 4:7

Chäänönge yeewänä’täne; yeemadö jonno shaadijaamö’da wa; chäänönge neecamjödö wödööne.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.