CAADATA 1:12 - Wanaadi A'deddu

¹² Soto wwä’da wetaane, owaanomaajäje’da mmaja; Jesuuquidiitoone yoowanoomane.

CAADATA 1:12 Iomraidhean Croise

1 CODINTIYO 11:23

Cajiichaana Jesuuquidiito dea yoowanoomane yää äwwäiñe wecammajä’aaquennö. Tu’tojo coijaichawä dea Cädhaajotoncomo Jesuuquidiito uu cönannäjöi.

1 CODINTIYO 2:10

Epíiditu Santo yää tönaawanaanö’ca weneene cöwwäiñe, Wanaadi woije. Ñäädä Epíiditu Santo tameedä nemmenca, sö’jato Wanaadi nödöödö jadä’jödöödä.

2 CODINTIYO 10:7

Änwanno ye’wono mma mene’maato. Anejja wwä Quidiito sotoije töwääcanö’a’jäcä, Quidiito sotoije ñaa weichö mmaja chö’tamme’jai ña dea, töwö naadöje mmaja.

2 CODINTIYO 12:1

Dötä’da yeichaame mädääje wä’wa’deme’ca. Eduuwa äwwäiñe wecammajäätö’ñojo Cajiichaana Jesuuquidiito niyääne’cajo’jödö jäcä, öwwä ñeenejo’jödö jäcä mmaja.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

CAADATA 1:16

Wanaadi Tönnedö cöneenejoi öwwä, judhíojöncomo wwä aashichaato wätunnä ecammajä’neije weichö wetä. Yää ’jeje yää jäcä soto aneecamma’jojäätö’da weiyaqueene.

CAADATA 2:2

Wanaadi nanontädö woije wötääne. Yäätä Jeduusadén ña täneejuca’como jadäiñe ñaa cöne’jummai töudäje. Chäwwäiñe wecammajä’ne yaawä aashichaato wätunnä, yää judhíojöncomo wwä töneecammajä’e wääneneedö. Yää chäwwäiñe wecammajä’ne töwäädämmatooje taadawaajui ei’ño, taadawaajui’jödö mmaja, quee öucwadööje.

EUJEESIYO 3:3

Töwö Wanaadi öwwä cöneenejoi yää owaanojöönö’jödö, chääjäcä joojede’da’cä wimennäichö.

1 TEESADOONISENSE 4:15

Yääje yeijäcä edääje ñaa nä’döa äwwäiñe Jesuuquidiito woije: Cönwanno nudo’como, Jesuuquidiito weejödö jonaanato wo’somjo’jocoomo, tä’da caato’de ñanno yä’ja’a’como owaajo.