CAADATA 1:6 - Wanaadi A'deddu

⁶ Öwö jooje cone’da wa numa’da äwwäiñe Wanaadi e’nomjadö weijäcä, ñäädä Jesuuquidiito nutuudu aashichaato que adha’dejjaneichomo’jödö. Anejja wätunnä jäcä daja määsecaato eduuwa.

CAADATA 1:6 Iomraidhean Croise

MAADOCO 6:6

Töwö cone’da cönä’jaacä aneecamjö’da soto weichomjäcä. Yaawä töwö cönäämannä’acä jata amoinchemjönö waadäi, soto owaanomancädäiñe.

JUAN 9:30

Yaawä ñäädä tänuuquemjönö’jödö cönä’döaacä chäwwäiñe: —¿Aaqueneeto mädä? Änwanno odhoowanääcäiñe’da töwö yeichaame yeenudu nichoonecai töwö.

DOSECHO 15:11

Cönwanno cowaanäcäiñe na Cajiichaana Jesuuquidiito nutuudu aashichaato que mma töwääwanaaca cöweichöcoomo, tönwanno chäänöngeiñe mmaja; quee cönä’döaacä Peedhodo chäwwäiñe.

DOMAANO 10:3

Tönwanno dhowaanäcäiñe’da na Wanaadi wwä töjaadonooje soto tödöötojo. Tönwanno Wanaadi necammadö woije chääjadoonoje töwä’dö’seiñe’da naato; tumjummadööcomo woije mma Wanaadi jadoonoje töwä’dö’seiñe naato.

DOMAANO 5:2

Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

DOMAANO 8:28

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

DOMAANO 8:30

Ñanno töne’tä’jödö Wanaadi cöna’dejjaicho dea; töna’dejja’jödö töjaadonooje cönnöicho; töjaadonooje tönnö’jödö aashicha töweiyaamoje mmaja cönnöicho dea.

1 CODINTIYO 4:15

Quidiito jäcä amoojadä miide odhoowanoomannamo eijai yeichaame, tooni mma oomotoncomo na; öwö oomotoncomooje wa Jesuuquidiito jäcäinchädä, äwwäiñe aashichaato wätunnä ecammajäätö’jödö weijäcä öwwä.

2 CODINTIYO 11:4

Anejja adöiñaiñe iicha’jäcä aashicha mma ñeecammajäätödö töneetajä’e määnetääne, anejjeja Jesuuquidiito weichö töneecammajä’e yeichaameiñe, ñaa necammajäätödö nönge’da. Aashicha mmaja töneetajä’e määnetääne dea anejja woowanoomanä, anejja wätunnä mmaja, awa’de metaatäneedö nöngemjönö.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

CAADATA 1:11

Edääje yeichö odhoowanääcäiñe yei’she wa, jimmä: Mädä aashichaato wätunnä töneecammajä’e wääneneedö soto nejoodödööjönö.

CAADATA 1:15

Yääje yeichaame wennudu owaajodä dea Wanaadi ye’täne; aashicha töweichö woije töwö ya’dejjane. Yaawä, tumjummadö woije

CAADATA 1:7

A’que yeichaame anejja wätunnä chäänöngato; anejjacoomoone adhaaquiimaato, Quidiito wätunnäi aashichaato inwacaama’se naato.

CAADATA 2:14

Öwö öwwä eneea’jäcä aashichaato wätunnä wä’dödö nönge’da chäwwäiñe tödöödö, öwö ya’deune yaawä Peedhodo wwä tameedä quedeiyentecoomo we’jumma’como netaadöcoomoje. Edääje wä’döaaquene chäwwä: “Amäädä judhíoje aweichaame judhío weichö ännö’da määnene; judhíojöönö nönge mma määnene. Yääje yeichaame, ¿ane’que’nei canno judhíojöncomo wwä tödööjo’se manä judhío weichö?” quee wä’döaaquene Peedhodo wwä.

CAADATA 2:2

Wanaadi nanontädö woije wötääne. Yäätä Jeduusadén ña täneejuca’como jadäiñe ñaa cöne’jummai töudäje. Chäwwäiñe wecammajä’ne yaawä aashichaato wätunnä, yää judhíojöncomo wwä töneecammajä’e wääneneedö. Yää chäwwäiñe wecammajä’ne töwäädämmatooje taadawaajui ei’ño, taadawaajui’jödö mmaja, quee öucwadööje.

CAADATA 2:5

Ñanno woijeiñe she’caasa ei’cha ñaa cöneiyacä, äjääcäinchädäiñe chäänöngeedä yeichö wetä aashichaato wätunnä.

CAADATA 2:7

Ñanno täneejuca’como cöntö’tammecöicho Wanaadi woije taadawaajui ecammaajäje yeichö judhíojöncomo owaanomaadöcoomo jäcä, Peedhodo wwä ecammaajä naadöje mmaja judhío owaanomaadöcoomo jäcä daja.

CAADATA 5:14

“Aweichacoono ijummacä amäädä äwä’jummadö nönge dea;” quee nä’döa imennaajä. Mädä waanontänä tödöödö que tameedä anejja waanontänä mödööato dea.

CAADATA 5:4

Änwanno jenaado’jä waanontänä tödöödö que Wanaadi jadoncomooje töwei’sha’como, Quidiito jonno töwä’sancwajo maato. Wanaadi nutuudu aashichaato jonno to’nomja maato.

2 TEESADOONISENSE 2:14

Mädääjatooje töwö Wanaadi adha’dejjatääne, aashichaato wätunnä ñaa necammajäätö’jödö que, aashicha Cädhaajotoncomo Jesuuquidiito weichö ejoodödö wetä äwwäiñe.

1 TIIMOTEO 1:14

Mädääje Cädhaajotoncomo joojato aashichaato cönnöi jääcä; ecamjödö mmaja öwwä cuntui chea, wä’jummanä mmaja, yää Jesuuquidiito jadä cöweichomjäcä cöwwäiñe yä’tuaajä naadö.

1 TIIMOTEO 1:3

Maasedooniya ña wötäänedaawä äwwä wä’döaaquennöje dea wä’döa eduuwa; Eujeeso ña dea eichä’de, anejjacoomo miyäätuujaiyeto chäänöngemjönö wätunnä jäcä onoowanooma’da yeichöcoomo wetä,

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 2:1

Amäädä önnedö, ä’jädu’täcä yää aashichaato Jesuuquidiito jadä cöweichomjäcä cöwwäiñe naadö que.

1 PEEDHODO 1:15

Ñäädä adha’dejjaneichomo’jödö aashicha yeijäcä änwanno mmaja aashicha eichäcä, tameedä aweichöcoomo jäcä.

2 PEEDHODO 1:3

Töwö Wanaadi töjäädudu que cöwwäiñe cuntui tameedä aashicha cöweicho’comooje tujunnato, tameedä töwoije cöweicho’comooje mmaja. Töwö mädä cönnöi ca’dejjaneichomo’jödö cöwwäiñe ecaademeecödö que, ñäädä aashicha töweichö woije ca’dejjatäänedö, jäduuje töweichö woije mmaja.

APOOCADIISI 22:21

Cädhaajotoncomo Jesuuquidiito aashichaato nutuudu äwwäiñe yei’she wa. Amén.