CAADATA 2:1 - Wanaadi A'deddu

¹ Amoojadooto de’wä aacäichea wedu yä’döa’jäcä Jeduusadén ña wötääne dea yaawä, Waanawé jadä; Tiito mmaja wadääne dea.

CAADATA 2:1 Iomraidhean Croise

DOSECHO 11:25

Yää ’jeje Waanawé cöntämä Taadoso ña, Saudo ujiiye. Yaawä edanta’jäcä Antiyooquía ña cönaadäi.

DOSECHO 11:30

Yää töni’jumma’jocoomo ansiyaano Judheea ñancomo wwadäädä cönaadojoicho yaawä Waanawé wwä, Saudo wwä mmaja.

DOSECHO 12:25

Yaawä töwwäiñe tödööemö jäcä töwä’ca’comjäcä ñanno Waanawé, Saudo mmaja, cöntonto dea Jeduusadén ñanno; töjaadäiñe Juan cönaadoicho, ñäädä Maadocooje mmaja chäätö cönä’ja’dö.

DOSECHO 13:2

Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 14:12

Tönwanno Juupiteedoje Waanawé cöne’ta’to yaawä, Paudo ’quene Mecuudiyuuje, töwö ecammajä’neije yeijäcä. Ñanno Juupiteedo, Mecuudiya mmaja Diitada ñancomo töne’tä cönä’ja’to töwaanadiiyöcoomoje.

DOSECHO 15:25

Yääje yeijäcä tameedä ñaa ne’jummai eetä, mädä jäcä töwa’deuwödö wetä. Aashicha cöntö’taacä ñaa wwä anejjacoomo töjimmä adöiñaiñe enno’jadööcomo, adheeneiñe. Ñaa nanontaato Paudo, Waanawé jadäiñe, ñanno ñaa nijummadö.

1 CODINTIYO 9:6

¿Ñaa mma ca mädääje ñaa nai Waanawé acä, etaadawa’cajo’da eijai’cha aashichaato wätunnä ecammajä’taame ñaa wwä?

2 CODINTIYO 2:13

yaawääne’ täncanoode’da chö’tajä’jai’cha wä’jaaquene, yäätä weichacoono Tiito aneejodö’da wei’jödö weijäcä. Yääje yeijäcä wääcammane yaawä ñanno Todoowa ñancomo wwä; Maasedooniya ña wötääne yaawä.

2 CODINTIYO 8:16

Wanaadi cuntui Tiito wwä ajummato’como, öwö mämjummaatoodö wa’cä dea. Yääje yeijäcä Wanaadi jäcä ta’cwaiñe wäänene.

2 CODINTIYO 8:23

Anejjacoomo wwä adheecamma’ja’comjäcä, öwö weichacoonoje Tiito weichö ecammatääcä’de, äjääcäiñe weetadaawa’cajoodö jäcä ö’wa’täneije. Tiito jadä nötaatoodö jäcä adheecamma’ja’comjäcä jeiñe mma, quedeiyentecoomo nanontädööje yeichöcoomo ecammatääcä’de. Tönwanno aashicha Quidiito weichö neneejaato.

CAADATA 1:18

Aaduwaawä weduuto ai jeene Jeduusadén ña wötääne, Peedhodo ene. Chääjadä wä’jaaquene juujatonnä anooto.

CAADATA 2:13

Yaawä, Peedhodo eneedö’jo, anejjacoomo quedeiyentecoomo judhíocoomo yääje mmaja cönäätäncu’toicho dea. Waanawé jadä’jödöödä cönäätäncu’täi chea chääjadäiñe.

CAADATA 2:3

Ñäädä Tiito, jaadä cönä’ja’nei, siicunsidaadoje ännöjo’da cöneiya’to, judhíoje’da yeichaame töwö.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

CODOOSENSE 4:10

Aaditaaducu, ñäädä yaacä jedeesoje naadö, ta’deujödö nadääja äwwadäädäiñe; Maadoco mmaja, ñäädä Waanawé weichacoono, ta’deujödö nadääja dea. Jenaadä manaanontätääne ñäädä Maadoco tödöötojo jäcä; adöiñaiñe iicha’jäcä aashicha tödöötäcä’de.

TIITO 1:4

Äwwadäädä wimenna, amäädä Tiito. Önnedö chäänöngato amäädä, cöneecamjödööcomo jäcäinchädä. Aashichaato äwwä yei’she wa Cumöötoncomo Wanaadi nutuudu, Cajiichaana Jesuuquidiito nutuudu mmaja, ñäädä Cäwaanacaaneichomo; wentumje mmaja adheene’se wa chäwwäiñe; täncanoode’da aweichojo äwwä yei’she wa dea.