CAADATA 1:1 - Wanaadi A'deddu

¹ Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

CAADATA 1:1 Iomraidhean Croise

JUAN 10:30

Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 20:21

Yää ’jeje Jesuuquidiito cönä’döa’dea chäwwäiñe: —Täncanoode’da aweicho’como äwwäiñe yei’she wa. Jaaja yenno’janeedöje mmaja manenno’jaato öwö; quee cönä’döaacä.

JUAN 5:19

Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, Wanaadi nnedö töwoije mma tödööjai’cha na, Tumö nödöödö eneedö’jo mmaane tödööjai. Tameedä Tumö nödöödö tönnöe mmaja Iiñedö.

DOSECHO 22:10

Yaawä wä’döaaquene: “ ¿Ane’cäämö tödööjai wanä, Cajiichaana?” quee. Töwö Cajiichaana cönä’döaacä yaawä: “Aanöncä, Damaacu ña äjääne. Yäätä äwwä tödööemö nätääcamma’de äwwä;” quee cönä’döaacä.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 9:6

Saudo cöntätä’nöngacä yaawä tösaccomje. Töwö cönä’döaacä: —Cajiichaana, ¿ane’cäämö tödööjo’se manä öwwä? quee. Yaawä Cajiichaana cönä’döaacä chäwwä: —Aanöncä; jataaca äjääne. Yäätä töweiye na äwwä ecammanei; quee.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 10:9

Äntadö que äwwä ecammajä’a’jäcä Jesuuquidiito Cajiichaanaje yeichö, ätö’tajäätödö que ecaanö’a’jäcä mmaja Wanaadi wwä yäämaajo jonno adonca’jödö, yaawä töwääwanaaca ma’de.

DOMAANO 14:9

Quidiito cönäämai, cönaadoncai chea yää ’jeje, tameedä Cädhaajotoncomooje töweichö wetä, nudo’como Edhaajotoncomooje, yä’ja’a’como Edhaajotoncomooje mmaja.

1 CODINTIYO 1:1

Öwö Paudo, Wanaadi woije Jesuuquidiito nanontädööje e’taajä, cöjimmotoncomo Sootene acä ñaa

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

CAADATA 1:15

Yääje yeichaame wennudu owaajodä dea Wanaadi ye’täne; aashicha töweichö woije töwö ya’dejjane. Yaawä, tumjummadö woije

CAADATA 1:17

Jeduusadén ña tä’da weiyaquennea yaawä ñanno anonta’como yoowajoodo’como döiñaiñe. Adaawiya ña mma wötääne, sa’donna. Yää ’jeje yennacaane dea Damaacu ña.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

2 TIIMOTEO 1:1

Öwö Paudo, Wanaadi woije Jesuuquidiito nanontädö, yeichöödoto weiñä ecammaajä ecaademeecödö wetä öwwä, yää Jesuuquidiito jadä wä’dönä que naadö.

TIITO 1:3

Eduuwa chäänönge yä’döa’jäcä töwö ta’deddu cöwwäiñe cöneecadeeme’joi. Yää jäcä ecammajä’neije dea Cäwaanacaaneichomo Wanaadi yaanontäne.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö: