3 JUAN 1:2 - Wanaadi A'deddu

² Weichacoono umjummadö, Wanaadi wwä töwa’deuwe wäänene tameedä ännödö jäcä aashicha aweichö wetä, cädäije’da aweichö wetä mmaja, odo’tadö naadöje mmaja.

3 JUAN 1:2 Iomraidhean Croise

MATEO 9:12

Yääje yä’dödööcomo eta’jäcä töwwä Jesuuquidiito cönä’döaacä chäwwäiñe, —Cädäijemjönö täjiichö’tänei ämjumma’da töweiye nai; cädäijato mmaane tumjumma.

JIDIIPENSE 2:27

Cädäije dämma cönä’jaacä, äämajai tödööene; töwäädä Wanaadi wentumje cöneene’maiñe’. Töwö mma’da wentumje cöneene’mai, öwö mmajaane, wentumje weichö jona mma wentumje wei’ñode yaawä.

JIDIIPENSE 2:4

Amäädä aweichö mmajöönö encano’täcä, ajimmä weichö mmajaane.

2 TEESADOONISENSE 1:3

Änwanno jimmä, yeichöje Wanaadi wwä aashicha a’deujai ñaa na äjääcäinchädäiñe, jooje aneecamjödööcomo wejaamödö weijäcä, äwwäädäiñe äwä’jummadööcomo wejaamödö weijäcä mmaja.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

SANTIYAACO 5:12

Jimmä, aashicha etaatäcä edä wä’wätuujanä. Jäduuje mma määcammatäi’che. Caju ñano joi määcammatäi’che, edä nono joi jeiñe mma, anejja joi jeiñe mma. Sa’donna mmaane ääcammatääcä, “Ee”, quee mmaane, “Ng’jn,” quee jeiñe mma, conemjönööje mma mätä’tojooto’no Wanaadi wwä.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

3 JUAN 1:1

Öwö, ansiyaano, edä wimenna äwwadäädä, amäädä weichacoono umjummadö Caayo, chäänöngato que wijummaadö.

APOOCADIISI 2:9

Yoowanääcä na tameedä ännödö, yeetunu eneedö äwwä, tönsomaaque’da aweichö mmaja, Wanaadi nödöödö jäcä tönsomaaque aweichaame jooje. Yoowanääcä na adheementädö ñanno judhíoja’como wätä’tädö wwäiñe, judhíoje’da töweichaameiñe, Caajuushawa sotoiñe.