CAADATA 1:4 - Wanaadi A'deddu

⁴ Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

CAADATA 1:4 Iomraidhean Croise

MATEO 13:22

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää, ñanno edä nono de’wono ijummannamo, mösooma ijummadö ca’como wätäncu’tojoodöcoomo. Tameedä yää Wanaadi a’deddu na’dua, aashicha ejaamö’da yeichö wetä.

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MATEO 26:28

Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö, choone’nadiiyöcoomo choccatoojoje.

MATEO 26:42

Töwö cöntännea yaawä; Wanaadi wwä cöna’deuwöi chea; cönä’döaacä: —Jaaja, mädä äiñetunca’da eijai’cha weiya’jäcä, amäädä ätö’tajäätödö woije wei’ñojo; quee cönä’döaacä.

MATEO 6:9

Edääjeene Wanaadi wwä adha’deutäcä’de: Jaaja caju ñano, Töwaanadiiyöcoomoje adhe’tä’ña’to soto;

MAADOCO 10:45

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto ewaanacaato’comooje; quee cönä’döaacä Jesuuquidiito.

DUUCA 22:19

Uu daja cönannäjöi chea yaawä. Chääjäcä töwa’deuwö’jeje, cöni’yajäätöi. Chäwwäiñe cuntui yaawä; cönä’döaacä: —Edä yää yeejö, äjääcäinchädäiñe tu’emö. Edääje tödöötäcä’de jääcä ätö’tato’comooje; quee.

DUUCA 22:42

cönä’döaacä: —Jaaja, mädä jääcä töweeja’dä’emö naadö öwwä yeetuncajo’se’da aweiya’jäcä mäiñetuncajoi’che. Yaawääne’ amäädä owoije tödööcä, öwö umjummadö woije’daane; quee cönä’döaacä.

JUAN 10:11

Öwö ñäädä oweeja edai’chäneichomo aashichaato. Edai’chänei aashichaato töweichö nu’a oweeja jäcäinchädäiñe.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

JUAN 5:30

“Öwö jäädudu que mma tödööjai’cha wa. Wanaadi wwä yaanontädö woije tönemmenca öwö. Chäänönge öwö nemmencadö. Öwö woije mma ännö’da wa, ñäädä Jaaja, yaanontänei’jödö woijeene.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 8:27

Ñäädä Wanaadi tameedä tö’tajä’nä dhowaanäcä na; töwö dhowaanäcä na Epíiditu Santo wa’deuwödö töwwä, ñäädä Epíiditu Santo Wanaadi woije dea töwa’deuwe yeijäcä shootoi jäcäiñe.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

1 CODINTIYO 15:3

Awa’deene wecammajä’ne äwwäiñe öwö öwwono wä’tu’jödö mmaja. Öwö monoowanoomatääne cöcoone’nadiiyöcoomo jäcäinchädä Quidiito wääma’jödö jäcä, Wanaadi a’deddu imennaajä wä’dödö nönge dea.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

CAADATA 6:14

Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.

EUJEESIYO 1:11

Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

EUJEESIYO 5:16

Anooto mma mämmacuudatäi’che, weiñä conemjönö acaane cöweiya’como.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 6:12

Cönwanno quewäänä’taato soto jadäiñe’da, äänejöncomo jadäiñeene, ñanno caju ñancomo odo’shancomo, ñanno jäduuja’como, edä nono tööjato edhaamo.

JIDIIPENSE 4:20

Cumöötoncomo Wanaadi aashicha wa’deutojooje na yeichöödäje. Amén.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TEESADOONISENSE 3:11

Cumöötoncomo Wanaadi, Cädhaajotoncomo Jesuuquidiito mmaja, towaanäcäiñe ñaa enno’jaato’de adöiñaiñe.

1 TEESADOONISENSE 3:13

Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

1 TIIMOTEO 2:6

Töwö Jesuuquidiito cönä’tui töwäämadö wetä, tameedä soto wääwanaacato’como ejeemadö wetä. Yää cönäätäcammai ecammatoojo cu’nädö awä.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 2:5

Tamoodedööjönööne Wanaadi cöne’toicho weiñä ne’a’dedö edhaamoje, yää chääjäcä ca’deuwatoodö.

EEWEDEO 6:5

aashicha Wanaadi a’deddu yeichö oneeja’jäcä mmaja, weiñä na’dedö jäduudu oneeja’jäcä mmaja,

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

SANTIYAACO 4:4

Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

1 JUAN 3:16

Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.

APOOCADIISI 7:9

Yää ’jeje weneeaquento jooje soto, ime’cu’tädö e’jodhe jooje yeichöcoomo. Jiidi cönä’ja’to mude je’taca, Oweeja nnedö’cä je’taca. Ñanno soto cönä’jato tameedä nono weichö de’woncomo’jödö, tameedä soto weichöcoomo wa’cä, tameedä jata waadoinchomo’jödö, tameedä aata’deucwemjöncomo’jödö. Yoomöcoomo cönä’jaacä tajääde’deiñe; wasai adö dha’me cönä’jato.